Published:Updated:

உலகம் சுற்றும் உழவு!

உலகம் சுற்றும் உழவு!
பிரீமியம் ஸ்டோரி
உலகம் சுற்றும் உழவு!

உலக உழவு

உலகம் சுற்றும் உழவு!

உலக உழவு

Published:Updated:
உலகம் சுற்றும் உழவு!
பிரீமியம் ஸ்டோரி
உலகம் சுற்றும் உழவு!
உலகம் சுற்றும் உழவு!

பெண்களுக்குக் கைக்கொடுக்கும் ‘குடும்ப ஸ்ரீ’ திட்டம்!

கே
ரள மாநிலத்தில், பெண்கள் பயன்பெறும் வகையில் ‘குடும்ப ஸ்ரீ’ என்ற திட்டம் அறிமுகப்படுத்தப்பட்டுள்ளது. இத்திட்டத்தின்மூலம், சில கூட்டுப் பொறுப்புக் குழுக்கள் (Joint Liability Group) அமைக்கப்பட்டு... நெல், வாழை, கிழங்கு போன்றவை உற்பத்தி செய்யப்படுகின்றன. இதுவரை 7,284 கூட்டுப் பொறுப்புக் குழுக்கள் பதிவு செய்யப்பட்டுள்ளன. அவற்றில், 4,322 குழுக்கள் விவசாயத்தில் ஈடுபட்டுள்ளன.

உலகம் சுற்றும் உழவு!

ஒட்டுமொத்த விகடனுக்கும் ஒரே ஷார்ட்கட்!

இக்குழுக்கள் மூலம்... 417 ஏக்கர் பரப்பில் நெல், 1,114 ஏக்கர் பரப்பில் வாழை, 814 ஏக்கர் பரப்பில் கிழங்குகள், 566 ஏக்கர் பரப்பில் காய்கறிகள், 182 ஏக்கர் பரப்பில் மற்ற பயிர்கள் என விவசாயம் மேற்கொள்ளப்பட்டு வருகிறது. 655 குழுக்களைச் சேர்ந்த 3,275 பெண்கள் 400 ஏக்கர் பரப்பில் இயற்கை விவசாயம் மூலம் காய்கறிகள் மற்றும் பழங்கள் ஆகியவற்றை உற்பத்தி செய்கின்றனர். இத்திட்டத்துக்காக அரசு சார்பில் 19 நாற்றுப்பண்ணைகள் அமைக்கப்பட்டுள்ளன. பள்ளி மாணவர்களுக்கும் இத்திட்டத்தின் மூலம் விவசாயம் சொல்லிக் கொடுக்கப்படுகிறது.

உலகம் சுற்றும் உழவு!

பாதிக்கப்படும் பருத்தி விவசாயிகள்!

தெ
லங்கானா மாநிலத்தின் சித்திபேட்டை பகுதியில் கடந்த சில ஆண்டுகளாகவே விவசாயிகள் தற்கொலை செய்துகொள்ளும் சம்பவங்கள் தொடர்ந்து வருகின்றன. பெரும்பாலானோர் பருத்திச் சாகுபடியில் ஏற்பட்ட நஷ்டத்தால்தான் தற்கொலை செய்து உயிரை மாய்த்துக் கொண்டுள்ளனர்.

இந்தத் தற்கொலை மரணங்கள் குறித்து... ‘ரைத்து ஸ்வராஜ்ய வேதிகா’ (Rythu Swarajya Vedika) எனும் விவசாயிகள் அமைப்பு மற்றும் ‘டாடா இன்ஸ்ட்டியூட் ஆப் சோசியல் சயின்ஸ்’ (Tata Institute of Social Science) ஆகியவை இணைந்து, ஓர் ஆய்வு செய்து அறிக்கை வெளியிட்டுள்ளன. 

உலகம் சுற்றும் உழவு!

அதில், ‘2014-ஆம் ஆண்டு முதல் தற்கொலை செய்துகொண்ட விவசாயிகளில் 81.4% பேர் பருத்தி விவசாயிகள். 700 வழக்குகளை விசாரித்ததில் இறந்தவர்களில் 93% பேர் சிறு, குறு விவசாயிகள்’ என்று குறிப்பிடப்பட்டுள்ளது. பல விதை நிறுவனங்கள் கொடுத்த பொய்யான வாக்குறுதிகளை நம்பி பருத்தி விதைத்த விவசாயிகள்தான் எதிர்பார்த்த அளவு மகசூல் கிடைக்காமல் இறந்து போயுள்ளனர் என்று தெரிய வந்துள்ளது. மேலும் போதுமான அளவு மழை கிடைக்காமலும் உற்பத்தி குறைந்துள்ளது.

உலகம் சுற்றும் உழவு!

பிலிப்பைன்ஸில் முதலீடு செய்யும் அரபு நாடுகள்!

த்திய கிழக்கு நாடுகளான சவூதி அரேபியா மற்றும் ஐக்கிய அரபு நாடுகள் ஆகியவை, பிலிப்பைன்ஸ் நாட்டின் விவசாயம் மற்றும் உணவு பாதுகாப்புத் துறையில் முதலீடு செய்யவுள்ளன. இதற்கான வர்த்தக ஒப்பந்தம் தயாராக உள்ளது. ஐக்கிய அரபு நாடுகளின்  உணவுப் பாதுகாப்புத் துறை அமைச்சர் மரியம், பிலிப்பைன்ஸ் நாட்டுக்குச் சென்று பார்வையிட்டு வந்திருக்கிறார்.

உலகம் சுற்றும் உழவு!



பிலிப்பைன்ஸ் நாட்டின் தூதர் அட்னான் அலான்டோ, சவூதி நாட்டின் தொழில்நுட்பங்கள்மூலம் விவசாயத் துறையை மேம்படுத்துவது குறித்த திட்டங்களை வகுத்துள்ளார். இந்த நாடுகளுக்கிடையே 1980-ஆம் ஆண்டிலிருந்தே பல வர்த்தக ஒப்பந்தங்கள் இருந்து வருகின்றன. தற்போது செய்யப்படவுள்ள ஒப்பந்தம்மூலம் பிலிப்பைன்ஸ் நாட்டில் விவசாயத்தில் குறிப்பிடத்தக்க அளவில் முன்னேற்றம் இருக்கும் என எதிர்பார்க்கப்படுகிறது.

உலகம் சுற்றும் உழவு!

பாசன வசதிக்கு உதவும் வால்மார்ட்!

ந்திர மாநிலத்தில், ‘சர்வதேச வளர்ச்சி நிறுவன’ (IDEI) பாசன வசதித் திட்டம்மூலம் 10,000 சிறு விவசாயிகள் பயன்பெற உள்ளனர். இத்திட்டத்துக்காக வால்மார்ட் நிறுவனம், 7,50,000 டாலர் நிதி வழங்கியுள்ளது.

கடந்த ஆண்டு ஆந்திர மாநில விவசாயிகளின் நலனுக்காக 2,50,00,000 டாலர் நிதியுதவியை வழங்கியுள்ளது, வால்மார்ட். இதன்மூலம் ஆந்திர மாநிலத்தில் ஆண்டுக்கு 74,00,000 டாலர் அளவு உற்பத்தி உயரும் என எதிர்பார்க்கப்படுகிறது. இத்திட்டத்தின்மூலம் பயனடையும் சிறு விவசாயிகளுக்குத் தலா 400 டாலர் லாபம் கிடைக்கும் என எதிர்பார்க்கப்படுகிறது.

நந்தினி. பா   

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism