யூத்தாகலாம் வாங்க!

மனிதர்களின் தலையாய பிரச்னைகளில் ஒன்று முதுமை! வயது முதிர்வதைத் தடுக்க சஞ்சீவினி மூலிகை எல்லாம் இப்போ மார்க்கெட்ல கிடைக்கிறதில்லைங்கிறதால விஞ்ஞானிகள் மூளையைப் பிராண்டி ஒரு கருவியைக் கண்டுபிடிச்சிருக்காங்க. வாங்க, என்னன்னு பார்ப்போம்!

`மூட்டைப் பூச்சியைக் கொல்லும் நவீன மெஷின்' மாதிரி ஏதோ இருக்கும் போலன்னு விசாரிச்சுப் பார்த்தா, சின்னப்புள்ளைக விளையாடுற காத்தாடி மாதிரி அமைப்புல பேட்டரியால் ஓடும் ஒரு கருவியைக் காட்டுகிறார்கள். அதில் பேட்டரி அளவில் இருக்கும் நடுப்பகுதியை வாயில் கடித்தபடி தலையை மேலும் கீழும் ஒரு நிமிடம் தொடர்ந்து அசைக்க வேண்டுமாம். இப்படியே தொடர்ந்து செய்துவந்தால் இந்தப் பயிற்சியின் விளைவால் தசைப்பகுதிகள் வயதானாலும் சுருக்கமற்று இளமையான தோற்றத்தைக் கொடுக்குமாம். இதனால் நீண்ட வருடம் இளமையாகவே இருக்கலாம் என அந்த நிறுவனம் சொல்லியிருக்கிறது. இதைத் தயாரித்திருக்கும் PAO நிறுவனத்தின் விளம்பரத்தில் பிரபல கால்பந்து வீரர் கிறிஸ்டியானோ ரொனால்டோ நடித்திருப்பதுதான் அங்கே ஹைலைட்.

எப்படியெல்லாம் கிளம்புறாய்ங்க?

- விக்கி