Published:Updated:

நல்லது நடக்கட்டும்!

நல்லது நடக்கட்டும்!

நல்லது நடக்கட்டும்!

நல்லது நடக்கட்டும்!

Published:Updated:

அனைவருக்கும் பசுமை வணக்கம்!

'100 நாள் வேலை திட்டம் எனப்படும் மகாத்மா காந்தி ஊரக வேலைவாய்ப்புத் திட்டத்தை, 60% வரை இனி விவசாய வேலைகளுக்குப் பயன்படுத்தலாம்!’ என்றொரு தகவல் மத்திய ஊரக மேம்பாட்டு அமைச்சகத்திலிருந்து வெளிவந்திருக்கிறது.

கடந்தகால காங்கிரஸ் ஆட்சியின்போது, 'வேலையின்றி வாடும் கிராமப்புற ஏழைகளை, ஏரி, குளம், கால்வாய்கள் மற்றும் சாலைகள் சீர்செய்தல் உள்ளிட்ட பணிகளில் ஈடுபடுத்தி, ஓராண்டில் 100 நாட்களுக்கான வேலைவாய்ப்பை உறுதி செய்வோம்' என்று ஆரம்பிக்கப்பட்ட இத்திட்டம், விவசாயத்தை வாட வைத்ததுதான் கொடுமை!

ஒட்டுமொத்த விகடனுக்கும் ஒரே ஷார்ட்கட்!

நல்லது நடக்கட்டும்!

கிராமத்திலிருக்கும் பெரும்பாலான தொழிலாளர்கள், '100 நாள் வேலை' என்பதிலேயே மூழ்க, விவசாய வேலைகளுக்கு ஆட்கள் கிடைப்பது குதிரைக் கொம்பாகி, விவசாயமே பெரிதாக பாதிக்கப்பட்டது. 'சரி, விவசாயத்துக்கு உதவக்கூடிய நீர்நிலைகளில்தானே வேலை செய்கிறார்கள்' என்று ஆறுதல் அடையப் பார்த்தால், அதுவும் கானல் நீராகிப் போனது. பெரும்பாலும் 'கணக்கு'க் காட்டும் வேலைகளே நடந்தது கொடுமையிலும் கொடுமை.

'கேரளாவில் 100 நாள் வேலை திட்டத்தை, விவசாய வேலைகளுடன் ஒருங்கிணைத்து நடத்துவதுபோல, நாடு முழுக்கவே நடத்தலாம்' என்ற கோரிக்கைப் பலமாக எழுந்தது. ஆனால், 'இதில் கை வைத்தால், ஓட்டு வங்கி சிதறிவிடும்' என்கிற பயத்தில் காங்கிரஸ் அரசு எதையும் கண்டுகொள்ளவே இல்லை. இதனால், விவசாயத்தை விட்டு வெளியேறுவோரின் எண்ணிக்கையைப் பெருக்கும் திட்டமாக மாறிப்போனது, 100 நாள் வேலை திட்டம்!

புதிதாகப் பொறுப்பேற்றிருக்கும் பி.ஜே.பி அரசு, இதைக் கையில் எடுத்திருக்கிறது. நல்லது நடக்கட்டும்!

ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism