Published:Updated:

என்.பி.எஸ் முதலீடு... ஆப்ஷனில் சலுகை... முதலீட்டாளர்களுக்கு என்ன நன்மை?

கேள்வி - பதில்
பிரீமியம் ஸ்டோரி
கேள்வி - பதில்

கேள்வி - பதில்

என்.பி.எஸ் முதலீடு... ஆப்ஷனில் சலுகை... முதலீட்டாளர்களுக்கு என்ன நன்மை?

கேள்வி - பதில்

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

அருள் முருகன், வல்லக்கோட்டை.

அண்மையில் என்.பி.எஸ் முதலீட்டில் முதலீட்டை மாற்றுவதற்கான ஆப்ஷனில் தரப்பட்டிருக்கும் சலுகையால் முதலீட்டாளர்களுக்கு என்ன பலன் கிடைக்கும்?

எஸ்.சரவணன், சர்டிஃபைட் டிரஸ்ட் & எஸ்டேட் பிளானர், Purplepond.in

“நேஷனல் பென்ஷன் சிஸ்டம் (National Pension System - NPS) திட்டத்தில் முதலீடு செய்யும்போது முதலீட்டாளர்களுக்கு ஆட்டோ சாய்ஸ், ஆக்டிவ் சாய்ஸ் என இரு முறைகள் தரப்படும். ஆட்டோ சாய்ஸ் என்பது முதலீட்டாளர்களின் வயதுக்கு ஏற்றாற்போல் பங்குச் சந்தையில் முதலீடு செய்யப்படும் விகிதம் மாறும். எல்.சி 25 (Life cycle 25) எனில் 25% பங்குச் சந்தையில் முதலீடு செய்யப்படும். எல்.சி 50 (Life cycle 50) எனில், 50% பங்குச் சந்தையில் முதலீடு செய்யப்படும். எல்.சி 75 (Life cycle 75) 75% பங்குச் சந்தையில் முதலீடு செய்யப்படும். ஆக்டிவ் சாய்ஸ் என்பது எங்கு முதலீடு செய்வது என்பதை முதலீட்டாளரே முடிவு செய்ய முடியும். இந்த முறையில் தங்கள் முதலீட்டை வருடத்துக்கு இரு முறை மாற்றி அமைத்துக்கொள்ளலாம். முதலீட்டாளர் களுக்கு சாதகமாக இருக்க பென்ஷன் அமைப்பு (PFRDA) அண்மையில் ஒரு புதிய அறிவிப்பு வெளியிட்டுள்ளது.

இந்த அறிவிப்பின்படி, முதலீட்டாளர்கள் தங்கள் முதலீட்டை ஒரு வருடத்துக்கு நான்கு முறை மாற்றி அமைத்துக்கொள்ள முடியும். சந்தையின் ஏற்ற இறக்கங்களுக்கு ஏற்றாற்போல் தங்கள் முதலீட்டை மாற்றியமைத்துக் கொள்ளும் வசதி முதலீட்டாளர்களுக்கு நன்மை உண்டாக்கக்கூடியதாக அமையும். இ.சி.ஜி (ECG - Equity, Corporate bond, Government bond) விகிதத்தைத் தங்கள் விருப்பத்துக்கு ஏற்றாற்போல் மாற்றியமைத்து முதலீட்டின் வருவாயை அதிகரிக்க வாய்ப்பை ஏற்படுத்திக் கொள்ளலாம்.”

என்.பி.எஸ் முதலீடு... ஆப்ஷனில் சலுகை... முதலீட்டாளர்களுக்கு என்ன நன்மை?

ஜீவானந்தம், சென்னை.

என் இரு மகன்களின் உயர்கல்வி செலவுகளுக்காக மியூச்சுவல் ஃபண்ட் திட்டங்களில் எஸ்.ஐ.பி முறை யில் முதலீட்டை ஆரம்பிப்பது எப்படி?

எஸ்.ரவிசங்கர், மியூச்சுவல் ஃபண்ட் விநியோகஸ்தர், அரியலூர்.

“நீண்ட கால முதலீடு (10 ஆண்டுகளுக்குமேல்) என்று வைத்துக்கொண்டால், மிட்கேப் மற்றும் ஸ்மால்கேப் ஃபண்டுகளில் எஸ்.ஐ.பி மூலம் மாதம்தோறும் முதலீடு செய்யலாம். இந்த ஃபண்டுகள், பங்குச் சந்தையில், அதிக ஏற்ற இறக்கம் இருந்தாலும், டைவர்சிஃபைடு ஃபண்டு களைவிட, நல்ல லாபம் தரக்கூடியவை. உதாரண மாக, ஒருவர் இந்த பண்டுகளில், மாதம்தோறும் எஸ்.ஐ.பி மூலம் ரூ.10,000 முதலீடு செய்துவந்தால், 10 ஆண்டுகளுக்குப் பிறகு, அவர் செலுத்திய மொத்தத் தொகை (ரூ.12 லட்சம்), தோராயமாக 15 - 18% வளர்ச்சி அடைந்து, ரூ.27 லட்சம் முதல் ரூ.33 லட்சமாகப் பெருகி இருக்கும். டைவர்சிஃபைடு ஈக்விட்டி ஃபண்டுகள், ஆண்டுக்கு தோராயமாக 12% வளர்ச்சி அடைய வாய்ப்பு உண்டு. ஆகையால், நீண்ட கால அடிப்படையில் கொஞ்சம் ரிஸ்க் எடுத்து முதலீடு செய்ய நினைப்பவர்கள், இந்த ஃபண்டுகளில் முதலீடு செய்து, உங்கள் பிள்ளை களின் எதிர்கால உயர்கல்வித் தேவையைப் பூர்த்தி செய்துகொள்ளலாம்.”

தி.ராஜசேகர்,கெருகம்பாக்கம், சென்னை -128

அண்மையில், ஒரு புது ஃபிளாட்டை பில்டரிடம் வாங்கி, குடியேறி எட்டு மாதங்கள் ஆகின்றன. என் ஃபிளாட்டுக்கு மேலே உள்ள ஃபிளாட்டின் குளியலறையில் இருந்து வெளியேறும் தண்ணீர், கீழே உள்ள எனது படுக்கை அறைச் சுவரில் படிகிறது. இதை சரிசெய்ய நான் பில்டரை அணுக வேண்டுமா அல்லது மேலே உள்ள அடுக்குமாடி குடியிருப்பின் உரிமை யாளரை அணுக வேண்டுமா?

டி.ஜீவா, வழக்கறிஞர் & நோட்டரி பப்ளிக், சென்னை.

“அடுக்குமாடிக் குடியிருப் பின் அக்ரிமென்டில் சுவாதீனம் கொடுத்தபின் ஏற்படும் கட்டுமானக் குறைபாடுகளுக்கு பில்டரையே அணுக வேண்டும். பில்டர் சரிசெய்யத் தவறும் பட்சத்தில் நுகர்வோர் குறை தீர்க்கும் ஆணையத்தை அணுகலாம்.”

என்.பி.எஸ் முதலீடு... ஆப்ஷனில் சலுகை... முதலீட்டாளர்களுக்கு என்ன நன்மை?

அருண் குமார், கன்னியாகுமரி.

எனக்கு 32 வயது. என்னிடம் ரூ.32 லட்சம் இருக்கிறது. இதிலிருந்து என் 45 வயதில் மாதம்தோறும் குறிப்பிட்டத் தொகை வருமானமாகக் கிடைக்க வேண்டும். அதற்கு நான் முதலீடு செய்ய வேண்டிய ஃபண்டுகளையும் பரிந்துரை செய்யவும்.

த.முத்துகிருஷ்ணன், சர்டிஃபைடு ஃபைனான்ஷியல் பிளானர்.

“உங்களிடம் இருக்கும் ரூ.32 லட்சத்தை கீழ்க்காணும் மூன்று ஈக்விட்டி ஹைபிரிட் ஃபண்டு களில் முதலீடு செய்து வரவும். கோட்டக் ஈக்விட்டி ஹைபிரிட் ஃபண்ட், ஐ.சி.ஐ.சி.ஐ புரூடென்ஷியல் ஈக்விட்டி & டெட் ஃபண்ட், எஸ்.பி.ஐ ஈக்விட்டி ஹைபிரிட் ஃபண்ட் ஆகிய ஃபண்டுகளில் முதலீடு செய்யவும்.

நீண்ட காலத்தில் இந்த ஃபண்டுகள் மூலம் ஆண்டுக்கு சராசரியாக 12% வருமானம் எதிர்பார்க்கலாம். உங்களின் 45-வது வயதிலிருந்து எஸ்.டபிள்யூ.பி (Systematic Withdrawal Plan) மூலம் ஆண்டுக்கு சுமார் 8% தொகையை எடுத்துச் செலவு செய்யலாம்.”

கணேஷ்குமார், பாளையங்கோட்டை.

‘மியூச்சுவல் ஃபண்ட் முதலீடுகள் சந்தை அபாயங்களுக்கு உட்பட்டது. முதலீடு செய்வதற்கு முன் திட்டம் சம்பந்தப்பட்ட ஆவணங்களைக் கவன மாகப் படிக்கவும்’ என்று சொல்கிறார் களே, திட்டம் சம்பந்தப்பட்ட ஆவணங் களை பற்றிக் கொஞ்சம் சொல்லுங்களேன்.

என்.பி.எஸ் முதலீடு... ஆப்ஷனில் சலுகை... முதலீட்டாளர்களுக்கு என்ன நன்மை?

என்.ஜெயகுமார், சி.எஃப்.ஏ, மியூச்சுவல் ஃபண்ட் விநியோகஸ்தர், சேலம்.

‘‘ஒரு குறிப்பிட்ட மியூச்சுவல் ஃபண்ட் திட்டத்தைப் பற்றி தெரிந்துகொள்ள பொதுவாக இரண்டு வகையான ஆவணங்கள் உள்ளன. அவை, எஸ்.ஐ.டி (Scheme Information Document - SID) மற்றும் எஸ்.ஏ.ஐ (Statement of Additional Information - SAI) ஆகும்.

இந்த இரண்டு ஆவணங்களையும் நீங்கள் சம்பந்தப்பட்ட மியூச்சுவல் ஃபண்ட் நிறுவனத்தின் website-ல் இருந்து பதிவிறக்கம் செய்து கொள்ளலாம். எஸ்.ஐ.டியில் திட்டம் சம்பந்தப்பட்ட ரிஸ்க் காரணிகள் (Risk Factors), குறைந்த பட்ச முதலீட்டாளர்கள் எண்ணிக்கை, திட்டத்தின் பெயர், முதலீடு தொடர்பான நோக்கங்கள் மற்றும் கொள்கைகள், எந்த மாதிரி யான நிறுவனங்களில் முதலீடு செய்யப் போகிறார்கள், திட்ட மேலாளர் (Fund Manager), வருமான அளவுகோல் (பெஞ்ச் மார்க்), கட்டணம் மற்றும் செலவுகள் (Fees and Expenses), மற்றும் பல தகவல்களை இதில் பெறலாம்.

எஸ்.ஐ.டி என்பது ஒவ்வொரு திட்டத்துக்கும் மாறுபடும். திட்டத்தின் சட்டரீதியான தகவல்கள் (Statutory Information) இதில் இருக்கும். எனவே, ஒரு மியூச்சுவல் ஃபண்ட் நிறுவனத்தின் எல்லாத் திட்டங்களுக்கும் ஒரே எஸ்.ஏ.ஐ போதுமானதாகும். இந்த ஆவணத்தில் மியூச்சுவல் ஃபண்ட் நிறுவனத்தின் பாதுகாவலர் (Custodian), ரெஜிஸ்ட்ரார் மற்றும் டிரான்ஸ்ஃபர் ஏஜென்ட் (RTA), சட்ட ரீதியான கணக்காளர் (Statutory Auditor), திட்ட கணக்காளர் (Fund Accountant), திட்டங்களில் முதலீடு செய்வது எப்படி, முதலீட்டாளர்களின் உரிமைகள், மதிப்பீட்டு முறைகள் (Valuation Norms), வரி, சட்டம் மற்றும் பொது தகவல்களை இதில் காணலாம்.

இந்த இரண்டையும் அச்சிட்டு அனைத்து முதலீட்டாளர் களும் கொடுப்பது சிரமமான காரியம் என்பதால், இவற்றில் உள்ள முக்கியமான தகவல்களை மட்டும் எடுத்து கிம் (Key Information Memorandum - KIM) என்ற ஆவணத்தை விண்ணப்பப் படிவத்துடன் கொடுக்க வேண்டும் என்பது செபி அமைப்பின் விதிமுறையாகும். சிறு முதலீட்டாளர்களைவிட பெரு முதலீட்டாளர்களே இந்த ஆவணங்களை எல்லாம் படித்துவிட்டு முதலீடு செய்கிறார்கள்!"