Published:Updated:

பட்டுப்புழு வளர்ப்புக்கு லட்சங்களில் மானியம்!

பட்டுப்புழு வளர்ப்புக்கு லட்சங்களில் மானியம்!
பிரீமியம் ஸ்டோரி
பட்டுப்புழு வளர்ப்புக்கு லட்சங்களில் மானியம்!

நீங்கள் கேட்டவைஓவியம்: வேலு

பட்டுப்புழு வளர்ப்புக்கு லட்சங்களில் மானியம்!

நீங்கள் கேட்டவைஓவியம்: வேலு

Published:Updated:
பட்டுப்புழு வளர்ப்புக்கு லட்சங்களில் மானியம்!
பிரீமியம் ஸ்டோரி
பட்டுப்புழு வளர்ப்புக்கு லட்சங்களில் மானியம்!

‘‘பட்டுப்புழு வளர்க்க விரும்புகிறோம். இதற்கு மானியம் உண்டு என்று கேள்விப்பட்டோம். அதன் விவரங்களைச் சொல்லுங்கள்?’’

எம்.சுகந்தி, பெரம்பலூர்.

பட்டுப்புழு வளர்ப்புக்கு லட்சங்களில் மானியம்!

சேலம் நகரில் செயல்பட்டு வரும் பட்டு வளர்ச்சித் துறையின் அலுவலர் பதில் சொல்கிறார்.

‘‘பட்டுக்கூடு உற்பத்தியில் ஈடுபடும் விவசாயிகளுக்கு நல்ல லாபம் கிடைப்பதுடன், மானியமும் கிடைத்து வருகிறது. மத்திய, மாநில அரசுகளின் நிதி உதவியுடன் செயல்படுத்தப்பட்டு வரும் கிரியா ஊக்கத் திட்டத்தின்கீழ் நடப்பாண்டில், பல்வேறு பட்டு வளர்ச்சி நலத்திட்டங்கள், பட்டு வளர்ச்சித் துறையின் மூலம் செயல்படுத்தப்படவுள்ளது. இரு சுழற்சி புழு வளர்ப்பு மேற்கொள்ளும் விவசாயிகள் இதன் மூலம் பெருமளவில் பயன்பெற வாய்ப்புகள் உள்ளன.

மல்பெரி நடவு செய்யவும் ஊக்கத்தொகை வழங்கப்படுகிறது. வீரிய ரக MR2, V1 மல்பெரி ரகங்களை நாற்றுகள் மூலம் பயிரிடும் பட்டு விவசாயிகளுக்கு மல்பெரி நாற்று, நடவு ஊக்கத்தொகையாக ஏக்கருக்கு ரூ.10,500 வீதம் வழங்கப்படுகிறது. அதிகபட்சமாக ஐந்து ஏக்கருக்கு ரூ.52,500 வழங்கப்படும்.

இவ்வாண்டில் 3,000 ஏக்கர் அளவில் மல்பெரி நடவு ஊக்கத்தொகை வழங்கப் படவுள்ளது. பாசன நீர் சேமிப்புக்கென மல்பெரித் தோட்டங்களில் சொட்டுநீர்ப் பாசனம் அமைத்துக்கொள்ள ஏக்கருக்கு ரூ.30,000 வரையில் வழங்கப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

பட்டுப்புழு வளர்ப்புக்கு லட்சங்களில் மானியம்!



சிறுகுறு விவசாயிகளுக்கு 100% சதவிகிதம் மானியமாகவும் (ரூ.30,000) இதர பிரிவினருக்கு 75% சதவிகிதம் மானியமாகவும் (ரூ.22,500) வழங்கப்படுகிறது. அதிகபட்சமாக ஐந்து ஏக்கர் வரையில், மானிய உதவியுடன் சொட்டுநீர்ப் பாசனம் அமைத்துக்கொள்ள முடியும். நடப்பாண்டில் 1,500 ஏக்கர் அளவில் சொட்டுநீர்ப் பாசனம் அமைத்துக்கொள்ள மானிய உதவி வழங்கப்படவுள்ளது. பட்டு விவசாயிகள், தனியான புழு வளர்ப்பு மனை அமைத்துக்கொள்ள, மூன்று நிலைகளில் புழு வளர்ப்பு மனை பரப்பிற்கேற்ப மானியஉதவி வழங்கப்படுகிறது. நிலை-1 பிரிவின்கீழ், 1,500 சதுரஅடி பரப்பளவு மற்றும் அதற்கு மேல் உள்ள புழு வளர்ப்பு மனைக்கு, ரூ.82,500 மானியமாக வழங்கப்படுகிறது.

நடப்பாண்டில், 200 புதிய புழு வளர்ப்பு மனைகளுக்கு மானியம் வழங்கப்படவுள்ளது. நிலை-2 பிரிவின் கீழ் 1,000 சதுரஅடி பரப்பளவு மற்றும் அதற்கு மேல் உள்ள புழு வளர்ப்பு மனைகளுக்கு, ரூ.87,500 மானியமாக வழங்கப்படும். நடப்பாண்டில், இதுபோன்ற 200 புதிய புழு வளர்ப்பு மனைகளுக்கு மானியம் வழங்கப்படவுள்ளது.

நிலை-3 பிரிவின்கீழ் 700 சதுரஅடி முதல் 800 சதுரஅடி பரப்பளவு மனை அமைத்துக் கொள்ள ரூ.63,000 மானியமாக வழங்கப்படும். நடப்பாண்டில், இதுபோன்ற 500 புதிய புழு வளர்ப்பு மனைகளுக்கு மானியம் வழங்கப்படவுள்ளது. பட்டுக்கூடு உற்பத்தி செய்யும் விவசாயிகள் தங்களது புழு வளர்ப்புக்கான அடிப்படை வசதிகளை மேம்படுத்திக்கொள்ள, நவீன புழு வளர்ப்புத் தளவாடங்களான தண்டு அறுவடை கருவி, சுழற்சந்திரிகை, நெட்ரிகா, விசைத்தெளிப்பான், குளிரூட்டும் கருவி, காற்று வெளியேற்றும் விசிறிப் போன்றவை ரூ.52,500 மதிப்பில் கொள்முதல் செய்து வழங்கப்படுகின்றன. நடப்பாண்டில் 1,000 விவசாயிகளுக்கு இது வழங்கப்படவுள்ளது.

பட்டுப்புழு வளர்ப்புக்கு லட்சங்களில் மானியம்!

ஆறு லட்சம் ரூபாய் மதிப்பில் இளம் புழு வளர்ப்பு மையங்கள் அமைப்போருக்கு, 70 சதவிகிதம் மானியாக ரூ.4.20 லட்சம் நடப்பாண்டில் இரண்டு நபர்களுக்கு வழங்கப்படும். பட்டு பல்நோக்கு ஆலோசனை மையங்கள் ரூ.3 லட்சம் மதிப்பில் அமைப்போருக்கு, 75 சதவிகிதம் மானியமாக ரூ.2.25 லட்சம் நடப்பாண்டில் இரண்டு நபர்களுக்கு வழங்கப்படும். புழு வளர்ப்பு மனை மற்றும் தனிநபர் விபத்து காப்பீட்டுத் திட்டத்தின் கீழ் ரூ.15 லட்சம் முட்டைத் தொகுதிகள் காப்பீடு செய்யப்படவுள்ளன.

பத்து ஏனங்கள் கொண்ட பலமுனை பட்டு வளர்ப்பு அலகு அமைத்திடும் நான்கு பயனாளிகளுக்கு அலகு மதிப்பில் ரூ.14.05 லட்சத்தில் 90% சதவிகிதம் மானியமாகத் தலா ரூ.12.64 லட்சம் வழங்கப்படும். வெண்பட்டு உற்பத்திக்கு ஊக்கத்தொகையாக, 2A தரம் வரை உள்ள வெண்பட்டு நூலுக்குக் கிலோவிற்கு ரூ.100 மற்றும் 2A தரத்திற்கு மேல் ரூ.200 வழங்கப்படவுள்ளது.

30 டன் வெண்பட்டு நூலுக்கு இவ்வுதவி வழங்கப்படவுள்ளது. பட்டுத்தறி மேம்பாட்டுக்கு, தறி ஒன்றுக்கு ரூ.11,250 (75% மானியம்) வீதம் 500 தறிகளுக்கு மானிய உதவி வழங்கப்படும். கணினி மூலம் ஆடை வடிவமைப்பு மேற்கொள்ள, 20 பேருக்கு 75 சதவிகிதம் மானியமாகத் தலா ரூ.2.97 லட்சம் வழங்கப்படும். பட்டு முறுக்கேற்றும் அலகு அமைத்திட இரண்டு நபர்களுக்கு 75 சதவிகிதம் மானியமாக ரூ.5,89,500 வழங்கப்படும்.

மகளிர் பட்டு விவசாயிகள் 950 பேருக்கு இலவச காப்பீடு தலா ரூ.1,000 மதிப்பில் வழங்கப்படவுள்ளது. தமிழ்நாடு அரசு பட்டுப் பயிற்சி நிலையம் ஓசூரில் உள்ளது. இங்கு நடைபெறும் ஐந்து நாள்கள் பயிற்சியில் ஒருவருக்கு ரூ.5,000 வீதம் பயிற்சித் தொகையாக வழங்கப்படவுள்ளது.

இதைத்தவிர, இலகு நிதித்திட்டத்தின் கீழ் வெண்பட்டு முட்டைகள், போக்குவரத்து, இளம்புழு வளர்ப்புக்கென 100 முட்டைத் தொகுதிகளுக்கு, இளம்புழு வளர்ப்பாளருக்கு ரூ.100 வீதம் மற்றும் பட்டு விவசாயிகளுக்கு ரூ.500 வீதம் 30 லட்சம் முட்டைத் தொகுதிகளுக்கு ரூ.180 லட்சம் வழங்கப்படவுள்ளது.

மேலும், கூரை புனரமைப்புத் திட்டத்தின் கீழ் தென்னை ஓலை கூரையினைப் புனரமைத்துக்கொள்ள ரூ.22,750 முதல் ரூ.173.55 லட்சம் நிதி வழங்கப்பட்டுள்ளது. எனவே, இந்த வாய்ப்பை விவசாயிகள் பயன்படுத்திக்கொள்ள அழைக்கின்றோம். பட்டு வளர்ச்சித்துறையின் மானியங்கள் மற்றும் திட்டங்கள் குறித்து அறிந்துகொள்ள அருகில் உள்ள பட்டு வளர்ச்சித்துறை அலுவலகத்தையோ, எங்களின் அலுவலகத்தையோ தொடர்பு கொள்ளலாம்.’’

தொடர்புக்கு,
இயக்குநர்,
பட்டு வளர்ச்சித்துறை,
நேதாஜி நகர்,
அஸ்தம்பட்டி, சேலம்-636 007
தொலைபேசி: 0427 2313161/64. 

புறா பாண்டி 

பட்டுப்புழு வளர்ப்புக்கு லட்சங்களில் மானியம்!

விவசாயம், கால்நடை, மீன்வளம் மற்றும் சுற்றுச்சூழல் என்று பல துறைகள் பற்றி வாசகர்களின் சந்தேகங்களுக்கான பதில்களை உரிய நிபுணர்களிடம் பெற்றுத் தருவதற்காகவே ‘புறா பாண்டி’ சும்மா ‘பரபர’த்துக் கொண்டிருக்கிறார்.  உங்கள் கேள்விகளை ‘நீங்கள் கேட்டவை’,  பசுமை விகடன், 757, அண்ணா சாலை, சென்னை-2 என்ற முகவரிக்குத் தபால் மூலமும், pasumai@vikatan.com என்ற முகவரிக்கு இ-மெயில் மூலமும்,  99400 22128 என்ற எண்ணுக்கு வாட்ஸ்அப் மூலமும், facebook.com/PasumaiVikatan என்ற முகவரிக்கும், twitter.com/PasumaiVikatan என்ற முகவரிக்கும்  அனுப்பலாம்.   

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism