Published:Updated:

என்ன சொல்கிறது நிதிநிலை அறிக்கை?

தமிழக பட்ஜெட்... ஒரு பார்வைத. ஜெயகுமார், படங்கள்: சு. குமரேசன்

என்ன சொல்கிறது நிதிநிலை அறிக்கை?

தமிழக பட்ஜெட்... ஒரு பார்வைத. ஜெயகுமார், படங்கள்: சு. குமரேசன்

Published:Updated:
##~##

  ரவிருக்கும் நாடாளுமன்றத் தேர்தலை மனதில் வைத்து... மத்திய, மாநில அரசுகள் தாராளமான நிதிநிலை அறிக்கையை தாக்கல் செய்துள்ளன. வழக்கம் போல, திட்டங்களுக்கு ஒதுக்கப்படும் பணம் என்னவானது... திட்டங்கள் என்னவாயின... என்பதைப் பற்றியெல்லாம் தெரிந்துகொள்வதற்கு இங்கே வாய்ப்பே இல்லை. ஆனால், மறுபடி மறுபடி திட்டங்களைத் தீட்டி, பணத்தை அள்ளிவிட்டுக் கொண்டே இருக்கிறார்கள். சரி, எவ்வளவு பணம் ஒதுக்கீடு செய்யப்பட்டுள்ளது என்பதையாவது தெரிந்து கொள்வோமே!

2014-15-ம் ஆண்டுக்கான, தமிழக அரசின் நிதிநிலை அறிக்கையை பிப்ரவரி 13-ம் தேதி நிதியமைச்சர் ஓ. பன்னீர்செல்வம் சட்ட சபையில் தாக்கல் செய்தார். பொதுத்துறை நிறுவனங்களுக்குத்தான் இந்த நிதியாண்டில் அதிகளவில் நிதி ஒதுக்கப்பட்டுள்ளது. வேளாண் துறைக்கு கடந்த ஆண்டை விட 171 கோடி ரூபாய் அதிகம் சேர்த்து, மொத்தம் 5 ஆயிரத்து 360 கோடி ரூபாய் ஒதுக்கப்பட்டுள்ளது. வேளாண்மை, கால்நடை, பால், நீர்வளம் ஆகிய துறைகளுக்கு நிதிநிலை அறிக்கையில் ஒதுக்கப்பட்டுள்ள நிதி பற்றிய விவரங்களின் சாராம்சங்கள், இங்கே இடம் பெறுகின்றன.

ஒட்டுமொத்த விகடனுக்கும் ஒரே ஷார்ட்கட்!

பருத்திக்கு

என்ன சொல்கிறது நிதிநிலை அறிக்கை?

50 கோடி!

கூட்டுறவு அமைப்புகள் மூலம் பயிர்க்கடன் வழங்க, 5 ஆயிரம் கோடி ரூபாய், வேளாண்மை இயந்திரமயமாக்கலுக்கு 100 கோடி ரூபாய், 22 மாவட்டங்களில் தேசிய தோட்டக்கலைப் பயிர்களை ஊக்கப்படுத்த 115 கோடி ரூபாய், தேசிய வேளாண்மை வளர்ச்சித் திட்டத்தின் கீழ் நெல், கரும்பு ஆகிய பயிர்கள் சாகுபடிக்கு 323 கோடி ரூபாய், பயிர் காப்பீடு திட்டத்துக்கு 242.54 கோடி ரூபாய், நுண்ணுயிர்ப் பாசனத்தை மேம்படுத்த 115 கோடி ரூபாய் என நிதி ஒதுக்கப்பட்டுள்ளது. திருந்திய நெல் சாகுபடி முறை 3 லட்சம் ஏக்கருக்கு விரிவுபடுத்தப்படும். 'பருத்தி சாகுபடி இயக்கம்’ என்ற பெயரில் பெருந்திட்டம் ஒன்று தொடங்கப்படும். அதன்கீழ் பருத்தி சாகுபடியை மேம்படுத்த 50 கோடி ரூபாய் ஒதுக்கப்படும். கடந்த நிதியாண்டில் 8.9 லட்சம் விவசாயிகளுக்கு பயிர்க்கடன் கொடுக்கப்பட்டுள்ளது. துல்லியப் பண்ணைத்திட்டம் 11 ஆயிரம் ஏக்கருக்கு விரிவுப்படுத்தப்படும். நடவு துவரை 1.3 லட்சம் ஏக்கருக்கு விரிவுபடுத்தப்படும். ஆலைகளுடன் சேர்ந்து கரும்பு சாகுபடி பரப்பு 12 ஆயிரத்து 500 ஏக்கருக்கு விரிவுப்படுத்தப்படும்.

என்ன சொல்கிறது நிதிநிலை அறிக்கை?

கோழி வளர்ப்புக்கு 25 கோடி!

100 கால்நடைத் துணை மையங்கள் கால்நடை மருந்தகங்களாக தரம் உயர்த்தப்படும். விலையில்லா கறவைமாடு வழங்கும் திட்டத்தில் 12 ஆயிரம் பயனாளிகளுக்கு 43.65 கோடி ரூபாய் செலவில், கறவை மாடுகள் வழங்கப்படும். விலையில்லா வெள்ளாடு, செம்மறியாடு வழங்கும் திட்டத்தில் ஒன்றரை லட்சம் பயனாளிகளுக்கு 118.25 கோடி செலவில் ஆடுகள் வழங்கப்படும். பால்பண்ணைகளை ஊக்கப்படுத்த 25 கோடி ரூபாய் ஒதுக்கப்பட்டுள்ளது. கோழி வளர்ப்புக்கு 25 கோடி ரூபாயும், பாசன வசதிக்காக 3,669.79 கோடி ரூபாயும் ஒதுக்கப்பட்டுள்ளது.

நதிகள் இணைப்புக்கு 38 கோடி!

மாநில நதிகள் இணைப்புத் திட்டத்துக்கு 38 கோடி ரூபாய்; அணைகள் புனரமைப்புப் பணிக்கு 329.65 கோடி ரூபாய்; பாரம்பரிய நீர்நிலைகளைக் காக்க 86.28 கோடி; பசுமை மின்சக்தி வழித்தடங்கள் அமைக்க 1,593 கோடி; கூவம் நதியை முழுமையாக சீரமைக்க 3833.62 கோடி; உணவு மானியத்துக்கு 5,300 கோடி ரூபாய் என ஒதுக்கீடு செய்யப்படும் என்று நிதிநிலை

என்ன சொல்கிறது நிதிநிலை அறிக்கை?

அறிக்கையில் சொல்லப்பட்டுள்ளது.

வேளாண்மைக்கு 8 லட்சம் கோடி ரூபாய் கடன்!

மத்திய அரசின் இடைக்கால நிதி நிலை அறிக்கையை பிப்ரவரி 17-ம் தேதி நிதியமைச்சர் ப. சிதம்பரம், நாடாளுமன்றத்தில் தாக்கல் செய்தார். அதில், ''கிடங்குகளில் சேமிக்கப்படும் அரிசிக்கு சமீபத்தில் விதிக்கப்பட்ட சேவை வரி ரத்து செய்யப்பட்டிருக்கிறது. நாட்டின் உணவு-தானிய உற்பத்தி 263 மில்லியன் டன் என்று கணக்கிடப்பட்டுள்ளது. 2015-ம் ஆண்டுக்கு வேளாண்மைக் கடன் 8 லட்சம் கோடி ரூபாய் வழங்கப்படும். தேசிய உணவு பாதுகாப்புச் சட்டத்தின்படி உணவு மானியத்துக்கு 1 லட்சத்து 15 ஆயிரம் கோடி ரூபாய் ஒதுக்கப்பட்டுள்ளது. உணவு, உரம், எரிபொருளுக்கான மானியமாக 2 லட்சத்து 46 ஆயிரத்து 397 கோடி ரூபாய் ஒதுக்கப்பட்டுள்ளது. 2014-15ம் ஆண்டு வேளாண் பொருட்களின் ஏற்றுமதி 45 பில்லியனாக இருக்கும் என்று எதிர்பார்க்கப்படுகிறது. நாட்டின் மொத்த வேளாண் உற்பத்தி 4.6 சதவிகிதமாக இருக்கும் என எதிர்பார்க்கப்படுகிறது என்றெல்லாம் கூறியிருக்கிறார் மத்திய நிதியமைச்சர்!