Published:Updated:

ஹோம்லோன் இன்ஷூரன்ஸ், ஹோம் இன்ஷூரன்ஸ்... என்ன வித்தியாசம்..?

கேள்வி - பதில்
பிரீமியம் ஸ்டோரி
கேள்வி - பதில்

கேள்வி - பதில்

ஹோம்லோன் இன்ஷூரன்ஸ், ஹோம் இன்ஷூரன்ஸ்... என்ன வித்தியாசம்..?

கேள்வி - பதில்

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

மணிமுத்து, கோயம்புத்தூர்.

பார்மா பங்குகளின் எதிர்காலம் எப்படி இருக்கும், கொரோனா பாதிப்பு குறைந்திருப்பதால், சிப்லா, லூபின், டாக்டர் ரெட்டீஸ், கிளாண்ட் பார்மா, அஜெந்தா பார்மா பங்குகளில் கிடைத்த லாபம் போதும் என வெளியேறிவிடலாமா?

ரெஜி தாமஸ், பங்குச் சந்தை நிபுணர்.

“கொரோனா அச்சுறுத்தல் குறைந்துள்ளது. ஆனால், அச்சுறுத்தல் நீங்கிவிட்டதாகக் கூற முடியவில்லை. தொற்றுநோயின் தாக்கம் இன்றும் தொடர்கிறது. பார்மா பங்குகள் தற்காப்புத்துறை என்ற முந்தைய நிலைக்குத் திரும்புகின்றன. எனவே, இப்போது இருக்கும் லாபத்தை வெளியே எடுப்பது புத்திசாலித்தனமாக இருக்கும்.”

ஹோம்லோன் இன்ஷூரன்ஸ், ஹோம் இன்ஷூரன்ஸ்... என்ன வித்தியாசம்..?

விஜய், சென்னை - 44

நான் வீட்டுக் கடன் மூலம் வீடு வாங்கப்போகிறேன். ஹோம் லோன் இன்ஷூரன்ஸ், ஹோம் இன்ஷூரன்ஸ் எடுத்துக்கொள்ளும்படி சொல்கிறார்கள். இந்த இரண்டுக்கும் என்ன வித்தியாசம்?

வி.தியாகராஜன், ஆடிட்டர், www.bizlane.in

“ஹோம் லோன் இன்ஷூரன்ஸ் அல்லது கிரெடிட் ஷீல்ட் இன்ஷூரன்ஸ் (Credit Shield Insurance) என்று சொல்லப்படுவது, வீட்டுக் கடன் மீது எடுக்கப்படுவதாகும். ஏதாவது, சில காரணங்களால் கடன் வாங்கிய நபர் இறந்துவிட்டாலோ, அவருக்கு உடலில் நிரந்தரமான பாதிப்பு ஏற்பட்டு வருமானம் பாதிப்பு அடைந்தாலோ, அப்போது இந்த இன்ஷூரன்ஸ் பாலிசியிலிருந்து பணத்தை க்ளெய்ம் செய்து வீட்டுக் கடனை முடித்துக்கொள்வார்கள்.

ஹோம் இன்ஷூரன்ஸ் என்பது வீட்டின் மீது எடுக்கப்படும் இன்ஷூரன்ஸ் ஆகும். தீ, வெள்ளம் போன்ற இயற்கை இடர்ப்பாடுகளால் கடன் கொடுக்கப்பட்ட வீடு முழுமையாக பாதிப்படைந்தால், அப்போது இந்த பாலிசியில் பணத்தை க்ளெய்ம் செய்து, வீட்டுக் கடனை முடித்துக்கொள்வார்கள்.

இந்த இரண்டு பாலிசிகளும் வேறுவேறு என்பதால், இந்த இரண்டையும் எடுத்துக்கொள்வது நல்லது. இந்த இரண்டில் எதை எடுக்க வேண்டும் என்பதை ஒரு நிதி ஆலோசகருடன் கலந்தாலோசித்து முடிவு எடுக்கவும்.”

ஆனந்தகுமார், கோயம்புத்தூர்.

எனக்கு வயது 30. நீரிழிவு நோய் இரண்டு வருடமாக உள்ளது. முன்னணி ஆயுள் காப்பீட்டு நிறுவனத்தில் டேர்ம் பிளான் எடுத்தேன். நீரிழிவு இருக்கிறது என்று தெரியப்படுத்தினேன். அவர்கள் எடுத்த மருத்துவப் பரிசோதனையில் HbA1c 7.7 இருந்தது. உங்களுக்கு பாலிசி வழங்கும் தகுதி இல்லை என்று நிராகரித்துவிட்டார்கள். மருத்துவக் காப்பீடு எடுக்க ஒரு இன்ஷூரன்ஸ் நிறுவனத்தை அணுகி னேன். நீரிழிவு நோய் இருக்கவே உங்களுக்கு ஹெல்த் இன்ஷூரன்ஸ் வழங்க முடியாது என்று மறுத்து விட்டார்கள்.
எனக்கு ஹெல்த் இன்ஷூரன்ஸ், டேர்ம் இன்ஷூரன்ஸ் எடுக்க வேண்டும். இவற்றை எப்படி எடுப்பது, யாரை அணுகலாம், கூடுதல் பிரீமியம், இரண்டு ஆண்டுகளுக்கு க்ளெய்ம் கிடையாது போன்ற நிபந்தனைகள் இருந்தாலும் சரியே.

வெங்கடேசன் பிரம்மநாயகம், மருத்துவக் காப்பீட்டு ஆலோசகர்.

“நீரிழிவு நோயின் தன்மையைப் பொறுத்து பொதுவாக வகை 1 (TYPE-1) பிரிவினர் இன்சுலின் (Insulin) செலுத்திக் கொள்வார்கள், வகை 2 பிரிவைச் சேர்ந்தவர்கள் மாத்திரை எடுத்துக்கொள் வார்கள். ஆயுள் காப்பீட்டைப் பொறுத்தவரை, நீங்கள் குறிப் பிட்டபடி நீரிழிவு பாதிப்பு விகிதம் HbA1c 7.7 என இருந்தால் குறிப்பாக, குறைந்த பிரீமியத்தில் அதிக இழப்பீடு வழங்க வேண்டியிருப்பதால், டேர்ம் இன்ஷூரன்ஸ் தருவது கடினமே.

மருத்துவக் காப்பீட்டைப் பொறுத்தவரை, வகை 1 மற்றும் வகை 2 நீரிழிவு பாதிப்புக்கு காப்பீடு பெறலாம். நாம் கேட்கும் தொகை அல்லது குறைந்த தொகை காப்பீடு பாலிசி வழங்கலாம். கூடுதல் பிரீமியம் வசூலிக்கலாம், குறிப்பிட்ட காலம் வரை (ஒன்று, இரண்டு, மூன்று, நான்கு ஆண்டு வரை) நீரிழிவு சம்பந்தப்பட்ட எந்தச் சிகிச்சைக்கும் க்ளெய்ம் கிடையாது என்றும், மொத்த காப்பீட்டு தொகையிலிருந்து ஒரு பகுதியை மட்டுமே நீரிழிவு பாதிப்புக்காகப் பயன்படுத்தலாம் என்றும் நிபந்தனை விதிக்கலாம்.”

ஹோம்லோன் இன்ஷூரன்ஸ், ஹோம் இன்ஷூரன்ஸ்... என்ன வித்தியாசம்..?

ராம், இ-மெயில் மூலம்.

என் வயது 47. ஐ.டி துறையில் வேலைபார்த்து வருகிறேன். நான் பின்வரும் ஃபண்ட் திட்டங்களில் முதலீடு செய்து வருகிறேன். அந்தத் திட்டங்கள் இதோ... ஆதித்யா பிர்லா சன் லைஃப் டாக்ஸ் ரிலீஃப் 96 ஃபண்ட் (ரூ.2,500), ஐ.சி.ஐ.சி.ஐ புரூடென்ஷியல் புளூசிப் ஃபண்ட் (ரூ.5,000), ஐ.சி.ஐ.சி.ஐ புரூடென்ஷியல் மல்ட்டிகேப் ஃபண்ட் (ரூ.2,500), ஐ.சி.ஐ.சி.ஐ புரூடென்ஷியல் நாஸ்டாக் 100 இண்டெக்ஸ் ஃபண்ட் (ரூ.2,500), கோட்டக் ஸ்மால்கேப் ஃபண்ட் (ரூ.2,500), மிரே அஸெட் லார்ஜ்கேப் ஃபண்ட் (ரூ.5,000), மிரே அஸெட் மிட்கேப் ஃபண்ட் (ரூ.5,000) ஆகியவற்றில் மாதம்தோறும் மொத்தம் ரூ.25,000 முதலீடு செய்கிறேன். இந்த ஃபண்டுகளில் தொடர்ந்து முதலீடு செய்யலாமா அல்லது நான் ஃபண்டு களை மறுசீரமைக்க வேண்டுமா..?

சுரேஷ் பார்த்தசாரதி, நிதி ஆலோசகர், Myassetsconsolidation.com

“ஆதித்ய பிர்லா டாக்ஸ் ரிலீஃப் ஃபண்டின் செயல்பாடு சில வருடங்களாகவே திருப்திகரமாக இல்லை. இந்த ஃபண்டின் போர்ட்ஃபோலியோவில் மிட் மற்றும் ஸ்மால் கேப் பங்குகள் முதலீடு 48% உள்ளது. இருப்பினும் ரிஸ்க்- ரிட்டர்ன் திருப்திகரமாக இல்லை. ஆகையால், இதை விற்றுவிடவும்.

ஐ.சி.ஐ.சி.ஐ புரூடென்ஷியல் மல்ட்டிகேப் ஃபண்ட் ஃபண்டின் செயல்பாடு உற்சாகமாக இல்லை. 58% மிட், ஸ்மால்கேப் பங்குகளில் முதலீடு செய்கிறார்கள், இருப்பினும் இந்த ஃபண்ட் எடுக்கும் ரிஸ்க்குக்கு அதன் வருமானம் ஈடு கொடுக்கவில்லை. ஆகையால், இந்த ஃபண்டையும் விற்றுவிடவும்.

ஐ.சி.ஐ.சி.ஐ புரூடென்ஷியல் நாஸ்டாக் 100 இண்டெக்ஸ் ஃபண்ட் பல வருடங்களாக நல்ல ஒரு வருமானத்தை ஈட்டித் தந்துள்ளது. கடந்த 6 - 9 மாதங்களாக இதன் செயல் பாட்டில் தொய்வு ஏற்பட்டுள்ளது. இருப்பினும் அது முதலீடு செய்யும் பங்குகள் நன்றாக இருப்பதால், நீண்ட காலத்துக்கு முதலீடு செய்யும்பட்சத்தில் இதைத் தொடரவும்.

கோட்டக் ஸ்மால்கேப் ஃபண்ட் நன்றாக வருமானம் ஈட்ட செய்கிறது. அதில், தொடர்ந்து முதலீடு செய்து வரவும். மிரே லார்ஜ்கேப் ஃபண்ட் கடந்த ஓராண்டாக சரியாகச் செயல்படவில்லை. இருப்பினும் நீண்ட கால அடிப்படையில் அதன் செயல்பாடுகள் நன்றாக இருப்பதால், தொடர்ந்து முதலீடு செய்து வரவும்.

மிரே மிட்கேப் இன்னும் மூன்று ஆண்டுகள் பூர்த்தி செய்யவில்லை. இன்னும் ஓராண்டுக் காலம் தொடர்ந்து கண்காணித்து வரும் நிலையில் அதன் செயல்பாடு திருப்தி இல்லை, என்றால் வெளியேறிவிடலாம்.

ஐ.சி.ஐ.சி.ஐ புளூசிப் தொய்வான செயல்பாட்டில் இருந்தது; அந்தக் குறையை நிவர்த்தி செய்தவடன் கடந்த ஓராண்டில் அதன் செயல்பாட்டில் நல்ல முன்னேற்றம் தெரிகிறது. ஆகையால், இப்போது தொடர்ந்து முதலீடு செய்து வரவும் அதன் வருமானம் லார்ஜ்கேப் இண்டெக்ஸை விட 2% குறைவாக இருந்தால் இண்டெக்ஸ் ஃபண்டுக்கு முதலீட்டை மாற்றிவிடவும்.”