Published:Updated:

சுழன்றடித்த சூறைக்காற்று... சுருண்டுவிழுந்த வாழை!

- ஜி. பழனிச்சாமி, படம்: மு. லலித்குமார்

சுழன்றடித்த சூறைக்காற்று... சுருண்டுவிழுந்த வாழை!

- ஜி. பழனிச்சாமி, படம்: மு. லலித்குமார்

Published:Updated:

சமீபத்தில் வீசிய சூறாவளிக் காற்று, பல நூறு ஏக்கரில் விளைந்து நின்ற வாழை மரங்களை அடியோடு அழித்து விட்டது. இதனால் ஏற்பட்ட கோடிக்கணக்கான ரூபாய் நஷ்டம் காரணமாக, ஈரோடு மாவட்ட வாழை விவசாயிகள், மனதொடிந்துள்ளனர்.

பாதிக்கப்பட்ட ஒட்டுமொத்த விவசாயிகளின் குரலாகப் பேசிய ஈரோடு மாவட்டம், கள்ளிப்பட்டி அடுத்துள்ள பெருமுகை கிராம வாழை விவசாயி சரவணக்குமார், ''மே 30-ம் தேதி ராத்திரி அடிச்ச சூறாவளிக் காத்துல இந்தப் பகுதியில மட்டும் 100 ஏக்கர்ல வாழை மரங்க சாஞ்சுடுச்சு. அஞ்சாறு நாள்ல அறுவடை செய்ய இருந்த மரங்கதான் அதிகம். எனக்கு, 3 ஆயிரம் வாழை மரங்க முறிஞ்சு போச்சு. இதுவரைக்கும் செலவு செஞ்சது 3 லட்ச ரூபாய்.

சுழன்றடித்த சூறைக்காற்று... சுருண்டுவிழுந்த வாழை!

ஒட்டுமொத்த விகடனுக்கும் ஒரே ஷார்ட்கட்!

தாருக்கு 300 ரூபாய்னு கணக்குப் பண்ணினா... மொத்தம் 9 லட்ச ரூபாய் காலி. ஆனா, மாவட்ட நிர்வாகம் கண்டுக்கவே இல்ல. ஒரு மரத்துக்கு இழப்பீட்டுத் தொகையா குறைஞ்சது 200 ரூபாய்னு கொடுத்தாத்தான் அடுத்த போக சாகுபடியை அச்சமில்லாம செய்யமுடியும்'' என்று சோகம் பொங்கச் சொன்னார்.

அந்தியூர் தொகுதி சட்டமன்ற உறுப்பினர் (அ.தி.மு.க)  ரமணீதரன் கவனத்துக்கு இந்த விஷயத்தைக் கொண்டு சென்றபோது, ''இதுவரை விவசாயிகள் யாரும் என்கிட்ட சொல்லல. நீங்க கொண்டு வந்துட்டீங்க. உடனே, சம்பந்தப்பட்ட அதிகாரிகளிடம்  பேசி, நிவாரணத்துக்கு ஏற்பாடு செய்கிறேன்'' என்று நம்பிக்கை வார்த்தைகள் பகிர்ந்தார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism