Published:Updated:

சாதனை-7: நீர் மேலாண்மை - தூர்ந்துபோன போர்வெல்களில் தண்ணீர்!

நீர் மேலாண்மை
பிரீமியம் ஸ்டோரி
News
நீர் மேலாண்மை

பொறியாளர் பிரிட்டோ ராஜ், நீர் மேலாண்மை வல்லுநர்

தமிழகத்தில் 2010-ம் ஆண்டுக்குப் பிறகு, அதீத வறட்சி. அதன் காரணமாக விவசாயிகள் மற்றும் குடியிருப்புப் பகுதிகளில் அதிக ஆழத்தில் தண்ணீரைத் தேடிப் போர்வெல் போட ஆரம்பித்தார்கள். சராசரியாக போர்வெல் ஆழம் 400-500 அடியாக இருந்த நிலை மாறி, 600, 800 அடியாகவும், ஒருசில பகுதிகளில் 1,000, 1,400 அடியாகவும் அதிகரித்தது. இப்படி ஆழ்துளைக் கிணறு மூலமாகத் தண்ணீர் எடுப்பதால் குளங்கள் உள்ளிட்ட நீராதாரங்கள் மேலும் வறண்டுபோய், எவ்வளவு மழை பெய்தாலும் மண்ணுக்குச் சுபிட்சம் கிடைக்காது என்ற நிலை. இதனைப் புரிந்துகொண்டு, எப்படிச் சரிசெய்யலாமெனப் பசுமை விகடனிலிருந்து என்னைத் தொடர்பு கொண்டார்கள். அதைப் பற்றி விரிவாகப் பேசினோம்.

தொடர்ந்து கட்டுரைகள் வாயிலாகவும், கருத்தரங்குகள் வாயிலாகவும் நீர் மேலாண்மை தொழில்நுட்பங்களை மக்களுக்குப் பரப்பும் பணியைச் செய்தது பசுமை விகடன். முக்கியமாக ஆழ்துளைக் கிணறு பூமிக்கு அடியில் இருக்க ஒரு கட்டமைப்பு. அதைப்பற்றி அனைவரும் புரிந்துகொள்ளும் வகையில் எளிமையான முறையில் கட்டுரைகள் வாயிலாக விளக்கினோம். தூர்ந்துபோன போர்வெல்களில் மீண்டும் தண்ணீர் எடுக்கும் நுட்பங்கள், பண்ணைக்குட்டைகள், நிலங்களில் நீர் சேமிக்கும் முறைகள், தடுப்பணைகள் எனத் தொழில்நுட்ப தகவல்களைத் தொடர்ந்து பரப்பும் பணி நடந்துகொண்டே இருக்கிறது. அதன் விளைவு, நீர் மேலாண்மை முறைகள் மக்களுக்குப் புரிய ஆரம்பித்தன.

சாதனை-7: நீர் மேலாண்மை - தூர்ந்துபோன போர்வெல்களில் தண்ணீர்!

பசுமை விகடன் நடத்திய வேளாண் கருத்தரங்கு மற்றும் கண்காட்சிகளிலும் இதனைப் பற்றி பேச வாய்ப்புக் கிடைத்தது. வாட்ஸ் அப், டெலிகிராம் வாயிலாகவும் நீர் மேலாண்மை தொடர்பான கருத்துகளை வழங்கி வருகிறோம். இதனால் பல்வேறு மாற்றங்கள் நிகழ்ந்துள்ளன. அத்தனைக்கும் அடிப்படை பசுமை விகடன்தான். இன்றைக்குப் பல பகுதிகளில் வறண்ட கிணறுகளில் நீர் இருக்கிறது. தூர்ந்துபோன போர்வெல்களில் தண்ணீர் வருகிறது. குளங்கள் புனரமைப்பட்டுள்ளன. விகடனும் சில ஏரி, கண்மாய்களைப் புனரமைத்துள்ளது. நீர் மேலாண்மை தொடர்பான விழிப்புணர்வு கடந்த 15 ஆண்டுகளில் அதிகமாகியிருக்கிறது.

அந்தந்தப் பகுதி இளைஞர்கள் தன்னார்வலர்களாக நீர்நிலைகளைக் காக்கும் முயற்சியில் இறங்கி வருகிறார்கள். அதேபோல அரசுத் துறைகளில் கிடைக்கும் மானியங்கள் பற்றியும், திட்டங்கள் பற்றியும் தொடர்ந்து விவசாயிகளுக்குத் தெரியப்படுத்தும் பணியையும் சிறப்பாகச் செய்து வருகிறது பசுமை விகடன். நீர் மேலாண்மை தொடர்பாக எனக்கு 2 முறை மத்திய அரசு அங்கீகாரம், 3 முறை மாநில அரசின் சிறந்த நீர் மேலாண்மை பொறியாளர் விருதும் கிடைக்கப் பசுமை விகடனில் வந்த கட்டுரைகள் காரணமாக இருந்துள்ளன.