Published:Updated:

ஒரே கல்லில் மூன்று மாங்காய்..!

கழிவுகளில் இருந்தும் காசு பார்க்கலாம்... படம்: ர. சதானந்த் ஞா. சுதாகர்

ஒரே கல்லில் மூன்று மாங்காய்..!

கழிவுகளில் இருந்தும் காசு பார்க்கலாம்... படம்: ர. சதானந்த் ஞா. சுதாகர்

Published:Updated:

 கருவி

கோடிக்கணக்கில் முதலீடு செய்து தொழில் செய்யும் பெரிய தொழிற்சாலை களுக்குக்கூட, கழிவுகளை நிர்வகிப்பது என்பது படாதபாடுதான். அவர்களுக்குப் பயன்படும் வகையில், 'நொதித்தல் முறையில் எரிவாயு உற்பத்தி செய்தல்’ என்ற தொழில் நுட்பத்தின் மூலம் கழிவுகளில் இருந்து மின்சாரம் தயாரிக்கும் முறையை அறிமுகப்படுத்தியிருக்கிறது, கோயம்புத்தூரிலிருக்கும் தமிழ்நாடு வேளாண்மைப் பல்கலைக்கழகத்தின் உயிர்சக்தித் துறை.

இதுபற்றி பேசிய அந்தத் துறையின் பேராசிரியர் சௌ. காமராஜ், ''இதுவரைக்கும் உயிரி எரிவாயுவைக் கொண்டு, குறைந்த அளவு டீசலைப் பயன்படுத்தி மின்சாரம் தயாரிக்கும் தொழில்நுட்பம் மட்டுமே நம் வசம் இருந்தது. ஆனால், 'நொதித்தல் முறையில் எரிவாயு உற்பத்தி செய்தல்’ என்ற தொழில்நுட்பத்தின் மூலம், முழுக்க உயிரி எரிவாயுவைக் கொண்டே மின்சாரம் தயாரிக்க முடியும். இது வீடுகளுக்கு ஏற்ற தல்ல. தொழிற்சாலைகளுக்கு மட்டுமே பயன்படும்.

ஒரே கல்லில் மூன்று மாங்காய்..!

இதன் மூலம், கழிவுகளை நிர்வகிக்கும் செலவு குறைவதுடன், சுற்றுச்சூழலுக்கும் இது ஏற்றது. இந்தத் தொழில்நுட்பம் மூலம் ஒரு டன் கழிவில் இருந்து 100 கியூபிக் சென்டி மீட்டர் எரிவாயு உற்பத்தி செய்ய முடியும். அனைத்து வகை இயற்கைக் கழிவு களையும், எரிவாயுவாக மாற்றி, மின்சாரம் உற்பத்தி செய்யலாம்.

இத்திட்டம் கடந்த 5 ஆண்டுகளாகத் திட்டமிடப்பட்டு பல்வேறு குறைநிறைகளைக் கண்டறிந்து, தற்போதுதான் முழுவடிவம் பெற்றுள்ளது. கழிவுகளைச் சிதைக்கும் பாக்டீரியாக்கள் மூலம் முதலில் கழிவுகள் சிதைக்கப்பட்டு பின் நொதிக்கப்பட்டு... பாக்டீரியாக்களால் அமிலம் உருவாக்கப்பட்டு, மெத்னோஜெனிக் பாக்டீரியாக்கள் மூலம் மீத்தேன் உருவாகிறது. இதிலிருந்து பிரத்யேக இன்ஜினுக்குள் வாயு செலுத்தப்பட்டு, மின்சாரம் தயாரிக்கப்படுகிறது. இதில் மிஞ்சும் திடக்கழிவுகள், உரமாகப் பயன் படுகின்றன'' என்றவர்,

''இதை அமைப்பதற்கான செலவுத் தொகையில், 40% அரசு மானியமாக கிடைக்கிறது. வங்கிகளும் கடன் உதவி செய்கின்றன. இதில் முதலீடு செய்த தொகையை இரண்டு ஆண்டுகளில் எடுத்து விடலாம். இந்தக் கருவியின் ஆயுட்காலம் 20 ஆண்டுகள்'' என்றார்.

தொடர்புக்கு, சௌ.காமராஜ்,
செல்போன்: 94439-34139