Published:Updated:

சுழற்றியடிக்கும் மீத்தேன்!

சுழற்றியடிக்கும் மீத்தேன்!

சுழற்றியடிக்கும் மீத்தேன்!

சுழற்றியடிக்கும் மீத்தேன்!

Published:Updated:
சுழற்றியடிக்கும் மீத்தேன்!

அனைவருக்கும் பசுமை வணக்கம்!

மீத்தேன் விவகாரம், இந்த நாடாளுமன்றத் தேர்தலில் பயங்கரமாகச் சுழல ஆரம்பித்துள்ளது.

'தொழில் வளர்ச்சி' எனும் பெயரால், வளம்கொழிக்கும் காவிரி டெல்டா பிரசேதத்தில், பூமிக்கடியில் கிடக்கும் மீத்தேன் வாயு மற்றும் நிலக்கரியை வெட்டி எடுக்கும் முயற்சியில் தனியார் நிறுவனத்தை முடுக்கிவிட்டுள்ளது மத்திய அரசு.

ஆனால், 'வளர்ச்சி என்கிற பெயரில் பசுமைப் பிரதேசத்தைப் பாலைவனமாக்குவதா...?' என்று 'இயற்கை வேளாண் விஞ்ஞானி' நம்மாழ்வார் பற்ற வைத்த தீ... பரவலாகப் பற்றிக் கொள்ள, 'வளமான விவசாய பூமியை, அழிக்க விடமாட்டோம்' என்கிற உணர்வு டெல்டா முழுக்கவே பரவிக் கிடக்கிறது. இது, தற்போது டெல்டா மாவட்டங்களின் தேர்தல் பிரசாரத்திலும் மிகமுக்கிய இடத்தைப் பிடித்துள்ளது. குறிப்பாக, தஞ்சாவூர் தொகுதியில் போட்டியிடும் தி.மு.க. வேட்பாளர் டி.ஆர். பாலுவுக்கு எதிராக இந்த விஷயம் றெக்கை கட்டியுள்ளது.

கடந்த காலங்களில் மத்திய பெட்ரோலியத் துறை, டி.ஆர். பாலுவின் கைகளில் இருந்தபோதுதான், மீத்தேன் வாயு விஷயத்துக்கு இந்தியாவில் பிள்ளையார்சுழி போடப்பட்டது. முதலில், ராஜஸ்தான் பாலைவனப் பகுதிகளில் மீத்தேன் எடுப்பது குறித்து பேசப்பட்டு, கொஞ்சம் கொஞ்சமாக அது காவிரி டெல்டாவிலும் மையம் கொண்டுவிட்டது. இதுபற்றிய குறிப்புகளை, டி.ஆர். பாலுவின் இணையப் பக்கங்களிலிருந்தே தோண்டி எடுத்து, அவருக்கு எதிரான அஸ்திரமாக வீசப்படுகிறது.

இந்நிலையில், பாலுவுக்காக பிரசாரம் செய்ய தஞ்சாவூர் வந்த மு.க. ஸ்டாலின், ''மீத்தேன் வாயு எடுக்கும் திட்டத்தை மறுபரிசீலனை செய்ய வேண்டும் என எங்கள் தேர்தல் அறிக்கையிலேயே குறிப்பிட்டுள்ளோம். தி.மு.க. ஆட்சியில் மீத்தேன் எடுக்க தனியார் நிறுவனத்துடன் ஒப்பந்தம் செய்யப்பட்டது என்று தவறான தகவல் பரப்பப்படுகிறது’ என்று விளக்கம் கொடுத்திருக்கிறார்.

அதேசமயம், 'தி.மு.க. ஆட்சியில் இருந்தபோதுதான், தமிழக அரசுக்கும் 'கிரேட் ஈஸ்டர்ன் எனர்ஜி' நிறுவனத்துக்கும் இடையே மீத்தேன் தொடர்பான புரிந்துணர்வு ஒப்பந்தம் போடப்பட்டுள்ளது' என்று ஆதாரங்களை அள்ளி வீசிக் கொண்டிருக்கிறார் ஜெயலலிதா!

ஆனால், ''ஸ்டாலினோ... ஜெயலலிதாவோ... 'மீத்தேன் திட்டத்தை முழுமையாகக் கைவிடுவோம்' என்ற எந்த உறுதிமொழியையும் தரவில்லையே'' என்று, டீக்கடைக்கு டீக்கடை, டெல்டா விவசாயிகள் பேசிக் கொண்டிருப்பது இவர்களின் காதுகளில் விழுந்ததா என்று தெரியவில்லை!

- ஆசிரியர்