Published:Updated:

சரல் பென்ஷன் யோஜனா.. இனி அனைவருக்கும் பென்ஷன் கிடைக்கும்! தனியார் வேலை, சுயதொழில் புரிவோர் கவனிக்க!

பென்ஷன்
பிரீமியம் ஸ்டோரி
News
பென்ஷன்

PENSION

நம்முடைய நாட்டில் பென்ஷன் என்றால், வேலைக்குச் செல்பவர் களுக்கு மட்டும்தான் கிடைக்கும் என்ற நிலை இருக்கிறது. அதுவும் பெரும்பாலான தனியார் நிறுவனங்களில் வேலை செய்பவர் களுக்கு பென்ஷன் கிடைக்காத சூழ்நிலையே நிலவுகிறது. அதனால் தான் நம்மில் பெரும்பாலானோருக்கு அரசு வேலையின்மீது ஈர்ப்பு இருக்கிறது. வேலைக்குச் செல்லாமல் சுயதொழில் புரியும் நபர்களுக்கும் மற்றும் அனைத்துத் தரப்பு மக்களுக்கும் பென்ஷன் கிடைக்க வேண்டும் என்ற நோக்கில் சரல் பென்ஷன் யோஜனா திட்டம் அறிமுகப்படுத்தப்பட்டுள்ளது.

ஷியாம் ராம்பாபு
ஷியாம் ராம்பாபு

இந்திய மக்கள் அனைவருக்கும் பயன்படும் எளிமையான திட்டத்தை அனைத்து வங்கிகளும், காப்பீட்டு நிறுவனங்களும் வழங்க வேண்டும் என்ற நோக்கில் இதை ஐ.ஆர்.டி.ஏ.ஐ (IRDAI) அறிமுகம் செய்துள்ளது.

இந்தத் திட்டம் ஏப்ரல் 1 முதல் அறிமுகமாக இருக்கிறது. பாரத ஸ்டேட் வங்கி போன்ற பிரபல வங்கி களும், பல காப்பீட்டு நிறுவனங்களும் இந்தத் திட்டத்தை வழங்க இருக்கின்றன.

இந்தத் திட்டத்தில் குறைந்தபட்ச திட்டத் தொகையாக மாதம் ரூ.1,000 பிரீமியம் செலுத்த வேண்டும். இந்த தொகையை மாதாந்தரத் தவணை களிலோ, மூன்று மாதங்களுக்கு ஒரு முறையோ, ஆறு மாதங்களுக்கு ஒரு முறையோ, வருடத்துக்கு ஒருமுறையோ செலுத்தலாம். ஒருமுறை மட்டும் பிரீமியம் செலுத்தும் திட்டமும் இதில் உண்டு. அதிகபட்சமாக எவ்வளவு தொகை வேண்டுமானாலும் இந்தத் திட்டத்தில் ஒருவர் செலுத்தலாம். எவ்வளவு அதிகமாக பிரீமியம் செலுத்துகிறோமோ, அந்த அளவுக்கு அதிகமாக ஓய்வுக் காலத்துக்குப் பிறகு பென்ஷன் பணம் ஒருவருக்குக் கிடைக்கும்.

பென்ஷன்
பென்ஷன்

இந்தத் திட்டத்தில் 40 - 80 வயது உடையவர்கள் அனைவரும் சேரலாம். இந்தத் திட்டம் இரண்டு வகைகளில் கிடைக்கிறது. முதல் திட்டத்தில் பென்ஷன் தொகை ஒருவரின் ஓய்வுக்காலத்துக்குப் பிறகு வழங்கப்படும். அவருடைய இறப்புக்குப் பிறகு மொத்தத் தொகை நாமினிக்கு வழங்கப்படும். இது ‘Single life Annuity’ வகை திட்டமாகும்.

இதன் மற்றொரு திட்டத்தில் ஒருவரின் ஓய்வுக்காலத்துக்குப் பிறகு, அவருக்கு பென்ஷன் வழங்கப்படும். அவருடைய இறப்புக்குப் பிறகு அவரின் நாமினிக்கு பென்ஷன் தொகை வழங்கப்படும். நாமினியும இறந்துவிட்டால், மொத்தத் தொகை அவருடைய சட்டபூர்வ வாரிசுக்கு வழங்கப்படும். இது ‘joint life Annuity’ வகை திட்டமாகும். இந்தத் திட்டத்தில் ஒருவர் சேர்ந்த ஆறு மாத காலத்தில் தமது திட்டத்தை சரண்டர் செய்து பென்ஷன் தொகையைப் பெற முடியும். உதாரணமாக, ஒருவர் ஒருமுறை ரூ.10 லட்சம் பிரீமியமாகச் செலுத்திவிட்டால் மாதம் ரூ.5,000 வரை பென்ஷன் தொகை வழங்கப் படும். Single Life Annuity திட்டத்தில் பாலிசிதாரரின் இறப்புக்குப் பிறகு ரூ.10 லட்சம் நாமினிக்கு தரப்படும். Joint Life Annuity திட்டத்தில் பாலிசிதாரரின் இறப்புக்குப் பிறகு ரூ.5,000 பென்ஷன் அவரது நாமினிக்கு வழங்கப்படும். நாமினியின் இறப்புக்குப் பிறகு, ரூ.10 லட்சம் அவர்களின் சட்டபூர்வ வாரிசு தாரரிடம் தரப்படும்.

இந்தத் திட்டத்தில் முதலீடு செய்யப்பட்ட முதலீட்டுத் தொகைக்கு பென்ஷன் பெறும் காலம் வரை முழுவதும் வருமான வரி விலக்கு அளிக்கப்படும். இவ்வாறு பாதுகாப்பு, வளர்ச்சி, வருமான வரிவிலக்கு என்ற மூன்று வழிகளில் பலன் அளிக்கும் திட்டம் ஆகும்.

ஓய்வுக்காலத்துக்குப் பிறகு, ஒருவருக்குக் கிடைக்கும் பென்ஷன் தொகைக்கேற்ப தனிநபரின் வருமான வரி படிநிலைகளில், வருமான வரிக் கணக்கீடு செய்யப்படும். ஒருவர் ஓய்வுபெற்ற பிறகு, வேறு வருமானங்கள் இல்லையென்றால், எந்த வரியும் செலுத்தாமல் முழு தொகையும் பென்ஷனாகக் கிடைக்கும்.

ஓய்வுக்காலத்தில் நிம்மதியான வாழ்க்கை வாழ்வதற்கு நிச்சய வருமானம் மிகுந்த பலன் அளிக்கும். அந்த நிச்சய வருமானத்தை பென்ஷன் மூலமாக நாம் எளிதாகப் பெற முடியும். அந்தப் பென்ஷனை பெறுவதற்கு ஐ.ஆர்.டி.ஏ.ஐ அறிமுகப் படுத்தியுள்ள சரல் யோஜனா திட்டம் ஒரு சிறந்த திட்டமாகும். தேவை இருப்பவர்கள் இந்தத் திட்டத்தில் சேர்ந்து பயன் பெறலாம்.