Published:Updated:

முளைக்காத விதைநெல்... விரக்தியில் விவசாயிகள்!

முளைக்காத விதைநெல்... விரக்தியில் விவசாயிகள்!
பிரீமியம் ஸ்டோரி
முளைக்காத விதைநெல்... விரக்தியில் விவசாயிகள்!

பிரச்னை

முளைக்காத விதைநெல்... விரக்தியில் விவசாயிகள்!

பிரச்னை

Published:Updated:
முளைக்காத விதைநெல்... விரக்தியில் விவசாயிகள்!
பிரீமியம் ஸ்டோரி
முளைக்காத விதைநெல்... விரக்தியில் விவசாயிகள்!

விவசாயத்துக்கு உயிர்நாடியான விதைகளை நம்பகமானவர்களிடமிருந்து வாங்கி விதைப்பதைத்தான் விவசாயிகள் விரும்புகிறார்கள். அந்தவகையில், பலரும் வேளாண்மைத்துறையிடம்தான் விதைகளை வாங்கி விதைக்கிறார்கள். 

முளைக்காத விதைநெல்... விரக்தியில் விவசாயிகள்!

ஆனால், இத்துறையில் உள்ள அலுவலர்களின் அலட்சியத்தால், பல சமயங்களில் விவசாயிகளின் நம்பிக்கை பொய்த்துப் போய் விடுகிறது. இந்த ஆண்டு, தஞ்சாவூர் மாவட்டத்தில் குறுவைப்பட்ட விதைப்புக்காக வேளாண்மைத்துறை மூலம் விநியோகம் செய்யப்பட்டிருக்கிறது, ‘கோ-51’ ரக விதைநெல். இதன் முளைப்புத்திறன் சரியில்லை என்று குற்றம்சாட்டுகிறார்கள், விவசாயிகள்.

திருவையாறு அருகில் உள்ள கீழ திருப்பந்துருத்தி என்ற கிராமத்தைச் சேர்ந்த விவசாயி சைவராஜ், “போர் தண்ணீரை வெச்சு 7 ஏக்கர் வயல்ல குறுவைச் சாகுபடி செய்யலாம்னு, வேளாண் விரிவாக்க மையத்திலிருந்து, 280 கிலோ கோ-51 ரக விதைநெல்லை வாங்கி நாத்து விட்டேன். வழக்கமா 3-ம் நாள் முளைச்சி வந்திடும். ஆனா, விதைச்சு இருபது நாளாகியும் முளைக்கவே இல்லை. அங்க ஒண்ணு இங்க ஒண்ணுனு முளைச்சிக்கிடக்கு. மொத்தமா ஒரு ஏக்கர் அளவுக்குக்கூட நடவு செய்ய முடியாது. இப்போ நாள் கடந்துட்டதால, திரும்பவும் விதைநெல் வாங்கிட்டு வந்து நாத்து விட முடியாது.வேளாண்மைத் துறை அதிகாரிகள்கிட்ட சொன்னோம். அவங்க வந்து பார்த்துட்டு, எந்தத் தீர்வும் சொல்லாம போயிட்டாங்க” என்றார்.

ஒட்டுமொத்த விகடனுக்கும் ஒரே ஷார்ட்கட்!

முளைக்காத விதைநெல்... விரக்தியில் விவசாயிகள்!

தஞ்சை மாவட்டக் காவிரி விவசாயிகள் பாதுகாப்புச் சங்கத்தின் துணைச் செயலாளர் சுகுமாறன், “தண்ணீர்ப் பற்றாக்குறை, ஆள் தட்டுப்பாடுனு விவசாயம் செய்றதே பெரும் சவாலா இருக்கு. காவிரித் தண்ணீர் கிடைக்காததால, பல வருஷமா குறுவைச் சாகுபடி சரிவர நடக்கலை. போர்வெல் வெச்சிருக்குற விவசாயிகள் மட்டும்தான் குறுவைச் சாகுபடி செய்றாங்க. இந்த விவசாயிகளுக்குக்கூடத் தரமான விதைநெல்லை வேளாண்மைத் துறையினால் கொடுக்க முடியலைங்கிறது வேதனையான விஷயம். குறுவைப் பட்டத்தில் பூச்சி, நோய்த்தாக்குதல் அதிகம் இருக்காது. மகசூலும் கூடுதலாகக் கிடைக்கும். இதனால்தான் விவசாயிகள் குறுவைச் சாகுபடியை விரும்புறாங்க. போன வருஷம், குறுவையில் கோ-51 ரக நெல் சாகுபடி செஞ்சவங்களுக்கு நல்ல மகசூல் கிடைச்சது. அதனால்தான் இந்த வருஷமும் அந்த ரகத்தையே வாங்கினாங்க. வேளாண் விரிவாக்க மையங்கள்ல கொடுக்கிற விதைநெல்லின் முளைப்புத்திறன், இனத்தூய்மை எல்லாமே நல்லா இருக்கும்னு நம்பி வாங்கினாங்க. இந்தளவுக்கு மோசமாக இருக்கும்னு எதிர்பார்க்கலை.

முளைக்காத விதைநெல்... விரக்தியில் விவசாயிகள்!

விதைநெல் மூட்டைகள்ல விதைச்சான்று அலுவலரின் சான்று அட்டை இருக்கு. ஆய்வு செய்யாமலே சான்று கொடுத்தாங்களா, இல்லை சான்று கொடுத்தபிறகு முறைகேடு நடந்திருக்கானு தமிழக அரசு விசாரிக்கணும். இந்த ரகத்தை வாங்கின விவசாயிகளுக்குக் கம்ப்யூட்டர் ரசீது கொடுக்கலை. அதை வெச்சுப் பார்க்கும்போது, இதுல ஏதோ பிரச்னை இருக்குனு வேளாண்மைத்துறை அதிகாரிகளுக்கு முன் கூட்டியே தெரிஞ்சிருக்குமோனு எங்களுக்குச் சந்தேகமா இருக்கு. இதுவரை தஞ்சாவூர் மாவட்டத்துல மட்டும் 70 டன் அளவுக்கு விதைநெல்லை விற்பனை செஞ்சிருக்காங்க. இப்போ வேளாண்மைத்துறை அலுவலர்கள் விவசாயிகள்கிட்ட ‘கோ-51 ரகத்தை விதைக்காதீங்க’னு சொல்லிட்டு இருக்காங்க. இது தரமில்லாத விதைகள்னு வேளாண்மைத்துறை அதிகாரிகளே ஒத்துக்கிட்டாங்க. நாங்க விதைச் சட்டத்தின்படி, நீதிமன்றத்தில் வழக்கு தொடரப் போறோம்” என்றார் ஆதங்கத்துடன்.

இக்குற்றச்சாட்டுகள் குறித்துத் தஞ்சாவூர் மாவட்ட வேளாண் இணை இயக்குநர் நெடுஞ்செழியனிடம் கேட்டோம். “வழக்கத்தைவிட இந்த ஆண்டு வெயில் அதிகமாக இருந்ததால்தான் விதைநெல்லில் முளைப்புத்திறன் குறைந்துள்ளது. எங்களது அலுவலர்களை அனுப்பி, 80 சதவிகிதத்துக்கும் குறைவான முளைப்புத்திறன் கொண்ட விதைநெல்லை விவசாயிகளிடமிருந்து திரும்பப் பெற்றுக் கொண்டிருக்கிறோம்” என்றார்.

கு.ராமகிருஷ்ணன், படங்கள்: ம.அரவிந்த்