உயிர் மொழி! - 14

கலவியல் தேர்வு (Sexual selection) என்கிற முறையில்தான் ஆண்களை

எல்லாம் சலித்து, புடைத்து, தரம் பிரித்து, சிறந்த மரபு அணுக்களை மட்டுமே தேர்ந்தெடுத்து, அடுத்த தலைமுறைக்கு பேக்-அப் செய்கிறார்கள் பெண்கள். 'இதைப் பெண்கள்தான் செய்ய வேண்டுமா? ஏன், ஆண்கள் செய்தால் ஆகாதா?' என்றால், சபாஷ்! சரியான கேள்விதான். இதற்கான பதிலும் ரொம்ப விவகாரமானதே!

ஆண், பெண் இருவருமே கலவியல் பங்கேற்பில் ஈடுபட்டாலும்கூட, இதில் பெண்ணின் பங்குதான் அதிகம். கலவியல் செல்கள் என்பவை இரண்டு பாலினருக்குமே பொது. இரண்டிலுமே 23 குரோமோசோம்கள்தான் இருக்கின்றன என்றாலும், இவற்றின் எண்ணிக்கையிலும் வடிவமைப்பிலும் எக்கச்சக்க வித்தியாசங்கள். ஓர் ஆண், ஒரு நாளைக்குக் கிட்டத்தட்ட 80 முதல் 100 மில்லியன் வரை விந்து அணுக்களை உற்பத்தி செய்கிறான். அவன் வயதுக்கு வந்த அந்தக் கணம் முதல், அவன் வாழ் நாள் முழுவதுமே இப்படி மில்லியன் கணக்கில் விந்து அணுக்களை உற்பத்தி செய்ய வல்லவன். ஆனால் பெண், ஒரு மாதத்துக்கு ஒரே ஒரு கரு முட்டையைத்தான் உற்பத்தி செய்கிறாள். அதுவும் வயதுக்கு வந்த பிறகு ஆரம்பித்து, மெனோபாஸ் ஆகும் வரை. கூட்டிக் கழித்துப்பார்த்தால், கிட்டத்தட்ட 30 - 35 ஆண்டுகளுக்கு மட்டும். வருடத்துக்கு 12 கரு முட்டைகள் என்றால், தன் வாழ்நாள் முழுவதுமே சேர்த்து ஒரு பெண் உற்பத்தி செய்வது, மொத்தமே சுமார் 400 கரு முட்டைகளைத்தான்!

கரு முட்டையின் சைஸையும் விந்து அணுவின் சைஸையும் ஒப்பிட்டுப் பார்த்தால், விந்து அணு ஒரு சின்ன புள்ளி மாதிரியும் கரு முட்டை அதைவிட 1,000 மடங்கு பெரிதாக, ஓர் உலக உருண்டை மாதிரியும் இருப்பதைக் காணலாம். காரணம், விந்து அணுவில் வெறும் 23 குரோமோசோம்களும் அவற்றை நீந்தவைக்க ஒரு வாலும், அந்த வாலுக்கு நீந்தும் சக்தியைத் தர ஒரு குட்டி இன்ஜினும்தான் உள்ளன. கரு முட்டையிலும் அதே 23 குரோமோ சோம்கள் என்றாலும், அந்த குரோமோசோம்களைச் சுற்றிலும் சக்தி கொடுக்க நிறைய கொழுப்பும் புரதமும் திரண்டு இருக்கும். காரணம், கரு முட்டை என்பது ஒரு சக்திப் பிழம்பு. கருவுக்கு போஷாக்கு அளிக்க வேண்டிய அளவு எரிபொரு ளும், ஆற்றலும் அதில் நிறைந்து இருக்கின்றன.

Gene economics மரபு அணுப் பொருளாதாரத்தின் அடிப்படையில் பார்த்தால், ஆணின் விந்து அணு வைத் தயாரிக்க அதிக செலவு ஆவது இல்லை. அதனால், ஒரே நாளில் பல மில்லியன் கணக்கில் உற்பத்தி செய்து தள்ள முடியும். ஆனால், பெண்ணின் கரு முட்டையோ, ரொம்பவே காஸ்ட்லியான ஒரு படைப்பு. அதனால்தான், அது மாதத்துக்கு ஒன்று என்று தயாராகிறது. அதனால், எரி பொருள் இருப்பைவைத்து மதிப்பிட்டால், விந்து அணு மலிவானதாகவும் கரு முட்டை விலை உயர்வானதாகவும் ஆகிவிடுகிறது.

ஆணின் விந்து அணுக்களுக்குச் செய்கூலி மிகக் குறைவு. அதனால், அது விரையம் ஆனாலும் பெரிய நஷ்டம் ஏற்படாது. அதனால்தான் ஆண் மிருகங்கள், பெண்ணின் சாயலில் இருக்கும் பிற வஸ்துக்களைக் கண்டாலும், உடனே விந்து அணுக்களை வெளியேற்றிவிடுகின்றன. அதனால், அந்த மிருகத்துக்கு எந்தப் பெரிய இழப்பும் இல்லை. ஆனால், பெண் தயாரிப்பதே மாதத்துக்கு ஒரே ஒரு கரு முட்டை என்பதால், அதை விரையம் செய்யும் பேச்சுக்கே இடம் இல்லை. அதனால், பெண் தன் காஸ்ட்லியான முதலீட்டை மிகுந்த எச்சரிக்கையுடனே அணுக வேண்டி இருக்கிறது.

தன் மரபு அணுக்களைப் பரப்பிக்கொள்ள ஆண் அதிகம் மெனக்கெட வேண்டி இருப்பது இல்லை. ஒரு தகுந்த பெண்ணைத் தேடிப் பிடித்து, அவளை இசையவைத்து, உடல் பாகங்களைப் பொருத்தி, விந்து அணுக்களை முதலீடு செய்துவிட்டால்போதும். சில நிமிட அசைவுகள், சில துளி விந்து அணுக்கள்... இந்த சொற்ப முதலீட்டி லேயே அவன் மரபு அணுக்கள் எளிதாகப் பரவிவிடும். அதன் பிறகு, அந்தப் பெண் இருக்கும் திசை பக்கமே அவன் வரவில்லை என்றாலும், அவன் மரபு அணுக்கள் மிக ஷேமமாகப் பரவித்தான் இருக்கும்.

ஆனால், பெண் தன் மரபு அணுக்களைப் பரப்பிக்கொள்வது இத்தனை எளிது இல்லை. இவள் மாதம் முழுக்க முயன்று, எத்தனையோ கிலோ எரிபொருளைக் கொட்டிக் குவித்து, ஒரே ஒரு கரு முட்டையை உருவாக்குகிறாள். அந்தக் கரு முட்டையை விந்து அணுக்களோடு கலந்து, கருவைத் தன் உடம்பிலேயே உருவாக்குகிறாள். இந்தக் கருவை மாதக்கணக்கில் தன் உடலில் தக்கவைத்து, போஷாக்கு அளித்து, பிரசவத்தின் பெரும் துயர்களை எல்லாம் அனுபவித்து, குட்டியை ஈன்றும் புறம் தந்து, அதற்குப் பாலூட்டி, பத்திரப் படுத்தி, வாழ்வியல் வித்தைகள் சொல்லித் தந்து... ஆக, பெண் தன் ஒட்டுமொத்த உடலையும், வாழ்வையும் பணயம்வைத்தால் ஒழிய, அவளுடைய மரபு அணுக்கள் செம்மையாகப் பரவாது.

ஆக, இனப் பெருக்க ஆட்டத்தில் ஆணின் முதலீடு மிக சொற்பமே. ஆனால், பெண் செய்யும் முதலீடு மிக மிக அதிகம். இவ்வளவு அதிகமான முதலீட்டை சும்மா ஏதோ ஒரு சோப்ளாங்கியின் மரபு அணுக்களைப் பரப்பித் தரச் செலவழித்தால், அதைவிட முட்டாள்தனம் வேறு என்ன இருக்க முடியும்? இதே சிரமங்களை ஏதோ ஒரு சூப்பர்மேனின் மரபு அணுக்களைப் பெற்றுத்தர மேற்கொண்டால், அதில் இருக்கும் அர்த்தமே அலாதிதானே!

அதனால்தான், ஆண்களை எடைபோட்டு, 'இவன் தேறுவானா... மாட்டானா? இவன் மரபு அணுக்கள் தேறுமா... தேறாதா' என்று மிகத் துல்லியமாகக் கணக்கிடும் ஆற்றலை இயற்கை பெண்களுக்குப் பிறவியிலேயே படைத்து இருக்கிறது. எல்லா ஜீவராசிகளிலும் பெண்பால் மிக மிகக் கறாராகத்தான் துணையைத் தேர்வு செய்கிறது.

மனிதர்களிலும் பெண்கள் எப்போதுமே மிகக் கணக்காகத்தான் துணைத் தேர்வு mate selection-ல் ஈடு படுகிறார்கள். அவர்கள் வாழும் காலம், பருவம், சூழல் எல்லாவற்றையும் சரி பார்த்து, எந்த மரபு அணுக்கள் இருந் தால், தன் குட்டி சுலபமாகப் பிழைக்க முடியும் என்பதை உணர்ந்து, அந்த மரபு அணுக்களைச் சுமக்கும் ஆண் களாகத் தேர்வு செய்கிறார்கள்.

இந்த செக்ஸுவல் செலெக்ஷனைப் பெண்கள் செய்யும்விதம் ரொம்பவே சுவாரஸ்யமானது. மனித வரலாற்றின் வெவ்வேறு கால நிலைகளில், வெவ்வேறு தேர்வு வரையறைகளைவைத்து ஆண்களைத் தேர்ந்தெடுத்து இருக்கிறார்கள் பெண்கள்.

இப்படி மாறிக்கொண்டே வரும் பெண்ணின் ரசனையைப் புரிந்துகொண்ட புத்திசாலி மனித ஆணும், காலத்துக்கு ஏற்பத் தன்னைத்தானே மாற்றிக்கொண்டே வந்திருக்கிறான். அதனால்தான், மானுடம் மற்ற எல்லா ஜீவராசிகளையும் முந்தி வந்து இருக் கிறது. மாறாமல் பின்தங்கிப்போன மக்கு ஆண்களையும், அவர்களது மரபு அணுக்களையும் பெண்கள் வடிகட்டிக்கொண்டே வந்து இருக்கிறார்கள். இப்படி ஆணும் பெண்ணுமாக மனிதர் கள் ஆடிய இந்த மரபு அணு ஆட்டங்களைப்பற்றிய தகவல்களுக்கு...