வாங்களேன் வானத்துல மிதக்கலாம்!

ஒரே மனிதர் இருவேறு துறைகளில் வித்தகராக இருப்பது சகஜம். ஆனால் இரு துறைகளையும் ஒரே புள்ளியில் இணைத்து வித்தை காட்டினால், எவ்வளவு சுவாரஸ்யமாக இருக்கும் என்பதற்கு தென்னாப்பிரிக்காவைச் சேர்ந்த பிலிப் வான் காலர் மிகச்சிறந்த உதாரணம்.

அடிப்படையில் வடிவமைப்பாளரான இவர், `ஸ்கை டைவிங்’கில் கில்லி. அவரின் மிக முக்கிய பொழுதுபோக்கே  உலகம் முழுவதும் சுற்றி நண்பர்களுடன் வானில் மிதப்பதுதான்! ‘ஸ்கை டைவிங்கையும், வடிவமைப்பையும் இணைத்தால் என்ன?’ என்று ஒரு யோசனை இவருக்குத் திடீரென எழுந்தது. விளைவு... இன்று இன்ஸ்டாகிராம் பக்கம் மனுசன் செம்ம பாப்புலர்! நண்பர்களோடு வானில் மிதக்கும் புகைப்படங்களில், தானே ஓவியங்களை வரைந்து அதை வேறு கோணத்தில் மாற்றி அசத்துகிறார். சாம்பிளுக்கு நீங்களே இந்த போட்டோஸ் பாருங்களேன்!
                                     
- கருப்பு