Published:Updated:

சுட்டெரிக்கும் சூரியன்... கறவை மாடுகள் உஷார்!

சுட்டெரிக்கும் சூரியன்... கறவை மாடுகள் உஷார்!
பிரீமியம் ஸ்டோரி
சுட்டெரிக்கும் சூரியன்... கறவை மாடுகள் உஷார்!

பராமரிப்பு

சுட்டெரிக்கும் சூரியன்... கறவை மாடுகள் உஷார்!

பராமரிப்பு

Published:Updated:
சுட்டெரிக்கும் சூரியன்... கறவை மாடுகள் உஷார்!
பிரீமியம் ஸ்டோரி
சுட்டெரிக்கும் சூரியன்... கறவை மாடுகள் உஷார்!

கோடைக்காலம் துவங்கி வெயில் சுட்டெரிக்க ஆரம்பித்துவிட்டது. இத்தகைய வெப்பமான சூழ்நிலையில், கறவை மாடுகளைக் கவனமாகப் பராமரிக்க வேண்டியது அவசியம். கறவை மாடுகளை வெப்பத்திலிருந்து காக்கும் வழிமுறைகள் குறித்து நாமக்கல்லில் உள்ள கால்நடை மருத்துவக்கல்லூரி மற்றும் ஆராய்ச்சி நிலையத்தின் கால்நடை இனப்பெருக்கம் மற்றும் ஈனியல் துறை சார்பில் வெளியிட்டுள்ள தகவல்கள் இங்கே...

சுட்டெரிக்கும் சூரியன்... கறவை மாடுகள் உஷார்!

தமிழகத்தில் பெரும்பாலும் ஜெர்சி, ஹோல்சியன் ஃப்ரீசியன் போன்ற ரகங்களில் கலப்புச் செய்யப்பட்ட கலப்பின மாடுகள்தான் அதிகளவில் வளர்க்கப்படுகின்றன. இவற்றுக்குக் கோடைக்காலத்தில் உடல் வெப்பநிலை உயர்ந்து வெப்ப அயற்சி ஏற்படுகிறது.

கால்நடைகள், வெப்பத்தாக்குதலுக்கு உள்ளாகியிருப்பதைச் சில அறிகுறிகள் மூலமாகத் தெரிந்து கொள்ளலாம்.

*கால்நடைகள் அதிகளவு தண்ணீர் குடிக்கத் துவங்கும்.

*குளங்கள் மற்றும் நீர்நிலைகளில் இருக்க விரும்பும். நீர்நிலைகள் இல்லாதபட்சத்தில் ஈரப்பாங்கான தரைகளில் படுத்துக்கொள்ளும்.

*மேய்ச்சலுக்குச் செல்லும்போது, நிழலைத் தேடி ஒதுங்கத் துவங்கும்.

*வழக்கமாகச் சாப்பிடும் அளவைவிடக் குறைவாகத் தீவனம் எடுக்கும்.

*வாய் மூலமாகச் சுவாசிக்கத் துவங்கும். சுவாசிக்கும்போது இளைப்பு ஏற்படும்.

மேற்கண்ட அறிகுறிகள் தென்பட்டால் கால்நடைகள் வெப்பத்தின் தாக்குதலுக்கு உள்ளாகியுள்ளன என்று அர்த்தம். இதன் விளைவாக, கறவை மாடுகளில் பால் உற்பத்தித்திறன் 40 சதவிகித அளவுவரை குறையும். சினைப் பிடிக்கும் தன்மை 20 சதவிகித அளவுவரை குறையும். அதனால், கால்நடைகள்மீது வெப்பம் தாக்காத அளவுக்குக் காப்பாற்ற வேண்டியது அவசியம். 

ஒட்டுமொத்த விகடனுக்கும் ஒரே ஷார்ட்கட்!

சுட்டெரிக்கும் சூரியன்... கறவை மாடுகள் உஷார்!

வெப்பத் தாக்குதலைக் கட்டுப்படுத்தும் முறைகள்!

*கறவை மாடுகளுக்கான கொட்டகையின் நீளவாக்குப்பகுதி கிழக்கு மேற்காகவும் அகலவாக்குப்பகுதி வடக்கு தெற்காகவும் இருக்கும்படி அமைக்க வேண்டும். இதனால், கொட்டகைக்குள் அதிக வெப்பம் தாக்காது.

*கொட்டகையை மேடான பகுதியில் அமைத்தால், காற்றோட்டம் இருக்கும். கொட்டகையின் மேற்கூரை உயரமாக இருக்க வேண்டும்.

*கொட்டகையின் மேற்கூரையை, தென்னங்கீற்று அல்லது பனங்கீற்றுக் கொண்டு அமைத்தால், கொட்டகைக்குள் அதிக வெப்பம் இருக்காது.

*ஓடு அல்லது ஆஸ்பெஸ்டாஸ் மூலம் மேற்கூரை அமைக்கப்பட்டிருந்தால் மேற்கூரையின் மீது வைக்கோல் அல்லது தேங்காய் நாரைப் பரப்பி விடலாம். இப்படி வைக்கோல் அல்லது தேங்காய் நாரைப் பரப்பி அதன்மீது வெயில் நேரங்களில் ‘ஸ்பிரிங்ளர்’ மூலம் தண்ணீர் தெளிக்கலாம்.

*கொட்டகையைச் சுற்றி நிழல் தரும் மரங்களை வளர்க்க வேண்டியது அவசியம்.

*கறவை மாடுகளை வாரத்துக்கு மூன்று அல்லது நான்கு முறை நன்கு குளிப்பாட்ட வேண்டும்.

*கறவை மாடுகளுக்கு எப்போதும் குளிர்ந்த நீர் குடிக்கக் கிடைக்குமாறு ஏற்பாடு செய்ய வேண்டும்.

*அதிக வெயில் நேரத்தில் மேய்ச்சலுக்கு அனுப்பக் கூடாது.

சுட்டெரிக்கும் சூரியன்... கறவை மாடுகள் உஷார்!

கோடைக்காலத் தீவனப் பராமரிப்பு

*அதிகச் சத்துள்ள தீவன வகைகளை அதிகாலை மற்றும் மாலை வேளைகளில் கொடுக்க வேண்டும். அடர் தீவனம், கறவை மாடுகளின் வயிற்றில் அமிலத்தன்மையை அதிகமாக்கும். அதனால், ஒரு கறவை மாட்டுக்குத் தினமும் 50 கிராம் முதல் 70 கிராம் வரை சமையல் சோடாவை அடர் தீவனத்தில் கலந்து கொடுக்க வெண்டும். அதேபோல வழக்கத்தைவிட அதிக அளவில் தாது உப்புக்கள் தீவனத்தில் இருக்குமாறு பார்த்துக்கொள்ள வேண்டும்.

*கோடைக்காலத்தில் கால்நடைகள் குறைவாகவே தீவனம் எடுப்பதால்... தேவையான சத்துகள் கிடைக்காது. அதனால், அதிக சத்துகள் உள்ள தீவனங்களைக் கொடுக்க வேண்டும். அதிகளவு தானியங்கள் மற்றும் பருத்திக்கொட்டை போன்ற தீவன வகைகளைக் கொடுக்க வேண்டும்.

அதேபோலப் புரதச்சத்து மிகுந்த பொருள்கள் கலந்த தீவனங்களையும் கொடுக்க வேண்டியது அவசியம். கறவை மாடுகளின் செரிமான சக்திக்கு நார்ச்சத்தும் மிக அவசியம் என்பதால், வைக்கோல் போன்ற உலர் தீவனங்கள் அவசியம். 

ஆனால், மாடுகள் தீவனத்தைக் குறைவாகவே எடுத்துக் கொள்ளும் என்பதால் வைக்கோலோடு பசுந்தீவனங்களைக் கலந்து, மாடுகள் விரும்பி உண்ணும் வகையில் கொடுக்க வேண்டும். வைக்கோலைத் துண்டுகளாக்கிக் கொடுக்கலாம்.

தொடர்புக்கு, கால்நடை இனப்பெருக்கம் மற்றும் ஈனியல் துறை, கால்நடை மருத்துவக் கல்லூரி மற்றும் ஆராய்ச்சி நிலையம், நாமக்கல். தொலைபேசி: 04286 266491.


துரை.நாகராஜன் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism