Published:Updated:

தேங்காயை இருப்பு வைக்க வேண்டாம்!

தேங்காயை இருப்பு வைக்க வேண்டாம்!

தேங்காயை இருப்பு வைக்க வேண்டாம்!

தேங்காயை இருப்பு வைக்க வேண்டாம்!

Published:Updated:

  பசுமைக் குழு

முன்னறிவிப்பு

பீட்ரூட்டுக்கு சீரான விலை!

தமிழ்நாட்டில், நீலகிரி, தேனி, திருப்பூர், திண்டுக்கல், கோயம்புத்தூர், கிருஷ்ணகிரி, ஈரோடு ஆகிய மாவட்டங்களில் பீட்ரூட் சாகுபடி செய்யப்படுகிறது. கடந்த 8 ஆண்டுகளில் மேட்டுப்பாளையம் சந்தையில் பீட்ரூட்டுக்கு கிடைத்த விலை பற்றிய ஆய்வு முடிவுகள்படி... வருகிற மே மாதம் முதல் ஜூன் மாதம் வரை ஒரு கிலோ பீட்ரூட்டுக்கு... பண்ணை விலையாக 11 ரூபாய் முதல் 13 ரூபாய் வரை கிடைக்க வாய்ப்பு உள்ளது.

கத்திரி விலை ஏறும்!

சேலம், திண்டுக்கல், வேலூர், கிருஷ்ணகிரி, கோயம்புத்தூர் ஆகிய மாவட்டங்களில் அதிகளவில் கத்திரிக்காய் சாகுபடி செய்யப்படுகிறது. தற்போது, ஒரு  கிலோ 6 ரூபாய் முதல்

8 ரூபாய் வரை விற்பனையாகிறது. அதிகப்படியான வரத்தால் தற்போது விலை குறைந்துள்ளது. கடந்த 11 ஆண்டுகளாக ஒட்டன்சத்திரம், கோயம்புத்தூர், ஆத்தூர் ஆகிய சந்தைகளில் விற்பனை விலை பற்றிய ஆய்வு முடிவுகள்படி, மார்ச் மூன்றாவது வாரத்தில் இருந்து கத்திரிக்கு விலை ஏற வாய்ப்புள்ளது.

தேங்காயை இருப்பு வைக்க வேண்டாம்!

கேரட்... கவனம்!

கடந்த 9 ஆண்டுகளில் மேட்டுப்பாளையம் சந்தையில் கேரட் விற்பனை விலை பற்றிய ஆய்வு முடிவுகள்படி, வருகிற மே மாதம் முதல் ஜூன் மாதம் வரை பண்ணை விலையாக ஒரு கிலோ கேரட்டுக்கு 14 ரூபாய் முதல் 16 ரூபாய் வரை கிடைக்க வாய்ப்புள்ளது. இந்த விலையை அடிப்படையாக வைத்து விதைப்புப் பணிகளை மேற்கொள்ளலாம்.

தேங்காய் இருப்பு வைக்க வேண்டாம்!

வறட்சியால் குறைந்துபோன உற்பத்தி, ஆந்திரா மற்றும் கர்நாடகா மாநிலங்களில் இருந்து வரத்துக் குறைவு, ஆகிய காரணங்களால்... தேங்காய் மற்றும் கொப்பரை விலை தற்போது அதிகரித்து, கணிசமான விலை கிடைத்து வருகிறது. தேங்காய் எண்ணெயின் தேவை அதிகரித்து வருவதும், கொப்பரை விலையேற்றத்துக்கு ஒரு காரணம். அவல்பூந்துறை ஒழுங்குமுறை விற்பனைக்கூடத்தில் ஒரு கிலோ கொப்பரைத் தேங்காய் 89 ரூபாய் முதல்

90 ரூபாய் வரை விற்பனையாகிறது. அவல்பூந்துறை ஒழங்குமுறை விற்பனைக்கூடத்தில், கடந்த 12 ஆண்டுகளில் தேங்காய் மற்றும் கொப்பரை விற்பனை விலை ஆய்வு முடிவுகள்படி... ஒரு கிலோ கொப்பரை, 92 ரூபாய் முதல் 96 ரூபாய் வரை விற்பனையாக வாய்ப்புள்ளதாகத் தெரிகிறது. நெகமம் ஒழுங்குமுறை விற்பனைக்கூடத்தில் இதை விட விலை சற்று குறைவாகவே இருக்கும்.

மே மாதத்தில் கர்நாடகா மாநிலத்தில் இருந்து தேங்காய் வரத்து துவங்கி விடும் என்பதால், விலை குறைய வாய்ப்புகள் உள்ளன. அதனால், இருப்பு வைக்காமல் தேங்காய் மற்றும் கொப்பரைகளை விற்பனை செய்யுமாறு பரிந் துரை செய்யப்படுகிறது.

மஞ்சள் விலை ஏறும்!

இருப்பு, தற்போதைய பயிர் நிலவரம், ஏற்றுமதி மற்றும் உள்நாட்டுத் தேவை ஆகியவைதான் மஞ்சள் விலையை நிர்ணயம் செய்கின்றன. கடந்த ஆண்டு கரீஃப் பருவத்தில் (ஜூன்-ஜூலை) பயிரிடப்பட்டு, பிப்ரவரி-ஏப்ரல் வரை அறுவடை செய்யப்பட்ட மஞ்சள், ஒரு குவிண்டால்

6 ஆயிரத்து 500 ரூபாய் முதல், 7 ஆயிரம் ரூபாய் வரை விற்பனை செய்யப்பட்டது. ஆனால், சில மாதங்களிலேயே 5 ஆயிரத்து 800 ரூபாய் அளவுக்குக் குறைந்தது. இந்த ஆண்டு துவக்கத்தில் விலை அதிகரித்து...

6 ஆயிரத்து 700 ரூபாய் அளவுக்கு விற்பனையாகிறது. கடந்த 25 ஆண்டுகளாக ஈரோடு ஒழுங்குமுறை விற்பனைக்கூடத்தில் விற்பனையான விலை பற்றிய ஆய்வு முடிவுகள்படி... வரும் மார்ச் முதல் மே மாதம் வரையில், ஒரு குவிண்டால் மஞ்சள் 7 ஆயிரத்து 500 ரூபாய்க்கு மேல் விற்பனையாக வாய்ப்புகள் உள்ளதாக கணிக்கப்பட்டுள்ளது.

மார்ச் மாதம் முதல் மே மாதம் வரை உள்ள பட்டத்தில் விதைக்கப்படும் பயிர்களை அறுவடை செய்யும் சமயத்தில் கிடைக்கும் விலை பற்றிய முன்னறிவிப்பு, மற்றும் தற்போது அறுவடையாகிக் கொண்டிருக்கும் விளைபொருட்களுக்கான  விலை நிலவரம் ஆகியவற்றை வெளியிட்டுள்ளது, தமிழ்நாடு வேளாண்மைப் பல்கலைக்கழகத்தில் இயங்கி வரும் உள்நாட்டு மற்றும் ஏற்றுமதிச் சந்தைத் தகவல் மையம்.