கம்பெனி டிராக்கிங்: டிரென்ட் லிமிடெட்! - (NSE SYMBOL: TRENT)

மும்பையைத் தலைமையகமாகக்கொண்டு இயங்கிவரும் நிறுவனம் டிரென்ட் லிமிடெட். இது 1998-ம் ஆண்டு டாடா குழுமத்தின்கீழ் வந்தது. பிராண்டட் ரீடெயில் துறையில் இயங்கிவரும் முன்னணி நிறுவனமான இது, ஆர்கனைஸ்டு ரீடெயில் என்னும் பெரும் தொழில் பிரிவில் இயங்கிவருகிறது. வெஸ்ட்சைட், ஜூடியோ, ஸ்டார் மற்றும் லேண்ட்மார்க் என்ற நான்கு விதமான ரீடெயில் ஸ்டோர்களை இந்திய அளவில் நடத்திவருகிறது. 

நிறுவனத்தின் முக்கிய பிராண்டுகள்

வெஸ்ட்சைட் பிராண்ட் ஸ்டோர்கள் இந்த நிறுவனத்திற்குச் சொந்தமான பிராண்டுகளின் ஃபேஷன் ஆடைகளை விற்பனை செய்துவருகிறது. இந்தப் பிரிவுதான் ட்ரென்ட் நிறுவனத்தின் முன்னணி வர்த்தகப் பிரிவாகும். டிரென்ட் நிறுவனம் 8,000 சதுர அடி முதல் 34,000 சதுர அடி வரை அளவுள்ள 145 (மார்ச் 2019 நிலவரப்படி) ஸ்டோர்களை 76 நகரங்களில் நடத்திவருகிறது.

ஜவுளிகள்/ஆடைகள், காலணிகள், இதர அணிகலன்கள், அழகு சாதனப் பொருள்கள், வாசனைத் திரவியங்கள், வீட்டு அலங்காரத்திற்கு உதவும் பொருள்கள், பரிசுப்பொருள்கள் போன்றவற்றை வெஸ்ட்சைட் பிராண்டட் ஸ்டோர்களில் விற்பனை செய்துவருகிறது இந்த நிறுவனம். உலகத்தரம் வாய்ந்த ஸ்டோர்களின் சூழல், மலிவான விலையில் தரமான பொருள்கள் மற்றும் கனிவான சேவை போன்றவையே இந்த ஸ்டோர்களின் தாரக மந்திரம் என்கிறது டிரென்ட் நிறுவனம்.

இந்த நிறுவனம் நடத்திவரும் மற்றொரு ஸ்டோர் ஜூடியோ எனும் ஸ்டோர் ஆகும். ஜூடியோ எனும் பிராண்ட் அதிநவீன ஃபேஷன் ஸ்டோர்களின் பிராண்டாக உருவகப் படுத்தப்பட்டுள்ளது. டிரெண்ட் நிறுவனம் 5,000 முதல் 8,000 சதுர அடி அளவிலான 40 ஜூடியோ ஸ்டோர்களை நடத்திவருகிறது. ஆடவர், மகளிர் மற்றும் சிறுவர்களுக்கான ஆடைகள், காலணிகள், ஹோம் டெக்ஸ்டைல்ஸ் போன்றவற்றை விற்பனை செய்துவருகின்றன இந்த வகை ஸ்டோர்கள்.
 
ஸ்டார் எனும் பிராண்டில் ஃப்ரெஷ்ஷான உணவு மற்றும் பலசரக்கு சாமான்களை விற்பனை செய்துவரும் டிரென்ட் நிறுவனம், 26 சூப்பர் மார்க்கெட்டுகளையும் 10 ஹைப்பர் மார்க்கெட்டு களையும் நடத்திவருகிறது.

குடும்பத்திற்குத் தேவையான பொழுதுபோக்கு விஷயங்களை விற்பனை செய்யும் ஸ்டோராக லேண்ட்மார்க் எனும் ஸ்டோர்களை ஐந்து இடங்களில் தனியாக நடத்திவரும் இந்த நிறுவனம்,  சில வெஸ்ட்சைட் ஸ்டோர்களுடன் இணைத்தும் நடத்திவருகிறது. இந்த ஸ்டோர்களில் விளையாட்டு பொம்மைகள், ஸ்டேஷனரி, புத்தகங்கள், டெக்னாலஜி மற்றும் விளையாட்டு உபகரணங்களை விற்பனை செய்துவருகிறது இந்த நிறுவனம்.

வெஸ்ட்சைட் ஸ்டோர்களைப் பொறுத்தவரை, ஆன்லைன் மற்றும் ஸ்டோர்களில் விற்பனை செய்யப்படும் பொருள்களில் சுமார் 96%  பொருள்கள் டிரென்ட் நிறுவனத்தின் சொந்த பிராண்ட் ஆகும்.

அதிநவீன ஃபேஷன் டிசைன்களை உடனுக்குடன் வாடிக்கையாளர்களுக்குக் கொண்டுசேர்க்கும் எண்ணத்துடன் செயல்படும் இந்த நிறுவனம், புதிய ஸ்டோர்களைத் திறப்பதற்காக எடுத்துக்கொள்ளும் கால அளவு  குறைவானதாகவே இருப்பது குறிப்பிடத்தக்கது. தரம் மற்றும் வேகமான ஃபேஷன் அறிமுகம் என்ற இரண்டையும் இலக்காகக்கொண்டு செயல்படுவதும் இந்த நிறுவனத்தின் சிறப்பான குணாதிசயமாகும்.

வியாபரத்திற்கான வாய்ப்புகள்

ஆர்கனைஸ்டு ரீடெயில் துறை என்பது மாறிவரும் பொருளாதார மற்றும் தனிநபர் வருமான அதிகரிப்புக்கேற்ப வளர்ச்சி பெற வாய்ப்புள்ள ஒரு துறையாகும். இந்த வகையில் இந்தியாவைப் பொறுத்தவரை, அதிகரித்துவரும் தனிநபர் வருமான உயர்வு, நகரமயமாகுதல் மற்றும் அதிகமான இளைஞர்களைக் கொண்டிருத்தல் போன்றவை இந்தத் துறைக்குச் சாதகமான அம்சங்கள். 

இந்தியாவைப் பொறுத்தவரை, இளம்வயது (27-30) மனிதர்கள் அதிகமாக இருக்கும் சூழல் இந்தத் துறைக்குச் சாதகமான ஒன்றாகவே இருக்கும். இந்த வயதினர் அதிகமாக இருப்பது நுகர்வுக் கலாசாரத்திற்கு வழிவகை செய்யும். மேலும், இந்திய மக்கள்தொகையில் கிட்டத்தட்ட 50 சதவிகிதத்தினர் 15 முதல் 54 வயது வரையிலான நபர்களாக இருப்பதால், இவர்கள் அனைவருமே சம்பாதிக்கும் திறன்கொண்டவர்களாகவும், வாங்கும் திறன் கொண்டவர்களாகவும் திகழ்கின்றனர்.
 
மாறிவரும் குடும்பங்களின் மனப்பாங்கும் அதிகரித்துவரும் ஃபேஷன் குறித்த ஆர்வம் மற்றும் விருப்பம், அதிகரித்துவரும் பணிக்குச் செல்லும் பெண்களின் எண்ணிக்கை,  இதுதான் வேண்டும் என்று கேட்கும் குணம்கொண்ட குழந்தைகளின் மனப்பாங்கு, இளைஞர்கள் மனதில் உருவெடுக்கிற சுதந்திர செயல்பாட்டுக்கான எண்ணம் போன்றவை இந்தத் துறையில் செயல்படும் நிறுவனங்களுக்கு வியாபாரத்திற்கான வாய்ப்பாக அமையும் என எதிர்பார்க்கலாம்.

1961-ம் ஆண்டில் இருந்த 18% அளவிலான நகர மக்கள் தொகை 2011 வாக்கில் 31% அளவுக்கு உயர்ந்தது. உற்பத்தித் துறை மற்றும் சேவைத் துறையில் அதிகரித்துவரும் வேலை வாய்ப்பானது கடந்த பத்து ஆண்டுகளில் நகரமயமாதலை அதிவேகப்படுத்தியுள்ளது. இதனால் இரண்டாம் மற்றும் மூன்றாம் அளவிலுள்ள (Tier 2 & 3) பெரிய நகரங்கள் பலவும் அதிவேகமான வளர்ச்சியைக் கண்டன. இந்தவகை நகரங்களே கிட்டத்தட்ட 50 சதவிகிதத்திற்கும் மேலான ரீடெயில் துறையின் விற்பனைக்கு (consumption) வழிவகை செய்கின்றன.

அதிவேகமாக வளரும் இணையதள உபயோகமும் இந்தவகை ரீடெயில் ஸ்டோர் களுக்குச் சாதகமான ஒரு விஷயமாகவே இருக்கும் என்று எதிர்பார்க்கலாம்.

ரிஸ்க்குகள் ஏதும் உண்டா?

ரீடெயில் துறையில் செயல்படும் நிறுவனங்கள் அனைத்திற்கும் உண்டான ரிஸ்க்குகள் இந்த நிறுவனத்திற்கு உண்டு. பொருளாதார வளர்ச்சி மற்றும் தனிநபர் வருமானம் என்ற இரண்டுமே இந்தத் துறையில் இருக்கும் நிறுவனங்களின் வர்த்தகத்தை நிர்ணயம் செய்கிறது.

எனவே, எதிர்பார்த்த அளவுக்குப் பொருளாதார வளர்ச்சி ஏற்படாமல் போனாலோ, தேக்கநிலை உருவானாலோ இந்த வகை நிறுவனங்களின் செயல்பாட்டினை அது பாதிக்கவே செய்யும்.

மேலும், ரியல் எஸ்டேட் விலை/வாடகை (ரீடெயில் துறைக்கு மிக அவசியமானது இடம் என்பதால்), திறமையான பணியாளர்கள் கிடைத்தல் போன்றவையும் இந்தத் துறையில் இயங்கும் நிறுவனங்களுக்கு ரிஸ்க்கை உருவாக்கும் விஷயங்களாகும். 

தவிர, தொழில்ரீதியான போட்டி, ஆன்லைன் வர்த்தக நிறுவனங்களின் தள்ளுபடி விற்பனை உத்தி, மூலப்பொருள்கள் மற்றும் சம்பளச்செலவு அதிகரிப்பு போன்றவையும் இந்தத் துறையில் செயல்படும் நிறுவனங்களுக்கான ரிஸ்க்குகள் ஆகும்.

ரிஸ்க்குகள் பல இருக்கிறபோதிலும் நீண்ட தொழில் அனுபவம், பாரம்பர்யம் மற்றும் வாடிக்கையாளர் மத்தியில் நன்மதிப்பைப் பெற்றிருக்கும் நிறுவனம் இது. இந்த நிறுவனத்தின் பங்கினை, பங்குச் சந்தை ஏதாவது ஒரு காரணத்தால் நல்லதொரு விலை வீழ்ச்சியைச் சந்திக்கும்போது, வரும் கடுமையான விலை வீழ்ச்சியின்போது மிகவும் சிறிய எண்ணிக்கையில் வாங்குவதற்கு டிராக் செய்யலாம். 

மூன்று முதல் ஐந்து ஆண்டுகளுக்கான தங்களுடைய போர்ட்ஃபோலியோவில் சேர்த்துக் கொள்வதற்காக கொஞ்சம் அதிக அளவிலான ரிஸ்க் எடுக்கக்கூடிய வாசகர்கள் மட்டும் தொடர்ந்து டிராக் செய்துவரலாம். சமீபத்தில் இந்தப் பங்கு விலை கணிசமாக உயர்ந்திருப்பதால், நல்லதொரு இறக்கம் வரும் வரையில் காத்திருப்பதே மிகமிக நல்லது.

ஏற்கெனவே இந்த நிறுவனம் செயல்படும் துறையில் பங்குகளை அதிகம் கொண்டிருக்கும் போர்ட்ஃபோலியோவை வைத்திருக்கும் வாசகர்களும், பங்கை வாங்கிய பிறகு தாங்களாகவே இந்தத் துறை மற்றும் நிறுவனத்தின் செயல்பாட்டினை டிராக் செய்துகொள்ள முடியாத வாசகர்களும் இந்த நிறுவனத்தின் பங்கினைத் தவிர்ப்பதே நல்லது.

டாக்டர் எஸ்.கார்த்திகேயன்

This section is not a buy/sell recommendation at the current price levels, but only a compilation of information about the company and the data is compiled by Dr S Karthikeyan (an Independent Research Analyst herein after referred as ‘Research Analyst’). Dr S Karthikeyan is a SEBI registered Research Analyst under the SEBI (Research Analysts) Regulations, 2014 with registration number INH200001384.

Analyst Certification and Disclosures under the provisions of SEBI (Research Analysts) Regulations 2014

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exist no conflict of interest that can bias his views in this report. The Analyst do not hold any share(s) in the company/ies discussed.

Disclosure of Interest Statement

1.Whether Research analyst’s or relatives’ have any financial interest in the subject company/ies and nature of such financial interest? – No; 2. Whether Research analyst or relatives have actual / beneficial ownership of 1% or more in securities of the subject company/ies at the end of the month immediately preceding the date of  the document? – No; 3. Whether the research analyst or his relatives has any other material conflict of interest? – No;  4. Whether research analyst has received any compensation from the subject company/ies in the past  12 months and nature of products / services for which such compensation is received? – No;  5. Whether the Research Analyst has received any compensation or any other benefits from the subject company/ies or third party in connection with the research report? – No; 6.Whether Research Analyst has served as an officer, director or employee of the subject company/ies? – No ;7. Whether the Research Analyst has been engaged in market making activity of the subject company/ies? – No.

General terms and conditions of the research report

For a detailed disclaimer and disclosure please visit http://nanayam.vikatan.com/index.php?aid=9985. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this report is available at http://www.nseindia.com/products/content/equities/equities/eq_security.htm (Choose symbol (TRENT)/name of company/time duration)