Published:Updated:

ஹிட்லர் ஏன் யூதர்களை வெறுத்தார்? - வாசகி பகிர்வு #MyVikatan

ஆரம்பத்திலிருந்தே ஹிட்லர் தன்னை antisemitic (யூத எதிர்ப்புக் கொள்கை) ஆகவே காட்டிக்கொண்டுள்ளார்.

றின்னோஸா
றின்னோஸா

ஹிட்லர் பற்றி அறிந்த அல்லது இன்னுமின்னும் அறிய ஆர்வப்படும் என்னைப் போன்ற அனைவருக்குமே இயல்பாக ஏற்படும் ஒரு கேள்விதான். அது, `ஏன் ஹிட்லர் யூதர்களை வெறுத்தார்?' என்பதாகும். சமீபத்தில் பெர்லினின் ஹிட்லர் வாழ்விடத்துக்குச் சென்று வந்தது முதல், இது தொடர்பான என் தேடல் இன்னும் தீவிரமானது. இதன் பின்னணியை ஆராய முற்படும்போது யூத மதத்தைப் பற்றியும் சில சுவாரஸ்யமான விஷயங்களைத் தெரிந்துகொள்ளலாம். நமக்கெல்லாம் பொதுவாகப் பரிச்சயம் இல்லாத ஒரு மதமாக யூதமதம் இருப்பதால் அது சார்ந்த போதிய விளக்கமோ அறிவோ நம்மவர்களிடம் குறைவு!

Representational Image
Representational Image

யூதர்கள் மீதான வெறுப்பு என்பது உலகின் மிக தொன்மையான ஒரு racism ஆக கருதப்படுகின்றது! யூதர்களின் வெறுப்பை ஹிட்லர் கண்டுபிடிக்கவில்லை. ஐரோப்பாவில் யூதர்கள் இடைக்காலத்திலிருந்தே பெரும்பாலும் மத காரணங்களுக்காக பாகுபாடு மற்றும் துன்புறுத்தலுக்கு ஆளானார்கள். கிறிஸ்துவர்கள், யூத நம்பிக்கையை இல்லாது ஒழிக்க வேண்டிய ஒன்றாகக் கண்டனர். யூதர்கள் சில சமயங்களில் மதமாற்றம் செய்ய நிர்பந்திக்கப்பட்டனர். சில தொழில்களில் ஈடுபட அனுமதிக்கப்படவில்லை. கிறிஸ்துவத்துக்கு மாறிய யூதர்கள்கூட அவர்களின் உடலில் ஓடுகிற ரத்தம் காரணமாக இன்னும் 'வித்தியாசமானவர்களாகவே' கருதப்பட்டனர்.

யூதர்கள் மீதான ஹிட்லரின் வெறுப்பின் தோற்றம் தெளிவாக இல்லை. ஆரம்பத்திலிருந்தே அவர் தன்னை antisemitic (யூத எதிர்ப்புக் கொள்கை) ஆகவே காட்டிக்கொண்டுள்ளார். இது ஒரு நீண்ட, தனிப்பட்ட அனுபவங்களின் விளைவாகும். அவர் வியன்னாவில் ஒரு ஓவியராகப் பணிபுரிந்தபோது யூதர்கள் அனைவரிடமும் அவர் கொண்டிருந்த வெறுப்பு புலப்பட்டதாகக் கருதப்படுகிறது. பெரும்பாலான வரலாற்றாசிரியர்கள், ஹிட்லரின் இந்த வெறுப்பைத் தொடர்ந்து பின்னோக்கிக் கொண்டு வந்ததாக நம்புகிறார்கள்.

Representational Image
Representational Image

ஹிட்லர், சிறு வயதிலேயே ஆன்டிசெமிடிக் கருத்துகளுடன் தொடர்பு கொண்டார் என்பது தெளிவாகிறது. அந்த நேரத்தில் அவர் அவற்றை எந்த அளவுக்குப் பகிர்ந்துகொண்டார் என்பது உறுதியாகத் தெரியவில்லை. ஹிட்லர் யூதர்களை வெறுக்க மற்றுமொரு காரணமாக, யூதர்கள் மற்றும் கம்யூனிஸ்ட்கள் நாட்டைக் காட்டிக்கொடுத்ததாகவும், ஒரு இடதுசாரி அரசாங்கத்தை ஆட்சிக்குக் கொண்டுவந்ததாகவும் அவர் கருதினார். ராணுவ வீரராக ஹிட்லர் தனது முதல் உலகப் போரில் தோற்றபோது, ​​அவர் தனது இழப்புகளுக்கும் தோல்விக்கும் யூதர்கள் மீதே குற்றம் சாட்டினார். அப்போதே அனைத்து யூதர்களையும் அழிக்க ஒரு இலக்கை உருவாக்கினார் என கூறப்படுகிறது.

அடால்ஃப் ஹிட்லரைப்போல வரலாற்றில் வேறு எந்த ஆட்சியாளரும் யூத மக்களுக்கு மரணத்தையும் துன்பத்தையும் கொண்டு வரவில்லை. 1941 மற்றும் 1945-க்கு இடையில் சுமார் 6 மில்லியன் யூதர்களை முறையாகக் கொன்ற ஒரு நாஜி ஆட்சிக்கு தலைமை தாங்கினார். ஹிட்லரின் ஆட்சியின் கீழ், ஜெர்மனியின் வீழ்ச்சிக்கு காரணமான குற்றவாளிகளாக யூதர்கள் குறிவைக்கப்பட்டனர்.

Representational Image
Representational Image

முதல் உலகப் போருக்குப் பிறகு, ஹிட்லர் தனது அரசியல் வாழ்க்கையைத் தொடங்கினார். அவர் தேசிய சமூக ஜெர்மன் தொழிலாளர் கட்சியில் சேர்ந்து அதன் தலைவரானார். அப்போது யூத-விரோத பிரசாரம் கட்சியின் வாக்காளர்களால் நன்கு ஏற்றுக்கொள்ளப்பட்டதைக் கவனித்தார். இதனால், அதிகாரத்துக்கு வருவதற்கு, ஜெர்மனிய மக்களின் பெரும்பான்மைக்கு அடிக்கோடிட்டு, அதிகரித்து வரும் யூத-விரோதத்தைப் பயன்படுத்த முடியும் என்று ஹிட்லர் கண்டார்.

யூதர்கள் ஹிட்லரின் உரைகள் மற்றும் எழுத்துகளின் பிரபலமான இலக்காக மாறினர். ஹிட்லரின் செய்தி ஜெர்மானிய தேசியவாத மற்றும் பழைமைவாத சூழ்நிலைக்கு ஊட்டமளித்தது. ஏனெனில், நியாயமற்ற ஜெர்மன் தோல்விக்கு யூதர்கள்தான் காரணம் என்று கூறியது மட்டுமல்லாமல், ஜெர்மனியின் மீட்சியைத் தடுக்கிறார்கள் அவர்கள் என பிரசாரம் செய்து எரியும் நெருப்பில் மேலும் எண்ணையை ஊற்றினார். இவ்வாறே ஹிட்லரின் யூத எதிர்ப்பு விதைவிட்டு விருட்சமாக மாறியது!

சரி, இவ்வளவு வரலாற்றையும் கொண்ட இந்த யூத மதம் என்ன. எங்கு எப்போது எப்படி உருவானது? அதன் தற்போதைய நிலை என்ன என்பதை அறிந்துகொள்ளும் ஆவலில், பல யூத மதம் தொடர்பான நூல்களையும் வீடியோக்களையும் பார்த்து நான் அறிந்துகொண்டதன் சுருக்கத்தைச் சொல்கிறேன்.

adolf hitler
adolf hitler

மூன்று பெரிய ஏகத்துவ நம்பிக்கைகளில் முதல் மற்றும் பழைமையான மதம் யூத மதம்! யூத மதத்தின் அடிப்படை சட்டங்களும் கொள்கைகளும் பைபிளின் முதல் ஐந்து புத்தகங்களான தோராவிலிருந்து பெறப்பட்டுள்ளன.

யூத மக்களின் தந்தையான ஆபிரகாம் Hebrew என்று அழைக்கப்பட்டார். அவரின் பேரன் ஜேக்கப் கோட் என்பவரால் இஸ்ரேல் என்று பெயர் மாற்றப்பட்டார். அவருடைய குழந்தைகள் இஸ்ரேலின் மக்கள் ("குழந்தைகள்") என்று அழைக்கப்பட்டனர். காலப்போக்கில், யூதாவின் கோத்திரத்தைச் சேர்ந்த தாவீது ராஜாவின் சந்ததியினர், இஸ்ரவேல் தேசத்தில் வாழும் இஸ்ரவேலர்களில் பெரும்பகுதியை ஆண்டார்கள். அந்த மக்கள் யெஹுடிம் (யூதர்கள்) என்ற பெயரைப் பெற்றனர்.

யூத மதத்தின் மிக முக்கியமான போதனையும் கொள்கையும் என்னவென்றால், ஒரு கடவுள் இருக்கிறார். அவர் அசாதாரணமான மற்றும் நித்தியமானவர். அவர் எல்லா மக்களும் நியாயமான மற்றும் இரக்கமுள்ள செயல்களைச் செய்ய விரும்புகிறார்கள். எல்லா மக்களும் கடவுளின் சாயலில் படைக்கப்பட்டவர்கள். எனவே, அவர்கள் கண்ணியத்துடனும் மரியாதையுடனும் நடத்தப்படுவதற்கு தகுதியானவர்கள் என்பவையாகும்! யூத மக்கள் படிப்பு, பிரார்த்தனை மற்றும் தோராவில் குறிப்பிடப்பட்டுள்ள கட்டளைகளைக் கடைப்பிடிப்பதன் மூலம் கடவுளுக்கு சேவை செய்கிறார்கள்.

ஜெருசலேம்
ஜெருசலேம்

கடவுளைப்பற்றியும் கடவுள் காட்டும் வழிகளை அறிந்து கொள்வதும் கடவுளுடன் நெருக்கமான வழியில் இணைவதற்கான வழிகள் என இவர்கள் நம்புகின்றனர். அதனால்தான் யூத மக்கள் டோரா மற்றும் டால்முட் மொழியைக் கற்றுக்கொள்வதற்கு பல மணிநேரங்கள், நாள்கள் ஏன் பல வருடங்களை முதலீடு செய்கிறார்கள்.

| அனைத்து விகடன் இதழ்கள் + 2006 முதல் இன்று வரையிலான 325K ப்ளஸ் கட்டுரைகள் > ஆட்டோ-ரினீவல் ஆப்ஷனுடன் கூடிய 'மைக்ரோ - மாஸ்' மாதச் சந்தா பேக் ரூ.99 மட்டுமே > சப்ஸ்க்ரைப் செய்ய > http://bit.ly/2X6Z1Bo |

ஒரு யூதத் தாய்க்குப் பிறந்த எவரும் யூதர்களே என ஏற்றுக்கொள்ளப்படுகின்றனர். அங்கீகரிக்கப்பட்ட ரபினிக்கல் ஆலயத்தின் அனுசரணையின் மூலமும் ஒரு நபர் யூதராக மதம் மாற முடியும். இதன்போது மாற்று செயல்பாட்டில் நிபந்தனையின்றி மிட்ச்வாக்களைக் கடைப்பிடிப்பது (unconditionally accepting to observe the mitzvahs), மிக்வாவில் மூழ்குவது (immersing in a mikvah), மற்றும் circumcision (ஆண்களுக்கு) ஆகியவை அடங்கும்.

ஜெருசலேம்
ஜெருசலேம்

ஒரு யூதப் பெண்ணுக்கு 12 வயதும் ஒரு யூதப் பையனுக்கு 13 வயதும் இருக்கும்போது, ​​அவர்கள் தங்கள் மதக் கடமைகள் மற்றும் பொறுப்புகளின் அடிப்படையில் வயதுக்கு வருகிறார்கள்.

இஸ்ரேல் நிலம், யூத மக்களின் வரலாறு, வாழ்க்கை, நம்பிக்கைகள் மற்றும் அபிலாஷைகளுக்கு மையமானது. ஜெருசலேம் யூத மதத்தின் புனிதமான நகரமாகும்!

பைபிளில் வாக்குறுதியளிக்கப்பட்ட தேசத்தில், யூதர்களின் பழக்கவழக்கமும் பாரம்பர்யமும், யூத மக்களின் அடையாளமும் மிக முழுமையாக உணரப்படலாம். யூதர்கள் இஸ்ரேல் தேசத்தில் ஏறக்குறைய 4,000 ஆண்டுகளாக வாழ்ந்து வருவதாகச் சொல்கிறார்கள்.

ஜெருசலேம்
ஜெருசலேம்

அதன் 4,000 ஆண்டுக்கால வரலாற்றில் ஜெருசலேம் பல முறை அழிக்கப்பட்டும் மறு முறை மறுபிறவி எடுத்துள்ளது. யூத மக்கள் ஒட்டுமொத்தமாகத் திரும்பி வந்து அதை மீண்டும் கட்டியெழுப்ப வேண்டும் என்று எப்போதும் கனவு கண்டார்கள்! இஸ்ரேல் தேசத்திலும் ஜெருசலேமிலும் எப்போதுமே ஒரு யூத பிரசன்னம் உள்ளது!

இன்று ஜெருசலம் மில்லியன் கணக்கான யூதர்களின் புண்ணிய பூமியாக மாத்திரமன்றி ஏனைய மற்ற மதத்தினரும் வணங்கும், தரிசிக்கும் ஒரு இடமாகவும், உலகின் மிக முக்கியமான புண்ணிய பூமிகளுள் ஒன்றாகவும் கொண்டாடப்படுகின்றது!

- றின்னோஸா

விகடனில் உங்களுக்கென ஒரு பக்கம்...

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/

My Vikatan
My Vikatan

ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், வீடியோ, கட்டுரை, கதை, கவிதை என என்ன வேண்டுமானாலும் எழுதலாம். மீம்ஸ், ஓவியம் என எல்லாத் திறமைகளையும் வெளிப்படுத்தலாம்.

உங்கள் படைப்புகளைச் சமர்ப்பிக்க இங்கே க்ளிக் செய்க https://www.vikatan.com/special/myvikatan/