Published:Updated:

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!
பிரீமியம் ஸ்டோரி
பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

60 சென்ட்… ஆண்டுக்கு ரூ. 2,00,000 லாபம்...பண்ணைத்தொழில்

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

60 சென்ட்… ஆண்டுக்கு ரூ. 2,00,000 லாபம்...பண்ணைத்தொழில்

Published:Updated:
பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!
பிரீமியம் ஸ்டோரி
பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

யற்கைச்சீற்றம், விலையின்மை, ஆள் பற்றாக்குறை... எனப் பல காரணங்களால் விவசாயத்தில் வருமானம் குறைகிறபோது, அதை ஈடுகட்டுபவை விவசாயம் சார்ந்த உபதொழில்கள்தான். ஆடு வளர்ப்பு, கோழி வளர்ப்பு, மாடு வளர்ப்பு, பன்றி வளர்ப்பு, முயல் வளர்ப்பு, காடை வளர்ப்பு, தேனீ வளர்ப்பு, பட்டுப்புழு வளர்ப்பு, மீன் வளர்ப்பு, காளான் வளர்ப்பு... என ஏகப்பட்ட பண்ணைத்தொழில்கள் உள்ளன.

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

நம்முடைய பண்ணை அமைந்திருக்கும் சூழல், இடவசதி, தண்ணீர் வசதி... போன்ற முக்கியமான காரணிகளை வைத்துச் சரியான பண்ணைத்தொழிலைத் தேர்ந்தெடுத்து ஈடுபட்டால், கண்டிப்பாக நல்ல லாபம் ஈட்ட முடியும். சொல்லப்போனால், இதுபோன்ற விவசாய உபதொழில்கள் மூலம் விவசாயத்தில் எடுக்கும் வருமானத்தைவிட அதிகமாக வருமானம் ஈட்ட முடியும். அதுபோன்ற பண்ணைத்தொழில்களை வெற்றிகரமாகச் செய்து வரும் விவசாயிகளை அடையாளப்படுத்தி அவர்களின் வெற்றிச்சூத்திரத்தை அனைவருக்கும் கொண்டு சேர்ப்பதுதான் இத்தொடரின் நோக்கம்.

இந்த இதழில், பண்ணைக்குட்டையில் மீன் வளர்த்து, நல்ல வருமானம் எடுத்துவரும் திண்டுக்கல் மாவட்டத்தைச் சேர்ந்த சின்னச்சாமி குறித்துப் பார்ப்போம்.

நத்தம்-செந்துறை சாலையில் 4 கிலோமீட்டர் தூரத்தில் இருக்கிறது, புதுப்பட்டி எனும் கிராமம். இங்கிருந்து வலதுபுறம் செல்லும் சாலையில் 1 கிலோமீட்டர் தூரத்தில் இருக்கிறது, மாம்பட்டி எனும் கிராமம். இங்குதான் இருக்கிறது, சின்னச்சாமியின் மீன் வளர்ப்புக் குளம். ஒரு காலை வேளையில் மீன்களுக்கு உணவு தயாரித்துக் கொண்டிருந்த சின்னச்சாமியைச் சந்தித்தோம்.

“எனக்குச் சொந்தமா 1 ஏக்கர் 64 சென்ட் நிலம் இருக்கு. அதுல கொஞ்சம் தென்னை மரங்களும், மா மரங்களும் இருக்கு. தண்ணீர் வளத்தோட கிணறு இருக்கு. கறவை மாடுகளையும் வளர்த்துக்கிட்டு இருக்கேன். பத்து வருஷத்துக்கு முன்ன, தமிழக அரசின் ‘தரிசு நில மேம்பாட்டுத் திட்டம்’ மூலமா, 100 நாள் வேலைத்திட்டப் பணியாளர்களை வெச்சு, என் நிலத்துல ஒரு பண்ணைக்குட்டை வெட்டிக் கொடுத்தாங்க அரசு அதிகாரிகள். 

ஒட்டுமொத்த விகடனுக்கும் ஒரே ஷார்ட்கட்!

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

குட்டையில தண்ணி தேங்கி நின்னதும் அதுல கொஞ்சம் மீன் குஞ்சுகளை விட்டு வளர்த்தேன். நல்லா வளர்ந்து வந்தது. கிடைச்ச மீன்களை உள்ளூர்ல விற்பனை செய்துக்கிட்டு இருந்தேன். அதுல நல்ல வருமானம் கிடைக்க ஆரம்பிச்சதும், முறையாகப் பயிற்சி எடுத்துக்கிட்டு மீன் வளர்க்கலாம்னு முடிவு செஞ்சேன்.

அப்புறம் மீன் வளத்துறை ஆபீஸ்ல போய்க் கேட்டு, நிலக்கோட்டைக்குப் பக்கத்துல இருக்குற அணைப்பட்டியில் செயல்படுற மீன் குஞ்சு வளர்ப்பு மையத்துல பயிற்சி எடுத்துக்கிட்டேன். அதுக்கப்புறம் தோட்டத்துல குட்டைகள் வெட்டி, பயிற்சியில் கத்துகிட்ட விஷயங்களைச் செயல்படுத்தி மீன் வளர்க்க ஆரம்பிச்சேன். இப்போ அஞ்சு வருஷமா நல்ல முறையில மீன் வளர்த்து வருமானம் எடுத்துக்கிட்டு இருக்கேன்” என்று முன்கதை சொன்ன சின்னச்சாமி, மீன் வளர்ப்புக் குளத்தைக் காட்டியபடியே பேச ஆரம்பித்தார்.

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

“ஒரு ஏக்கர் நிலத்துல மொத்தம் 5 குட்டை இருக்கு. ஒவ்வொரு குட்டையும் 20 சென்ட் பரப்புல இருக்கு. போன வருஷம் வரைக்கும் 5 குட்டைகள்லயும் மீன் வளர்த்துட்டு இருந்தேன். இந்த வருஷம் தண்ணீர்ப் பற்றாக்குறை. அதனால, 3 குட்டைகள்ல (மொத்தம் 60 சென்ட்)மட்டும் மீன் வளர்த்துட்டு இருக்கேன். மழை கிடைச்சதுன்னா 5 குட்டைகள்லயும் தண்ணி விட்டுருவேன். இப்போதைக்குக் கட்லா, ரோகு, மிர்கால்னு மூணு வகை மீன்களை வளர்த்திட்டிருக்கேன். இந்த மீன்களுக்குத்தான் எங்க பகுதியில நல்ல விற்பனை வாய்ப்பு இருக்கு.

குளத்தைத் தயார்படுத்திட்டு, ஒரு இன்ச் அளவில் இருக்கிற மீன்குஞ்சுகளை விட்டா, ஆறு மாசத்துல வளர்ந்துடும். இரை வைக்கும்போது மீன்களைப் பிடிச்சுப் பார்த்து வளர்ச்சியைத் தெரிஞ்சுக்குவேன். விற்பனைக்கு ஏத்த வளர்ச்சி இருந்தா, மீன்களைப் பிடிச்சு விற்பனை செய்ய ஆரம்பிச்சுடுவேன். ஒரு மீன் அரைக் கிலோவிலிருந்து முக்கால் கிலோ அளவுல எடை இருக்கும். அதனால, வாடிக்கையாளர்கள் வாங்குறதுக்குச் சுலபமா இருக்கு. ஒரே மீன் ஒரு கிலோ, ஒன்றரைக் கிலோ எடையில இருந்தா, வாங்கறவங்க யோசிப்பாங்க.

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

வாராவாரம் ஞாயித்துக்கிழமை, மீன்களைப் பிடிச்சு பண்ணையிலேயே வெச்சு நேரடி விற்பனை செஞ்சிடுவேன். உயிரோடு குளத்து மீன் கிடைக்கிறதால, சுத்துப்பட்டுல இருக்குறவங்க விரும்பி வந்து வாங்குறாங்க. மொத்தமா மீனைப் பிடிச்சு டிரம்ல விட்டுடுவேன். கிணத்துல இருந்து பம்ப்செட் மூலமா வர்ற தண்ணி, டிரம்ல விழுந்து குளத்துக்குள்ள போற மாதிரி வெச்சுடுவேன். புதுத்தண்ணி டிரம்முக்குள்ள விழுறப்போ, குட்டையில பிடிச்ச மீன்கள் தானாகவே சுத்தமாகிடும்.

இதோட புதுத்தண்ணிங்கிறதால மீன்களுக்கு நல்லா ஆக்ஸிஜன் கிடைக்கும். அதனால, மீன்கள் சுறுசுறுப்பாவும் பிரஷ்ஷாவும்  இருக்கும்.  வாடிக்கையாளர்கள் மீன்களைப் பார்த்தவுடனே போட்டிப்போட்டு வாங்கிட்டு போயிடுறாங்க.

ஒவ்வொரு வாரமும் 500 கிலோ அளவுல மீன்களைப் பிடிச்சு விற்பனை செய்வேன். 4 அல்லது 5 வாரங்கள்ல 3 குட்டையில இருக்குற மீன்களும் விற்பனையாகிடும். அதுக்கப்புறம் குளத்தைக் காயவிட்டு அடுத்த பேட்ச் குஞ்சுகளை விடுறதுக்குத் தயார் படுத்துவேன்” என்ற சின்னச்சாமி விற்பனை மற்றும் வருமானம் குறித்துச் சொல்ல ஆரம்பித்தார். 

பணம் குவிக்கும் பண்ணைத்தொழில்கள் - 9 - கலக்கல் லாபம் தரும் கலப்பின மீன் வளர்ப்பு!

“இப்போ இந்த 3 குட்டைகள்ல மொத்தம் 7,000 குஞ்சுகளை விட்டிருக்கேன். மீன்களுக்குச் செழிம்பாகத் தீவனம் கொடுத்து வளர்த்தா 6 மாசத்துல நல்லா வளர்ந்து அறுவடைக்கு வந்துடும். குட்டையில விட்ட 7,000 குஞ்சுகள் வளர்றப்போ குஞ்சுப்பருவத்துல கொஞ்சம் இழப்பு இருக்கும். அதுக்கடுத்து பாம்பு, தவளை, பறவைகள்னு பிடிச்சுச் சாப்பிடுறதுல கொஞ்சம் இழப்பு இருக்கும்.

எல்லாம் போக 5,000 மீன்கள்வரைதான் வளர்ந்து வரும். குறைஞ்சபட்சமா ஒரு மீன் அரைக்கிலோனு வெச்சுக்கிட்டாலே மொத்தம் 2,500 கிலோ அளவு மீன் கிடைக்கும். ஒரு கிலோ 150 ரூபாய்னு விற்பனை செய்றேன். அந்த வகையில, 60 சென்ட் பரப்புல மீன் வளர்க்குறது மூலமா 3,75,000 ரூபாய் வருமானம் கிடைக்கும்.

ஒரு இன்ச் நீளம் இருக்குற ஒரு மீன் குஞ்சு, 1 ரூபாய் விலையில் கிடைக்குது. போக்குவரத்துச் செலவோடு சேர்த்து ஒரு மீன் குஞ்சுக்கு 1.50 ரூபாய் செலவாகும். அந்த வகையில 7,000 குஞ்சுகளுக்கு 11,250 ரூபாய் செலவாகும். மீன் விற்பனை மூலமாகக் கிடைக்கிற வருமானத்துல கிட்டத்தட்ட 40 சதவிகிதப் பணத்தை மீன்களுக்கான தீவனத்துக்கே செலவு செய்ய வேண்டியிருக்கும்.

மீன் பிடிக்கிற அன்னிக்கு… மீன்களை வலைபோட்டு இழுக்க, எடைபோட, பில் போட்டுக் காசு வாங்கனு எல்லா வேலைக்கும் சேர்த்து குறைஞ்சது 8 பேராவது தேவைப்படும். அவங்களுக்குச் சம்பளம் கொடுக்கிறதோடு ஒவ்வொருத்தருக்கும் 2 கிலோ மீன் கொடுக்கணும். அவங்களுக்கான மத்த செலவுகளும் இருக்கு. அதையும் சேர்த்தா கிட்டத்தட்ட 1,75,000 ரூபாய் வரை ஆகிடும். மொத்த வருமானமான 3,75,000 ரூபாய்ல 1,75,000 ரூபாய் செலவு போக 2,00,000 ரூபாய் லாபமா நிக்கும்” என்று சொல்லி மகிழ்ச்சியுடன் விடைகொடுத்தார்.

தொடர்புக்கு,  சின்னச்சாமி,  செல்போன்: 82705 15859.

ஜி.பிரபு, படங்கள்: வீ.சிவக்குமார்

இந்தியப் பெருங்கெண்டை ரகங்கள்

பொ
துவாகக் கூட்டு மீன் வளர்ப்புக்குப் (கலப்பின மீன் வளர்ப்பு) பெருங்கெண்டை ரக மீன்கள்தான் ஏற்றவை. இவ்வகை மீன்கள் நீரில் உள்ள விலங்கின நுண்ணுயிரிகள், தாவரங்கள், கழிவுகள், சிறிய புழுக்கள் போன்றவற்றை உணவாக உண்பதால் இவற்றை வளர்ப்பது எளிது. இவை, மிக வேகமாக வளர்ச்சி அடையும் குணம் கொண்டவை. கட்லா, ரோகு, மிர்கால் ஆகியவை இந்தியப் பெருங்கெண்டை மீன் ரகங்கள்.

கட்லா

இது மிக வேகமாக வளரும் தன்மை கொண்டது. வெளிர் சாம்பல் நிறத்தில் இருக்கும். பெரிய தலை மற்றும் அகன்ற உடல் அமைப்பைக் கொண்டது. குளத்தின் மேற்பரப்பில் வாழக்கூடியது. இது நீரின் மேல்மட்டத்தில் உள்ள விலங்கின நுண்ணுயிர்கள், தாவரக்கழிவுகள் ஆகியவற்றை உண்டு வாழக்கூடியது. இது கலங்கியிருக்கும் நீரைச் சரிசெய்யக்கூடிய தன்மை கொண்ட மீன் இனமாகும். ஓர் ஆண்டில் இரண்டு கிலோ எடை வரக்கூடியது.

ரோகு

கெண்டை மீன் ரகங்களில் அதிக சுவை கொண்டது. இதன் தலை சிறியதாகவும், வாய் நேராகவும் இருக்கும். வளர்ந்த மீன்கள் நீளமாக உருண்டை வடிவத்தில் இருக்கும். செதில்கள் மற்றும் துடுப்புகளில் சிவப்பு நிறம் காணப்படும். இது குளத்தின் நடுப்பகுதியில் உள்ள தாவர நுண்ணுயிரிகள், மட்கிய பொருள்கள் போன்றவற்றை விரும்பி உண்ணும். இதுதவிர நாம் அளிக்கும் மேலுணவு வகைகளையும் விரும்பி உண்ணும் தன்மை கொண்டது. ஓர் ஆண்டில் ஒன்றரைக் கிலோ எடை வரக்கூடியது.

மிர்கால்

இளம் பச்சை மற்றும் வெண்மை நிறத்துடன் கூடியது. நீண்ட உடலமைப்புக் கொண்டது. குளத்தின் அடிப்பகுதியில் உள்ள கழிவுகள், தாவர மட்குகள், சேற்றில் உள்ள சிறிய விலங்கினங்களை உண்ணக்கூடியது. ஓர் ஆண்டில் ஒரு கிலோ எடை வரக்கூடியது.

மானியம் உண்டு!

மிழ்நாடு மீன்வளத்துறை மூலம், குளம் வெட்ட மானியம் வழங்கப்படுகிறது. அரசின் பல்வேறு திட்டங்கள்மூலம் பயிற்சிகள், பட்டறிவுப்பயணங்கள் போன்றவை மேற்கொள்ளப்படுகின்றன. அந்தந்த மாவட்டங்களில் உள்ள மீன்வளத்துறை அலுவலகங்களை அணுகினால் அதற்கான விவரங்கள் கிடைக்கும்.


குளத்தில் தண்ணீர் நிறுத்தும் தொழில்நுட்பம்!

ண்டல் மண் உள்ள பகுதியில் மீன் வளர்ப்புக் குளம் இருந்தால், தண்ணீர் பூமிக்குள் இறங்காது. மற்ற மண் வகைகளாக இருந்தால், குளத்தின் அடிப்பகுதியில் அரை அடி உயரத்துக்கு வண்டல் மண்ணைக் கொட்டிப் பரப்ப வேண்டும். இதனால், நீர் பூமிக்குள் உறிஞ்சப்படுவதைத் தவிர்க்கலாம். எப்போதும் குளத்தில் 4 அடி உயரத்துக்குத் தண்ணீர் இருக்குமாறு பராமரிக்க வேண்டும்.

பிராண வாயு… கவனம்!

கு
ளத்தின் நீர் அதிக பச்சை நிறத்திலிருந்தால் கொஞ்சம் தண்ணீரை வெளியேற்றிவிட்டுப் புதுத் தண்ணீர் விட வேண்டும். மீன்கள் நீரின் மேல்மட்டத்துக்கு வந்து சுவாசித்தால், நீரில் ஆக்ஸிஜன் பற்றாக்குறை இருக்கிறது என்று அர்த்தம். அப்படி இருந்தால், உடனே புதிய தண்ணீர் விட வேண்டியது அவசியம்.

2 மாதங்கள் காயவிட வேண்டும்!

மீ
ன் வளர்ப்புக் குறித்துச் சின்னச்சாமி சொன்ன தகவல்கள் பாடமாக இங்கே…

தரை மட்டத்திலிருந்து 5 அடி ஆழத்துக்குக் குளம் வெட்ட வேண்டும். வெட்டிய மண்ணைக் குளத்தைச் சுற்றிப் போட்டுக் கரை அமைக்க வேண்டும். குளத்தின் நீள, அகலத்தை நமது நிலத்தின் அமைப்புக்கேற்ப நிர்ணயித்துக் கொள்ளலாம். பெரிய குளமாக வெட்டுவதைவிடச் சிறிய குளங்களாக இருந்தால், மேலாண்மை செய்வது எளிதாக இருக்கும். குளம் வெட்டியபிறகு ஒரு சென்ட் அளவுள்ள குளத்துக்கு 1 கிலோ வீதம் கிளிஞ்சல் சுண்ணாம்பு போட்டு, 2 அடி உயரத்துக்குத் தண்ணீர் விட வேண்டும். மண்ணின் கார அமிலத்தன்மை அதிகமா இருந்தால் சுண்ணாம்பு தேவை இருக்காது. அதனால், மண் பரிசோதனை செய்து அதற்கேற்றவாறு சுண்ணாம்பு சேர்த்துக் கொள்ளலாம். பிறகு, ஒரு ஏக்கர் குளத்துக்கு 1 டன் என்ற விகிதத்தில் ஈர சாணத்தைத் தண்ணீரில் கரைத்துவிட வேண்டும்.

தொடர்ந்து குளத்தில் தண்ணீர்விட்டு மொத்தம் 4 அடி உயரத்துக்குத் தண்ணீர் இருக்குமாறு நிரப்ப வேண்டும். சாணம் கரைத்த ஒரு வாரத்தில் குளத்தில் நுண்ணுயிரிகள் உருவாகியிருக்கும். தண்ணீருக்குள் கையைவிட்டுப் பார்க்கும்போது மங்கலாகத் தெரிந்தால் நுண்ணுயிரிகள் உருவாகிவிட்டன என்று அர்த்தம். ஒருவேளை நுண்ணுயிரிகள் குறைவாக இருந்தால், மேலும் சாணத்தைக் கரைத்து விட வேண்டும். நுண்ணுயிரிகள் இருப்பது உறுதியானவுடன், ஒரு இன்ச்சுக்கு மேல் நீளமுள்ள மீன் குஞ்சுகளைக் குளத்துக்குள் விட வேண்டும். ஒரு ஏக்கர் குளத்துக்கு மாதம் 200 கிலோ வீதம் ஈர சாணத்தைத் தொடர்ந்து கரைத்து வர வேண்டும்.

மீன் குஞ்சுகள் விடுவதில் ஒவ்வொருவரும் ஒவ்வொரு அளவைக் கடைப்பிடிக்கிறார்கள். மீன்வளத்துறையில் ஒரு ஏக்கர் அளவு குளத்துக்கு 2,000 குஞ்சுகள் விடுமாறு பரிந்துரை செய்கிறார்கள். நான் 60 சென்ட் பரப்பில் 7,000 குஞ்சுகள் விட்டு வளர்க்கிறேன். ஆனாலும் மீன்களின் வளர்ச்சி நன்றாகத்தான் இருக்கிறது.

கடலைப் பிண்ணாக்கு, தேங்காய்ப் பிண்ணாக்கு, பச்சரிசித்தவிடு மூன்றையும் சம அளவில் கலந்து பிசைந்து மீன்களுக்குத் தீவனமாக இட வேண்டும். குளத்தில் சில இடங்களில் குச்சியை நட்டு வைக்க வேண்டும். பிளாஸ்டிக் பேசினில் தீவனத்தை வைத்து, அதைக் குச்சியில் கட்டித் தொங்கவிட்டால் அதன் எடை தாங்காமல் தண்ணீருக்குள் மூழ்கி விடும். மீன்கள் தீவனத்தைச் சாப்பிடத்தொடங்கும். முழுத் தீவனத்தையும் மீன்கள் சாப்பிட்ட பிறகு, பிளாஸ்டிக் பேசின் மிதக்க ஆரம்பித்துவிடும். அதை வைத்து மீன்கள் சாப்பிட்டதை அறிந்துகொள்ளலாம். மீன்களின் வளர்ச்சிக்கேற்ப தீவனத்தின் அளவை அதிகரிக்க வேண்டும். மீன்களுக்குத் தினமும் ஒரே நேரத்தில், ஒரே இடத்தில் தீவனம் வைக்க வேண்டும்.