கிங்குடா கேரி கிங்குடா!

ஆஸ்திரேலியாவின் மெகா கோடீஸ்வரர் கேரி பெக்கர். இவர் ஒரு சூதாட்ட வெறியர். இவர் சூதாட வருகிறார் என்றாலே கேசினோக்களுக்கு ஜுரம் எடுக்கும். காரணம், இவர் மில்லியன் கணக்கில்தான் ஆட்டத்தையே ஆரம்பிப்பார். கேரி ஜெயித்தால் அந்த கேசினோ கிளப்பை அதோடு இழுத்து மூட வேண்டியதுதான். தோற்றால் கிளப்புக்கு அன்று ஜாக்பாட்.

1990-ல் லண்டனில் உள்ள ஒரு பிரபல கேசினோவில் நுழைந்து 15 மில்லியன் பவுண்ட்களைப் பந்தயம் கட்டி விளையாடினார். ஒரே நேரத்தில் நான்கு மேஜைகளில் ஒற்றை

ஆளாக போக்கர் விளையாடி கடைசியில் தோற்றுப்போனார். ஆனால், மனிதர் கொஞ்சமும் அலட்டிக்கொள்ளவில்லை. சிரித்துக்கொண்டே 'ஜஸ்ட் லைக் தட்' அவர் நடந்து வெளியே போனபோது ஊழியர்கள்தான் பாவம் மயங்கி விழுந்தனர்.

லாஸ் வேகாஸில் இருக்கும் எம்.ஜி.எம். என்ற கேசினோவுக்கு கேரி பெக்கர் என்ற பெயரே அலர்ஜி. 'போரடிக்கிறது' என 1997-ல் அந்த கிளப்புக்குள் நுழைந்தார். விளையாட ஆரம்பித்த அவர், வெற்றிமேல் வெற்றிகளை அள்ளிக் குவித்து அவர் அடித்த ஜாக்பாட் 33 மில்லியன் டாலர்கள்.

உற்சாகத்தில் மிதந்த அவர், தனக்கு டிரிங்க்ஸ் கொடுத்த பெண்ணுக்கு ஒரு வீட்டையே பரிசாகக் கொடுத்தார். கதவைத் திறந்துவிட்டவருக்கு இவர் தூக்கிப் போட்ட டிப்ஸ் ஒரு மில்லியன் டாலர்கள்.

இரண்டு வருடங்களுக்குப் பிறகு லண்டனில் மூன்று வாரங்கள் சூதாடினார். இந்த முறை அவருக்கு லக் லேது! 28 மில்லியன் டாலர் நஷ்டம். பிரிட்டன் சூதாட்ட வரலாற்றிலேயே ஒரு தனிநபரின் அதிக பட்ச இழப்பு அதுதான். அவர் கொஞ்சமும் சலனப்படவில்லை. அவருக்கு இதெல்லாம் ஜுஜுபி. 2004-ல் இந்த சூதாடிச் சித்தன் இறந்தபோது, அவரது சொத்து மதிப்பு 5.4 பில்லியன் டாலர்கள்!