மைக்கேல் மங்கி!

குரங்காகப் பிறந்தாலும், மைக்கேல் ஜாக்சனோட குரங்காகப் பிறக்க வேண்டும். இன்று, உலகின் பணக்காரக் குரங்கு மைக்கேல் வளர்த்த 'பபிள்ஸ்' என்னும் சிம்பன்ஸி. தன் பிரியத்துக்குரிய சிம்பன்ஸிக்கு மைக்கேல் எழுதிவைத்திருப்பது, இரண்டு மில்லியன் டாலர்கள்!

ஒரு காலத்தில் மைக்கேலுடன் ரெக்கார்டிங் தியேட்டர் வரை வரும். அவருடன்

விளையாடும். டைனிங் டேபிளில் உரிமையாகச் சாப்பிடும். மைக்கேலின் பெட்ரூம் வரை நுழையும் அனுமதி பெற்ற ஒரே ஜீவன் அதுதான்.

மைக்கேல், ஜப்பானுக்குப் போனபோது கையோடு கூட்டிக்கொண்டு போகும் அளவுக்கு இருவருக்கும் இடையே திக் ஃபிரெண்ட்ஷிப். தனக்குக் குழந்தை பிறந்தபோது இந்த குறும்புக் குரங்கு, குழந்தையை எதுவும் செய்துவிடக் கூடாது என்று ஃப்ளோரிடாவின் ஒரு காப்பகத்தில் ஒப்படைத்தார். இப்போது அங்கே ரொம்ப சமர்த்தாக இருக்கும் பபிள்சுக்கு பாவம், ஜாக்சன் இறந்தது தெரியாது!