Published:Updated:

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!
பிரீமியம் ஸ்டோரி
புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

தொழில்நுட்பம்

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

தொழில்நுட்பம்

Published:Updated:
புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!
பிரீமியம் ஸ்டோரி
புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

டு, மாடு, கோழி, பன்றி என எந்தக் கால்நடை வளர்ப்பில் ஈடுபட்டாலும் அவை உரிய காலத்தில் பருவத்துக்கு வந்து, இனச்சேர்க்கை நடைபெற்றால் மட்டுமே அந்தப்பண்ணை வெற்றிகரமாக இருக்கும். இல்லாவிடில், உரிய காலத்தில் குட்டி ஈனாத கால்நடைக்கு நாம் கொடுக்கும் பராமரிப்பு, தீவனம் உள்ளிட்ட செலவுகள் நஷ்டக்கணக்கில்தான் சேரும். அதனால், அறிவியல் முறையில் கால்நடை வளர்ப்பு என்பது அவசியமான ஒன்று. 

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

அந்தவகையில் பசுக்கள் மற்றும் எருமை மாடுகளில் சினை தள்ளிப்போவதைத் தடுப்பதற்காக ஒரு தொழில்நுட்பத்தை அறிமுகப் படுத்தியிருக்கிறது, தமிழ்நாடு கால்நடை மருத்துவ அறிவியல் பல்கலைக்கழகம். இத்தொழில்நுட்பம், மாநில திட்டக்ழு நிதியுதவியுடன் கள ஆய்வுக்குட்படுத்தப்பட்டு வெற்றி காணப்பட்டுள்ளது.

கள ஆய்வுக்குழுவின் தலைவராக இருந்து திட்டத்தைச் செயல்படுத்திய முனைவர் க. கிருஷ்ணகுமாரிடம் இத்தொழில்நுட்பம் குறித்துப் பேசினோம். “நம் நாட்டில், தீவனப் பற்றாக்குறை, பராமரிப்புக் குறைபாடு, சினைப் பருவம் அறியப்படாமல் போவது போன்ற காரணங்களால் சினை தள்ளிப்போகிறது.

ஒரு மாடு, ஆண்டுக்கு ஒரு கன்றை ஈன வேண்டும். அப்படியில்லையென்றால் ஏதோ ஒரு குறைபாடு உள்ளது என்பதைப் புரிந்துகொள்ள வேண்டும். எங்களுடைய ஆய்வில் பசுமாடுகளைவிட எருமை மாடுகள் அதிக அளவில் பருவத்துக்கு வரும் விகிதம் குறைந்து வருவதைக் கண்டுபிடித்தோம். 

ஒட்டுமொத்த விகடனுக்கும் ஒரே ஷார்ட்கட்!

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

எருமைகள் பருவம் அடையும்போது அதற்கான அறிகுறிகள் தெரியாமலே போய் விடுகின்றன. இதைத்தான் பேச்சுவழக்கில் ‘ஊமைப்பருவம்’ என்பார்கள். மாடுகளில் இந்தப் பிரச்னையைச் சரி செய்யப் புரஜோஸ்டிரான் பஞ்சு (கனநீரில் தோய்க்கப்பட்ட பஞ்சு-Progesterone Sponges) தொழில்நுட்பத்தை உருவாக்கியுள்ளது, கால்நடை மருத்துவ அறிவியல் பல்கலைக்கழகம்.

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

இப்பஞ்சைக் கொண்டு சினைக்கு வராத மாடுகள், சினைப் பிடித்தும் கரு உருவாகாத மாடுகள், உரிய வயதுக்கு வந்தும் சினைப்பருவத்துக்கு வராத மாடுகள் போன்றவற்றுக்குப் பயன்படுத்தலாம். சிகிச்சை தேவைப்படும் மாடுகளுக்கு முதலில் குடற்புழு நீக்கம் செய்ய வேண்டும். பிறகு கால்நடைப் பல்கலைக்கழகம் வழங்கும் தாது உப்புக் கலவையைத் தினமும் 30 கிராம் முதல் 50 கிராம் வரை தொடர்ந்து 15 நாள்களுக்குக் கொடுத்து வர வேண்டும். பிறகு, 16-ஆம் நாளில் இந்தப் புரஜோஸ்டிரான் பஞ்சை மாடுகளின் அறையில் (பிறப்புறுப்புப் பகுதி) வைக்க வேண்டும். பஞ்சு வைத்த 8-ஆம் நாளில் புராஸ்டா கிலாண்ட்டை (உடலில் சுரக்கும் கன நீர்) ஊசி மூலமாகச் செலுத்த வேண்டும். 9-ஆம் நாளில் பஞ்சை நீக்கிவிட்டு, 11-ஆம் நாளில் இயற்கை முறையிலோ, செயற்கை முறையிலோ கருவூட்டல் செய்ய வேண்டும். இயற்கை முறையில் கருவூட்டல் செய்தால் சினைப்பிடிப்பு விகிதம் அதிகமாக இருக்கும்.

ஒரு மாட்டுக்கு இந்தப் பஞ்சைப் பயன்படுத்துவதற்கு பஞ்சின் விலை, அதை மாட்டில் வைப்பதற்கு என்று மொத்தமாக 400 ரூபாய்ச் செலவாகும். முன்பு சி.ஐ.டி.ஆர் என்ற முறையில் இந்தச் சிகிச்சைக்கு 1,500 ரூபாய் செலவானது. அதை எளிமையாக்கியிருக்கிறது, கால்நடை மருத்துவ அறிவியல் பல்கலைக்கழகம். இம்முறையில் 100 சதவிகிதம் மாடுகள் சினைப்பருவத்துக்கு வந்துவிடும். இதில் 80 சதவிகித மாடுகள் சினை பிடித்துவிடும். இதைப் பயன்படுத்தும்போது, பசுக்களைவிட எருமைகளில் சினைப்பிடிப்பு விகிதம் அதிகமாக இருக்கிறது. கன்று போட்டதிலிருந்து 60 நாள்களுக்குப் பிறகு தாய்ப்பசுவுக்கு இந்தச் சினைப் பருவத் தூண்டல் முறையைச் செயல்படுத்தலாம். கருவூட்டல் செய்த 16 நாள்களுக்குப் பிறகு மாடு, தாய்மையை உணரும். இத்தொழில்நுட்பத்தை வெள்ளாடுகள் மற்றும் செம்மறி ஆடுகளுக்கும் பயன்படுத்தலாம்” என்ற கிருஷ்ணகுமார் நிறைவாக,

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

“மாநிலத் திட்டக் குழுவின் நிதியுதவியில் 2015-17-ம் ஆண்டுவரை இத்திட்டம் கிருஷ்ணகிரி மாவட்டத்தில் 136 கிராமங்களில் செயல்படுத்தப்பட்டது. குறைந்து வரும் எருமைகளின் எண்ணிக்கையை அதிகரிக்கும் நோக்கில், எருமைகளில் இந்தத் தொழில்நுட்பத்தைச் செயல்படுத்தினோம். கிருஷ்ணகிரி மாவட்டத்தில் வேப்பனம்பள்ளி, கெலமங்கலம் உள்ளிட்ட எட்டு வட்டாரங்களில் மொத்தம் 1,000 எருமைகளைத் தேர்ந்தெடுத்து இதைச் செயல்படுத்தினோம். நல்ல பலன் கண்ட நிலையில் இப்போது கால்நடை வளர்ப்பில் ஈடுபட்டு வருபவர்களுக்கு இந்தப் புரஜோஸ்டிரான் பஞ்சுகளைப் பரிந்துரைத்து வருகிறோம்” என்று ஆலோசனை வழங்கினார்.

தொடர்புக்கு, முனைவர் க.கிருஷ்ணகுமார், செல்போன்: 94432 20975


த.ஜெயகுமார் - படங்கள்: வ.யஸ்வந்த்

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

“சினைக்கு வருவது எளிதாகத் தெரிகிறது!”

கி
ருஷ்ணகிரி மாவட்டம், பேரிகை அடுத்த முதுகுறிக்கி கிராமத்தில் புரஜோஸ்டிரான் பஞ்சுகள் வைத்து எருமை மாடுகளுக்குச் சினைப்பருவத் தூண்டல் முறை செயல்படுத்தப்பட்டது. அப்பகுதியைச் சேர்ந்த விவசாயி ராமகிருஷ்ணப்பாவிடம் பேசினோம்.

“எங்ககிட்ட அஞ்சு எருமைகள் இருக்கு. ரொம்ப வருஷமா எருமைகளை வளர்த்துட்டுருக்கோம். பால், எரு எல்லாத்தேவைகளுக்கும் எருமைகள்தான் எங்களுக்கு. எங்ககிட்ட இருந்த ஒரு எருமைக்குச் சினை பிடிக்கிறதுல பிரச்னை இருந்துச்சு. ரெண்டு வருஷத்துக்கு முன்னாடி கால்நடை டாக்டருங்க வந்து, ‘சினை பிடிக்காத எருமை இருக்கா’னு கேட்டாங்க. அப்போ அந்த எருமை பத்திச் சொன்னோம். அந்த எருமையோட அறையில பஞ்சை வெச்சுச் சோதனை செஞ்சாங்க. கொஞ்ச நாள்லயே சினைக்கு வந்துடுச்சு. அப்புறம், செயற்கைக் கருவூட்டல் செஞ்சோம். சினைப் பிடிச்சு கன்னு போட்டுருச்சு. எருமை மாடுக எப்போ சினைக்கு வரும்ங்கிறதே எங்களுக்குத் தெரியாது. சினை புடிச்சிருக்கிறது தெரிஞ்சா கருவூட்டல் செய்வோம். ஆனா, இப்போ இந்த முறை மூலமா துல்லியமாத் தெரிஞ்சுக்க முடிஞ்சது” என்ற ராமகிருஷ்ணப்பா,

“மொத்தம் இருக்குற அஞ்சு எருமைகள்ல மூணு எருமைகள் நாட்டு ரகம். மீதி ரெண்டு முர்ரா வகை. நாட்டு எருமைகளுக்குத் தனிக்கவனிப்பெல்லாம் தேவையில்லை. கொள்ளு, பயறுப்பொட்டு, ஆர்யாதாள், கடலைக்கொடி, வைக்கோல் போட்டு விட்டாப்போதும்.

எங்களுக்கு 50 ஏக்கர் நிலமிருக்கு. அதுல பாதி நிலத்துல பயிர் செய்றோம். நிலத்துக்கு எருமைச்சாணியைத்தான் பயன்படுத்துறோம். நாட்டு எருமை ஒரு நாளைக்கு 4 லிட்டர்ல இருந்து 5 லிட்டர் வரை பால் கறக்குது. தனியார் பண்ணைக்குத்தான் பால் ஊத்துறோம். ஒரு லிட்டர் பாலுக்கு 30 ரூபாய்ல இருந்து 35 ரூபாய் வரை விலை கிடைக்குது” என்றார்.

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

எங்கு கிடைக்கும்?

நா
மக்கல் கால்நடை மருத்துவ அறிவியல் கல்லூரியில் உள்ள உடல் செயலியல் துறையில் புரஜோஸ்டிரான் பஞ்சுகள் கிடைக்கின்றன. ஒரு புரஜோஸ்டிரான் பஞ்சின் விலை 325 ரூபாய். இதை வாங்கி வந்து அருகில் உள்ள கால்நடை மருத்துவர்மூலம் மாடுகளில் வைக்கலாம். குறிப்பாகக் கிருஷ்ணகிரி மாவட்டத்தில் உள்ள அனைத்துக் கால்நடை மருத்துவர்களுக்கும் இதுகுறித்துப் பயிற்சி அளிக்கப்பட்டுள்ளது.

தொடர்புக்கு, உடற்செயலியல் துறை, கால்நடை மருத்துவ அறிவியல் கல்லூரி, நாமக்கல். தொலைபேசி: 04286 266491

புரஜோஸ்டிரான் பஞ்சு... ஆடு, மாடுகளைச் சினைக்கு வர வைக்கும் தொழில்நுட்பம்!

தெம்பு கொடுக்கும் எருமைப் பால்!

கி
ருஷ்ணகிரி மாவட்டம், பேரிகை அடுத்தத் தட்டனப்பள்ளி கிராமத்தில், ‘ஆரண்யா எக்கோ வில்லேஜ்’ என்ற பண்ணையில் எருமை மாட்டின் சாணத்தைக்கொண்டு இயற்கை விவசாயம் செய்து வருகிறார் பக்தவத்சலம். “என்கிட்ட 15 நாட்டு ரக எருமைகள் இருக்கு. தாத்தா காலத்துல இருந்து எருமை வளர்ப்புல ஈடுபட்டிட்டிருக்கோம். நான் மூணு ஏக்கர் நிலத்தை ஒதுக்கி அதுல எருமைச் சாணியைப் பயன்படுத்தி இயற்கை விவசாயம் செய்றேன். எருமைச்சாணி மூலமா பஞ்சகவ்யா தயாரிக்கவும் முயற்சி செஞ்சுக்கிட்டுருக்கேன். வீட்டுல எருமைப் பால், தயிர், மோர்னுதான் பயன்படுத்துறோம். காலங்காலமாக எருமைப் பால், தயிர் சாப்பிட்டு பழகிட்டதால, எருமை வளர்ப்பை விடாம செஞ்சுட்டுருக்கோம். எருமைத் தயிர் சுவையும் சத்தும் நிறைஞ்சது” என்றார் மகிழ்ச்சியுடன்.

தொடர்புக்கு, செல்போன்: 97875 34711 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism