Published:Updated:

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

ஒட்டுமொத்த விகடனுக்கும் ஒரே ஷார்ட்கட்

Use App
ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...
ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

மகசூல்

பிரீமியம் ஸ்டோரி

னது தனிப்பட்ட இயற்கை வேளாண் முறைமூலம் இந்தியா முழுவதும் இயற்கை விவசாயத்தில் புரட்சி ஏற்படுத்தி வருகிறார், ‘இயற்கை வேளாண் வித்தகர்’ சுபாஷ் பாலேக்கர். அவரது இயற்கை வேளாண்மை முறையில் ஈர்க்கப்பட்டு ஆயிரக்கணக்கானோர், இயற்கை விவசாயத்துக்கு மாறி வருகிறார்கள். அப்படி இயற்கை விவசாயத்துக்கு மாறியவர்கள்தான் கேரள மாநிலத்தைச் சேர்ந்த ஜெகதீசனின் குடும்பத்தினர்.

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

முன்னோடி இயற்கை விவசாயி ‘செஞ்சேரிமலை’ கதிரேசன்தான் நமக்கு ஜெகதீசன் குடும்பத்தினரின் இயற்கை விவசாயம் குறித்துச் சொன்னார். அதன்பிறகு, ஜெகதீசனிடம் பேசிவிட்டு அவரது பண்ணைக்குப் பயணமானோம். பாலக்காடு மாவட்டம், சித்தூர் வட்டம், பெருமாட்டி பஞ்சாயத்தில் உள்ள மீனாட்சிபுரம் எனும் கிராமத்தில்தான் இருக்கிறது, ஜெகதீசனின் குடும்பத்துக்குச் சொந்தமான ‘ராமர் பண்ணை’.

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

கண்ணாடி போன்ற தெளிந்த தண்ணீரில் ஆங்காங்கே மீன்கள் துள்ளி விளையாட, மேற்கு நோக்கி ஓடிக்கொண்டிருக்கிறது, ஆழியாறு. ஆற்றிலிருந்து ஒரு கிலோமீட்டர் தூரத்தில், ஓங்கி வளர்ந்த தென்னை மரங்கள் சூழ... குளுகுளுவென இருக்கிறது, ராமர் பண்ணை. நம்மைக்கண்டதும் ஓடிவந்த ஜெகதீசன் மற்றும் அவரது மகன்கள் ஞானசரவணன், சற்குணன் ஆகியோர், வணக்கம் சொல்லி ‘‘வாங்க...வாங்க” என்று கொங்கு தமிழில் வரவேற்றனர்.

“ஒரு காலத்துல பாலக்காடு ஜில்லா தமிழ்நாட்டில் இருந்துச்சு. பல தலைமுறைகளா நங்க இங்க வசிக்கிற பூர்வீகக்குடிகள். அதனால் தமிழ்தான் எங்க தாய்மொழி. என்னதான் கேரளாவில் வசித்தாலும் எங்க ரத்த உறவுகளெல்லாம் தமிழ்நாட்டில்தான் இருக்காங்க” என்று அறிமுகம் செய்துகொண்ட ஜெகதீசன் விவசாயம் குறித்துப் பேச ஆரம்பித்தார்.

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

“இங்க எங்களுக்கு 37 ஏக்கர் நிலம் இருக்கு. அதுல 26 ஏக்கர்ல கிட்டத்தட்ட 1,800 தென்னை மரங்கள் இருக்கு. எல்லாமே 30 வயசு தாண்டின மரங்கள். கோடை மழை, கொங்க மழைனு சொல்ற தென்மேற்குப் பருவமழை, வடகிழக்குப் பருவமழை ரெண்டுமே கேரளாவுல பருவம் தவறாமல் பெய்யும். அதனால வருஷத்துல முக்கால்வாசி எங்களுக்கு மழைக்காலம்தான். அதனால தண்ணீர் பஞ்சமே கிடையாது. ஒரு காலத்துல இந்தப்பகுதியில மானாவாரி விவசாயம் சிறப்பா இருந்துச்சு. நிலக்கடலை, கேழ்வரகு, குச்சிக்கிழங்கு மூணும்தான் பிரதான வெள்ளாமை. மேய்ச்சல் காடுகளும், அதையொட்டி ஜீவநதியா ஓடும் ஆழியாறும், கால்நடைகளுக்குக் கிடைச்ச ஒரு வரப்பிரசாதம். அதனால கால்நடை வளர்ப்பும் சிறப்பா இருந்துச்சு. நாட்டு மாடுகளும் எருமைகளும் அதிகம் இருக்கும்.

சாணத்தைக் குழியில கொட்டி சேமிச்சு வெச்சு, போகம் தவறாம மானாவாரி நிலத்துல அடியுரமாகப் போடுவோம். அதனால, மண் நல்ல வளமா இருக்கும். ஒரு கைப்பிடி அளவு கூட மேல் உரம் இட வேண்டியதில்லை. நல்ல மகசூல் கிடைக்கும். அறுவடை முடிஞ்சதும், கடலைக்கொடியையும், கேழ்வரகுத் தட்டையையும் சேமிச்சு வெச்சிடுவோம். அடை மழைக்காலங்கள்ல கால்நடைகளை மேய்ச்சலுக்கு அனுப்ப முடியாது. அந்த நேரத்துல கடலைக்கொடியும் கேழ்வரகுத் தட்டையும்தான் உதவும்.

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

காலப்போக்குல மானாவாரி விவசாயம் அழிஞ்சு தென்னைக்கு மாறிட்டோம். ரசாயன உரம் பயன்பாட்டுக்கு வந்ததும், தொழு உரமும் தேவைப்படலை. பால் தேவைக்கு மட்டும்தான் மாடுகள்னு ஆகிடுச்சு. ஆனா, இப்போ இருக்குற இளைஞர்கள் இயற்கை விவசாயத்துல ஆர்வமா இருக்குறதைப் பார்த்தா சந்தோஷமா இருக்கு” என்றார் ஜெகதீசன். தொடர்ந்து பேசிய ஞானசரவணன், “சென்னையில் ஒரு பன்னாட்டு நிறுவனத்துல மனிதவளத்துறையில வேலை பார்த்தேன். விவசாயக்குடும்பத்துல பிறந்ததால... யூடியூப், வாட்ஸ்அப், பேஸ்புக் மாதிரியான சமூக வலைத்தளங்கள்ல விவசாயம் சம்பந்தமான தகவல்களை விரும்பிப் பார்ப்பேன். அதேபோல், ‘பசுமை விகடன்’ புத்தகத்துல வெளியாகுற விவசாயிகளின் பேட்டிகளையும் படிப்பேன். அப்படித்தான் எனக்கு இயற்கை விவசாயம் மேலயும், சுபாஷ் பாலேக்கர், நம்மாழ்வார் மாதிரியானவங்களோட கருத்துகள் மேலயும் ஈர்ப்பு வந்தது. 

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

அதுக்கடுத்துப் பெங்களூருவில், ‘வாழும் கலை மையம்’ நடத்தின இயற்கை வேளாண் பயிற்சியில் கலந்துக்கிட்டேன். 9 நாள்கள் நடந்த அந்தப்பயிற்சியில் சுபாஷ் பாலேக்கரின் இயற்கை வேளாண்மை பத்தித் தெளிவாச் சொல்லிக் கொடுத்தாங்க. நஞ்சில்லா உணவுகளின் தேவை, ரசாயன விவசாயத்தின் தீமை பத்தி அந்தப்பயிற்சி மூலமா எனக்கு ஒரு தெளிவு கிடைச்சது. அந்தப்பயிற்சியில கலந்துக்கிட்டவங்கள்ல சிலர் நிகழ்ச்சியின் நிறைவு நாள்ல பேசுனபோது, ‘எதிர்காலத்துல கொஞ்ச நெலமாவது வாங்கி நஞ்சில்லா உணவு உற்பத்தி செய்யணும். அதுதான் எங்க லட்சியம்’னு ஆணித்தரமா சொன்னாங்க. அப்போதான் நிலமே இல்லாதவங்களே இயற்கை விவசாயத்துல இவ்வளவுளஆர்வமா இருக்குறப்போ... 37 ஏக்கர் நெலம் வெச்சிருக்குற நாம ஏன் இயற்கை விவசாயத்துல உடனே இறங்கக்கூடாதுனு தோணுச்சு.

அதைப்பத்தியே யோசிச்சுட்டு இருந்த நான், ஒருகட்டத்துல எட்டு வருஷம் பார்த்த வேலையை உதறிட்டு ஊருக்கு வந்துட்டேன். உடனடியா, எங்களோட பண்ணையை இயற்கை விவசாயப்பண்ணையா மாத்துற வேலையை ஆரம்பிச்சுட்டேன். நிறைய நண்பர்கள் ‘என்ன தைரியத்துல வேலையை விட்டுட்டு வந்துருக்க, மாசா மாசம் வாங்கின சம்பளம் விவசாயத்துல கிடைக்குமா’னு கேட்டாங்க. அதுக்கா நான் யோசிச்சு வெச்சுருந்ததுதான் மாட்டுப்பண்ணை.

கேரளாவில் கறவை மாடு வளர்க்கிறவங்க ரொம்பவும் குறைவு. தமிழ்நாட்டுல இருந்துதான் கேரளாவுக்குப் பால் வருது. தமிழ்நாட்டுல ஒரு லிட்டர் பசும்பாலை 20 ரூபாய்க்குதான் விவசாயிகள்கிட்ட கொள்முதல் செய்யறாங்க. கேரளா மாநில அரசு நிறுவனமான ‘மில்மா’ ஒரு லிட்டர் பசும்பாலுக்கு 35 ரூபாய் கொடுத்துக் கொள்முதல் பண்ணுது. அதனால பால் பண்ணை அமைச்சா நிரந்தரமா மாச வருமானம் கிடைக்கும்னு அதுக்கான வேலைகள்ல இறங்கினேன்” என்ற ஞானசரவணன் தோட்டத்தைச் சுற்றிக்காட்டிக் கொண்டே பேச ஆரம்பித்தார்.

22 மாடுகள்மூலம் பால் உற்பத்தி

“மாடுகளை வாங்குறதுக்கு முன்னாடி தீவனங்களை உற்பத்தி பண்ணிடணும்னு 3 ஏக்கர்ல பசுந்தீவனங்களை விதைச்சோம். அதெல்லாம் ஓரளவு வளர்ந்ததும் பால் உற்பத்திக்காக 22 கலப்பினப் பசுக்களை வாங்கினோம். வீட்டுத்தேவைக்காகவும், இடுபொருள் தயாரிப்புக்காகவும் 4 நாட்டு மாடுகளை வாங்கினோம். இப்போ தினமும் 150 லிட்டர் பால் கிடைச்சுட்டுருக்கு. பால் முழுவதையும் மில்மா நிறுவனத்துக்குத்தான் அனுப்புறோம்.

பாசன நீருடன் ஜீவாமிர்தம்

கிணத்துக்குப் பக்கத்துல ஒரு மேடை அமைச்சு, அதுல 200 லிட்டர் கொள்ளளவு கொண்ட பத்துப் பீப்பாய்களை வரிசையா அமைச்சுருக்கோம். பத்து பீப்பாய்களையும் குழாய்கள் மூலமா இணைச்சுருக்கோம். பீப்பாய்கள்ல ஜீவாமிர்தத்தை நிரப்பி அடியில் இருக்குற வெளியேற்றுக்குழாயைத் திறந்துவிட்டா, வாய்க்கால்ல ஓடுற தண்ணியில கொஞ்சம் கொஞ்சமா ஜீவாமிர்தம் கலந்துக்கிட்டே இருக்கும்.  மொத்தத் தென்னை மரங்களுக்கும் வாரம் ஒருமுறை வாய்க்கால் பாசனத்துலயே ஜீவாமிர்தத்தைக் கலந்து விட்டுடுறோம். அதேபோலக் கன ஜீவாமிர்தம் தயாரிச்சு மாசத்துக்கு ரெண்டு தடவை ஒவ்வொரு மரத்துக்கும் 2 கிலோ அளவு கொடுக்கிறோம். மூணு ஏக்கர் நிலத்துல இருக்குற பசுந்தீவனப்புல், ரெண்டு ஏக்கர்ல நிலத்துல இருக்குற காய்கறிப் பயிர்கள் எல்லாத்துக்குமே ஜீவாமிர்தம், கன ஜீவாமிர்தம் ரெண்டையுமே தொடர்ந்து கொடுத்துட்டுருக்கோம். முழு இயற்கைக்கு மாறி இப்போ அஞ்சு வருஷம் ஆச்சு. தோட்டத்துல எந்த இடத்துல மண்ணைத் தோண்டுனாலும், கொத்துக்கொத்தா மண்புழுக்கள் இருக்கும்” என்ற ஞானசரவணன் ஓர் இடத்தில் கைகளால் மண்ணைப் பறித்து மண்புழுக்களைக் காட்டினார்.

மண்புழு உரத் தயாரிப்பு

அடுத்து மண்புழு உரத்தயாரிப்புக் கூடத்துக்கு நம்மை அழைத்துச்சென்ற ஞானசரவணன், “பண்ணைக்கழிவுகள், சாணம் எல்லாத்தையும் வெச்சு இங்க மண்புழு உரமும் தயாரிக்கிறோம். கேரளாவுல நஞ்சில்லா உணவு பத்தின விழிப்பு உணர்வு அதிகமா இருக்கு. அதனால நிறைய பேர் வீட்டுத்தோட்டம் அமைச்சு இயற்கை முறையில காய்கறிகளை உற்பத்தி செஞ்சுக்குறாங்க. அதனால இங்க மண்புழு உரத்துக்கு அதிகத்தேவை இருக்கு. ஆனா, அந்தளவு இங்க உற்பத்தி கிடையாது. பெரும்பகுதி தமிழ்நாட்டுல இருந்துதான் வருது. அதனாலதான் மண்புழு உரத்தயாரிப்புல இறங்குனோம். மாசத்துக்கு 3 டன் அளவு மண்புழு உரம் தயாரிக்கிறோம். மாடுகளோட சாணம் மூலமா சாண எரிவாயு உற்பத்தி செஞ்சு, எங்க குடும்பத்துக்குச் சமையலுக்குப் பயன்படுத்திக்கிறோம். சாண எரிவாயுக்கலன்ல இருந்து வெளியேறுற கழிவுகளோட உயிர் உரங்களைக் கலந்து செறிவூட்டி காய்கறிப் பயிர்களுக்குப் பயன்படுத்திக்கிறோம். காய்கறிகளை இப்போதான் நடவு செஞ்சுருக்கோம். இன்னும் அறுவடைக்கு வரலை. கேரளாவுல காய்கறிகளுக்கும் தேவை அதிகமா இருக்கு.மொத்தம் இருக்குற 1,800 தென்னை மரங்கள்ல 500 தென்னை மரங்களைக் கள் இறக்குறதுக்காகக் குத்தகைக்குக் கொடுத்துட்டோம். ஒரு மரத்துக்கு மாசத்துக்கு 300 ரூபாய் குத்தகைத்தொகை. மீதமுள்ள 1,300 தென்னையில தேங்காய்ப் பறிக்கிறோம். வருஷத்துக்கு 1,50,000 தேங்காய்கள் கிடைக்கும்.

தென்னையில் மதிப்புக்கூட்டல்

அடுத்து தென்னையை மதிப்புக்கூட்டி தேங்காய் எண்ணெய், வெர்ஜின் ஆயில் எல்லாம் தயாரிக்கலாம்னு இருக்கோம். சோதனை அடிப்படையில எங்க தோப்புல கிடைச்ச கொப்பரையை மரச்செக்குல கொடுத்து, ஆட்டி விற்பனை செஞ்சு பார்த்தோம். 

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

கேரளாவுல அதுக்கு நல்ல வரவேற்பு இருக்கு. அதனால தினமும் 200 லிட்டர் தேங்காய் எண்ணெய் உற்பத்தி செய்ற அளவுக்கு மரச்செக்கு அமைக்கிறதுக்கான வேலைகளை ஆரம்பிச்சுருக்கோம். என்னோட தம்பி சற்குணன் பெங்களூருவில் ஐ.டி கம்பெனில வேலை பார்த்தான். அவனும் இப்போ வேலையை விட்டுட்டு விவசாயத்துக்கு வந்துட்டான். எங்களை மாதிரியே எங்க உறவினர் அருள் விஷ்ணு சுதன்ங்கிறவரும் ஐ.டி கம்பெனி வேலையை விட்டுட்டு விவசாயம் செஞ்சுட்டுருக்கார். அவரோடு ஒருமுறை பேசிட்டிருந்தப்போ வெர்ஜின் கோகனட் ஆயில் பத்தி சொன்னார். உடனே அவரோடு சேர்ந்து வெர்ஜின் கோகனட் ஆயில் தயாரிப்புல இறங்கலாம்னு முடிவு செஞ்சோம். அவரே தென்னை வளர்ச்சி வாரியத்துக்குப் போய், வெர்ஜின் கோகனட் ஆயில் தயாரிப்புத் தொழில்நுட்பத்தைத் தெரிஞ்சுக்கிட்டு வந்தார்.

இப்போ அவர்கூடச் சேர்ந்து வெர்ஜின் கோகனட் ஆயிலை உற்பத்தி செஞ்சுட்டுருக்கோம். அதுக்கும் நல்ல வரவேற்பு இருக்கு. அதை, கோயம்புத்தூர், திருப்பூர் உள்ளிட்ட நகரங்கள்ல இருக்குற ஷாப்பிங் மால்கள்ல விற்பனைக்குக் கொடுத்தோம். அதுக்கும் ஓரளவுக்கு மார்க்கெட் இருக்கு. அதனால இப்போதைக்கு மாசம் பத்து லிட்டர் அளவு வெர்ஜின் கோகனட் ஆயில் தயாரிச்சுட்டுருக்கோம்.

விற்பனையைப் பொறுத்து உற்பத்தியை அதிகப்படுத்துவோம். எங்களோட சிறப்பான செயல்பாடுகளைப் பாராட்டி, போன வருஷத்துக்கான சிறந்த விவசாயி விருதைக் கேரள அரசாங்கம் எங்களுக்குக் கொடுத்துருக்கு” என்ற ஞானசரவணன் வருமானம் குறித்துச் சொல்ல ஆரம்பித்தார்.

“ஒரு லிட்டர் பால் 35 ரூபாய்ங்கிற கணக்குல 150 லிட்டர் பால் மூலமா தினமும் 5,250 ரூபாய் ஆகுது. அதுல தினமும், தீவனம், பராமரிப்புக்காக 2,200 ரூபாய் செலவாகிடும். செலவுபோக ஒரு நாளைக்குப் பால் மூலமா 3,050 ரூபாய் லாபமா நிக்குது. மாடுகள் மூலமா ஒரு மாசத்துக்கு 91,500 ரூபாய் லாபம். ஒரு வருஷத்துக்கு 10,98,000 ரூபாய் கிடைக்குது. ஒரு மாசத்துக்கு 3 டன் அளவு மண்புழு உரம் உற்பத்தி பண்றோம். ஒரு கிலோ 2 ரூபாய்ங்கிற விலையில விற்பனை செய்றது மூலமா, மாசத்துக்கு 6,000 ரூபாய் கிடைக்குது. வருஷத்துக்கு 72,000 ரூபாய் கிடைக்கும்.

கள் இறக்க 500 மரங்களைக் குத்தகைக்கு விட்டுருக்கறது மூலமா மாசம் 1,50,000 ரூபாய் வருமானம் கிடைக்குது. 1,300 தென்னை மரங்கள்மூலம் வருஷத்துக்கு 1,50,000 தேங்காய்கள் கிடைக்கும். தென்னை மூலம் வருஷத்துக்கு 20,00,000 ரூபாய் அளவுக்கு வருமானம் கிடைச்சுடும்.

குடும்பத்தோடு எல்லோரும் வேலை பார்க்குறோம். அதனால எங்களுக்குப் பெருசா செலவில்லை. இடுபொருள் தயாரிப்பு, வேலையாள் சம்பளம், பராமரிப்பு எல்லாத்துக்கும் சேர்த்து வருஷத்துக்கு 4,00,000 ரூபாய் செலவாகிடுது. இப்போதைக்கு 37 ஏக்கர்ல இருந்து வருஷத்துக்கு 27,70,000 ரூபாய் அளவுக்கு லாபம் கிடைச்சுட்டுருக்கு” என்ற ஞானசரவணன் நிறைவாக,

“அடுத்ததா நாட்டு மாட்டுப்பண்ணையை விரிவுப்படுத்தி நாட்டுமாட்டுப்பால்ல இருந்து வெண்ணெய், மோர், நெய்னு உற்பத்தி செய்யலாம்னு இருக்கோம். காய்கறிகள் அறுவடைக்கு வர ஆரம்பிச்சா இன்னமும் வருமானம் அதிகரிக்கும். தேங்காய் எண்ணெய், வெர்ஜின் கோகனட் ஆயில் விற்பனையெல்லாம் சூடுபிடிக்க ஆரம்பிச்சுட்டா வருஷத்துக்குச் சாதாரணமா 50,00,000 ரூபாய் லாபம் எடுத்துடுவோம்” என்று நம்பிக்கையுடன் சொல்லி விடைகொடுத்தார்.

தொடர்புக்கு, ஞானசரவணன், செல்போன்: 099626 88000

ஜி.பழனிச்சாமி - படங்கள்: தி.விஜய்

ஒரு விவசாயி... ஒரு ஏக்கர்!

ஞா
னசரவணனின் ராமர் பண்ணை இருக்கும் பெருமாட்டி பஞ்சாயத்தில் இயங்கும் கிரிஷிபவன் (வேளாண்மை அலுவலகம்) சென்று அங்குப் பணியில் இருந்த உதவி வேளாண் அலுவலர் லிபி ஆண்டனியிடம் பேசினோம். “கோயம்புத்தூரில் உள்ள வேளாண் பல்கலைக்கழகத்தில்தான் விவசாயம் படித்தேன். அதனால், எனக்குப் பசுமை விகடன் பற்றி நன்றாகத் தெரியும். 

ஆண்டுக்கு ரூ. 50 லட்சம் லட்சியம்... ரூ. 27 லட்சம் நிச்சயம்... அசத்தும் 37 ஏக்கர் இயற்கைப் பண்ணை...

கேரளாவில் சுபாஷ் பாலேக்கரின் இயற்கை விவசாயப் பயிற்சி பலமுறை நடந்துள்ளது. கேரள அரசங்கமே விவசாயத்துறை அதிகாரிகள் பலரைப் பாலேக்கரின் பயிற்சிக்கு அனுப்பியுள்ளது. 100 சதவிகிதம் இயற்கை விவசாய மாநிலமாகக் கேரளாவை மாற்ற வேண்டும் என்கிற முனைப்பில் எங்கள் அரசாங்கம் செயல்பட்டு வருகிறது.

அதற்கான இயற்கை விவசாய மாதிரிப்பண்ணைகளைத் தேர்வு செய்து வருகிறோம். அந்த வகையில் ஞானசரவணன் குடும்பத்துக்குச் சொந்தமான ராமர் பண்ணையைச் சித்தூர் தாலூகா அளவில் மாதிரி பண்ணையாகத் தேர்வு செய்துள்ளோம். பள்ளி, கல்லூரி மாணவர்களை அப்பண்ணைக்கு அனுப்பி, இயற்கை விவசாயம் குறித்த விழிப்பு உணர்வை ஏற்படுத்தி வருகிறோம்.

எங்கள் மாநிலத்தில், மசூரி, மட்டை, அகமை, மோடம், சீரகச் சால, ரத்த சால, தவளைக்கண்ணன், கந்தகச் சால, நவரை போன்ற கேரளா மாநிலத்தின் பாரம்பர்ய நெல் ரகங்களைத் தேடிக்கண்டிபிடித்து அவற்றை மேம்படுத்தும் பணியை அரசாங்கமே மேற்கொண்டுள்ளது. மேலும், ஒவ்வொரு கிராமப் பஞ்சாயத்திலும் ‘எக்கோ ஷாப்’ என்ற பெயரில் ஒரு இயற்கை இடுபொருள் விற்பனை அங்காடியை ஏற்படுத்தியுள்ளது, கேரளா அரசாங்கம்.

வாரம் ஒரு பஞ்சாயத்தைத் தேர்வு செய்து அப்பஞ்சாயத்தைச் சேர்ந்த விவசாயிகளிடம் வீடியோ கான்பரன்ஸ் முறையில் குறைகளைக் கேட்டறிகிறார், கேரள வேளாண்மைத்துறை அமைச்சர் சுனில்குமார். ‘ஒரு விவசாயி... ஒரு ஏக்கர்...’ என்கிற திட்டத்தின் கீழ், ஒரு ஏக்கர் பரப்பில் இயற்கை விவசாயம் மேற்கொள்ள முன்வரும் விவசாயிக்கு 50 சதவிகித மானியம் கொடுத்து ஊக்கப்படுத்தி வருகிறோம். சுபாஷ் பாலேக்கரின் இயற்கை வேளாண்மை முறையைப் பாடத்திட்டத்தில் சேர்க்கும் யோசனையும் கேரள அரசுக்கு இருக்கிறது” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு