கேரியர் கைடன்ஸ்!

இந்திய உணவுக் கழகப் பணிகள்

இந்திய உணவுக் கழகம் (எஃப்.ஐ.சி.), பொதுத் துறை நிறுவனங்களில் ஒன்று. இதன் மேற்கு, வடக்கு மண்டலங்களில் அசிஸ்டென்ட் பணிக்கு விண்ணப்பங்கள் வரவேற்கப்படுகின்றன. மொத்தம் 2,295 காலி இடங்கள். ஒவ்வொரு பிரிவுப் பணிக்கும், வணிகவியல், கணிதம், புள்ளியியல் என சம்பந்தப்பட்ட பாடங்களில் பட்டம் பெற்று இருப்பவர்கள் விண்ணப்பிக்கலாம். 19.12.10 அன்று எழுத்துத் தேர்வு நடைபெறும். ஆன்-லைன் மூலம் மட்டுமே விண்ணப்பிக்கவும். மேலும் விவரங்களுக்கு: new.specialtest.in/fci

ராணுவத்தில் மருத்துவர் பணி

இந்திய ராணுவத்தின் பல் மருத்துவ படைப் பிரிவில் 'பல் மருத்துவ அதிகாரி' பணிக்கு விண்ணப்பங்கள் வரவேற்கப்படுகின்றன. பி.டி.எஸ்., அல்லது எம்.டி.எஸ்., படிப்பில் தேர்ச்சி பெற்று, ஒரு வருட ரோட்டரி இன்டன்ஷிப்பைப் பூர்த்திசெய்தவர்கள் 31.10.10 தேதிக்குள் விண்ணப்பிக்கலாம். விண்ணப்பப்படிவம், வயது வரம்பு உள்ளிட்ட தகவல்களுக்கு new.indianarmy.gov.in

ஐ.ஏ.எஸ்., ஐ.பி.எஸ்., தேர்வுக்கு இலவசப் பயிற்சி

2011-ம் ஆண்டு மத்திய தேர்வாணைக் குழு (யூ.பி.எஸ்.சி.) நடத்தும் சிவில் சர்வீஸ் தேர்வுக்கு, தமிழக அரசு ஒவ்வோர் ஆண்டும் இலவசப் பயிற்சி அளித்து வருகிறது. இந்தப் பயிற்சியை அண்ணா மேலாண்மை நிலையத்தின் ஒரு பிரிவான அகில இந்தியக் குடிமைப் பணித் தேர்வுப் பயிற்சி மையம் நடத்தி வருகிறது. வரும் டிசம்பர் முதல் ஆறு மாதங்களுக்குப் பயிற்சி அளிக்கப்படும். விண்ணப்பதாரர்கள் நுழைவுத் தேர்வு மூலம் பயிற்சிக்கு தேர்வு செய்யப்படுவார்கள். நுழைவுத் தேர்வு 31.10.10 அன்று நடைபெறும். விண்ணப்பங்களை 15.09.10-ம் தேதிக்குள் அனுப்ப வேண்டும். நுழைவுத் தேர்வு விவரங்கள், பயிற்சி முறை உள்ளிட்ட விவரங்களுக்கு new.civilservice-coaching.com

பஞ்சாப் நேஷனல் வங்கி அதிகாரிப் பணி

பஞ்சாப் நேஷனல் வங்கியில் காலியாக உள்ள முதுநிலை மேலாளர், மேலாளர், மேலாண்மை நிர்வாகப் பயிற்சியாளர் உள்ளிட்ட 883 பணியிடங்களுக்கு விண்ணப்பங்கள் வரவேற்கப்படுகின்றன. ஆன்-லைனில் மட்டுமே விண்ணப்பிக்க வேண்டும். விண்ணப்பிக்க கடைசித் தேதி 8.9.10. கல்வித் தகுதி, வயது வரம்பு, தேர்வுக் கட்டணம் உள்ளிட்ட விவரங்களுக்கு new.pnbindia.com

யுனைடெட் வங்கியில் கிளார்க் பணி

யுனைடெட் வங்கி 700 கிளார்க் பணியிடங்களுக்கான விண்ணப்பங்களை வரவேற்கிறது. 60 சதவிகித மதிப்பெண்களுடன் 12-ம் வகுப்பில் தேர்ச்சி பெற்றவர்கள் விண்ணப்பிக்கலாம். அத்துடன், மூன்று மாத கணினிப் படிப்பில் தேர்ச்சி பெற்றிருக்க வேண்டும். ஆன்-லைனில் மட்டுமே விண்ணப்பிக்க வேண்டும். எழுத்துத் தேர்வு 28.11.10 அன்று நடைபெறும். பிற தகவல்களுக்கு new.unitedbankofindia.com