Published:Updated:

சாதனை-14 : ‘மரப்பயிரும் பணப்பயிரே!’

வனதாசன். ரா.ராஜசேகரன், சிவராம்
பிரீமியம் ஸ்டோரி
News
வனதாசன். ரா.ராஜசேகரன், சிவராம்

மரம் வளர்ப்பு - வனதாசன். ரா.ராஜசேகரன்

ண்ணீர் தட்டுப்பாடு, விலையின்மை போன்ற பல்வேறு காரணங்களால் மாற்றுப் பயிரை நோக்கி நகர்கிறார்கள் விவசாயிகள். மாற்றுப் பயிர் தேடும் விவசாயிகளின் தேர்வாக இருப்பது மரம் வளர்ப்பு. பசுமை விகடன் வருகைக்குப் பிறகு, மரம் வளர்ப்பு குறித்த ஆர்வம் அதிகரித்திருக்கிறது. இதனைக் கடந்த 14 ஆண்டுகளாகப் பசுமை விகடன் போதித்து வருகிறது.

பசுமை விகடனில் ‘வாழ்க மரம்... வளர்க பணம்’ என்ற தொடரில் வணிகரீதியாக மரம் வளர்க்கும் தொழில்நுட்பங்கள் குறித்து எழுதி இருந்தேன். அது உலகம் முழுவதும் சென்றடைந்தது. பசுமை விகடன் வருகைக்குப் பிறகுதான் தமிழ்நாட்டில் மரம் வளர்ப்பு வேகமெடுத்தது. குறிப்பாகத் தொடர் படித்துவிட்டு, மலைவேம்பு நடவு செய்தவர்கள், தற்போது அறுவடை செய்து லாபம் ஈட்டி வருகிறார்கள்.

நாட்டின் மொத்த நிலப்பரப்பில் 33 சதவிகிதம் பசுமை போர்வை இருக்க வேண்டும். அப்போதுதான் நன்கு மழை பொழியும். ஆனால் தமிழ்நாட்டில் தற்போது 21.7 சதவிகிதம் மட்டும்தான் உள்ளது. இதை அதிகரிக்க ஒரே வழி தனியார் நிலங்களில் காடு வளர்ப்பதுதான். பசுமை விகடன் மூலம் இன்னும் இன்னும் மரங்கள் வளர்ந்து ‘பசுமை’ பல்கி பெருகட்டும்.

சாதனை-14 : ‘மரப்பயிரும் பணப்பயிரே!’

மரங்களுக்கு மரியாதை!

மரம் வளர்ப்பு - சிவராம் ஒருங்கிணைப்பாளர், வனத்துக்குள் திருப்பூர்

சுமை விகடன் வந்த பிறகுதான் மரம் வளர்ப்பவர்களுக்குத் தனி மரியாதை உருவானது. சுயநலம் பாராது சமூகத்திற்காக மரம் வளர்ப்பவர்களைப் ‘பச்சை மனிதர்கள்’ என மரியாதை செய்தது பசுமை விகடன். அதன் பிறகு, மரம் வளர்க்கும் எண்ணம் அதிகமானது. அப்துல் கலாம் ஐயா நினைவாகத் திருப்பூர் மாவட்டத்தில் 6 ஆண்டுகளில் 10 லட்சம் மரங்களை நடவு செய்து பராமரித்து வருகிறோம். எங்கள் செயல்பாடுகளை உலகம் முழுவதும் எடுத்துச் சென்றது பசுமை விகடன். அது பல்வேறு பகுதிகளில் மரம் வளர்ப்பதில் ஆர்வத்தை உருவாக்கி இருக்கிறது. இப்படி மரம் வளர்ப்பு தொடர்பான விழிப்புணர்வு, பயிற்சி எனத் தொடர்ந்து பசுமைப் பாதையில் இயங்கி வருகிறது பசுமை விகடன். தமிழகத்தின் அனைத்து மாவட்டங்களிலும் ‘வனத்துக்குள் திருப்பூர்’ மாதிரியை முன்னெடுத்தால், இழந்த பசுமை பரப்பளவை மீட்டெடுத்து, காற்று மாசைக் குறைத்து, மழை விகிதத்தை அதிகமாக்கலாம். கிட்டத்தட்ட அனைத்து மாவட்டங்களிலும் பசுமை அமைப்புகள், தன்னார்வலர்கள் இதற்குத் தயாராக இருக்கிறார்கள். பசுமை விகடன் இதனை முன்னெடுத்துச் சென்றால், திருப்பூர் மாவட்டத்தில் நாங்கள் 10 லட்சம் மரங்களை வளர்த்ததைப் போலத் தமிழகமெங்கும் ஒரு கோடி மரங்களை வளர்க்க முடியும். இதைச் செய்வதற்கான தூண்டுகோலாகப் பசுமை விகடன் இருந்து வருகிறது.