Published:Updated:

இ.டி.எஃப் முதலீடு... நீங்கள் ஏன் செய்ய வேண்டும்? முதலீட்டு வழிகாட்டல்...

இ.டி.எஃப்
பிரீமியம் ஸ்டோரி
News
இ.டி.எஃப்

I N V E S T M E N T

சிந்தன் ஹரியா, தலைவர், முதலீட்டுத் திட்ட மேம்பாடு மற்றும் வியூகம், ஐ.சி.ஐ.சி.ஐ , புரூ. ஏ.எம்.சி

ஒரு தனிநபராக, நீங்கள் பல கனவுகளையும் குறிக்கோள் களையும் அடைய விரும்பலாம். அதற்கு உதவும் நிதித் திட்டத்தை உருவாக்குவதற்கான முதல் படி, உங்கள் ஒவ்வொரு குறிக் கோள்களையும் அடைவதற்கான கால அவகாசம் எவ்வளவு, தேவையான வருமானம் எவ்வளவு என்பதைக் கண்டறிவதாகும். அடுத்து, நீங்கள் எவ்வளவுக்கு ரிஸ்க் எடுக்கத் தயார் என்பதைத் தீர்மானிக்க வேண்டும். அப்போதுதான் உங்கள் எதிர்கால இலக்குகளை நிறைவேற்ற உதவும் போர்ட்ஃபோலியோவை உங்களால் தேர்வு செய்ய முடியும்.

சிந்தன் ஹரியா, தலைவர், 
முதலீட்டுத் 
திட்ட மேம்பாடு 
மற்றும் வியூகம், ஐ.சி.ஐ.சி.ஐ 
புரூ. ஏ.எம்.சி
சிந்தன் ஹரியா, தலைவர், முதலீட்டுத் திட்ட மேம்பாடு மற்றும் வியூகம், ஐ.சி.ஐ.சி.ஐ புரூ. ஏ.எம்.சி

நீங்கள் தேர்வு செய்யும் போர்ட் ஃபோலியோ பன்முகம் கொண்டதாக இருக்க வேண்டும். எந்தவொரு சொத்துப் பிரிவிலும் ஏற்படக்கூடிய திடீர் மதிப்பு மாற்றங்கள், உங்கள் ஒட்டுமொத்த போர்ட்ஃபோலியோ தரும் வருமானத்தில் பெரிய பாதிப்பை ஏற்படுத்தாத மாதிரி உங்கள் போர்ட்ஃபோலியோ இருக்க வேண்டும்.

பல புதிய முதலீட்டாளர்கள் அல்லது முதல்முறை முதலீட் டாளர்கள் அதிக ஏற்ற இறக்கம் காரணமாக பங்குச் சந்தை சார்ந்த முதலீடுகளைத் தவிர்க்கிறார்கள். அத்தகைய முதலீட்டாளர்களுக்கு, எக்ஸ்சேஞ்ச் டிரேடட் ஃபண்ட் எனச் சுருக்கமாக அழைக்கப்படும் இ.டி.எஃப்.கள் ஏற்றதாக இருக்கும். இந்த இ.டி.எஃப்-க்களுக்கு ஒருவரின் போர்ட்ஃபோலியோவில் ஒரு சிறிய ஒதுக்கீட்டை மேற்கொள்வது சிறந்ததாக இருக்கும்.

இ.டி.எஃப்
இ.டி.எஃப்

இ.டி.எஃப் என்பது ஒரு வகை முதலீட்டுத் திட்டம். இது பங்குச் சந்தையில் இடம்பெற்றிருக்கும் குறியீடுகள் (இண்டெக்ஸ்கள்) மற்றும் கடன் சந்தையில் உள்ள குறியீடுகளை அதன் விகிதசாரத்துக்கேற்ப முதலீடு செய்யும் தன்மையைக் கொண்டிருக் கின்றன. அதாவது, பங்குச் சந்தை சார்ந்தது எனில், ஈக்விட்டி இ.டி.எஃப் எனவும், கடன் சந்தை சார்ந்தது எனில், டெப்ட் இ.டி.எஃப் எனவும் அழைக்கப்படும். இந்த இ.டி.எஃப்-க் கள் அது சார்ந்திருக்கும் குறியீட்டின் வருமானத்தைப் பிரதிபலிப்பதாக இருக்கும். இந்த இ.டி.எஃப்-க்கள் புதிய முதலீட்டாளர்களுக்கு ஏற்றதாக இருக்கும்.

குறுகிய காலத்தில் ஈக்விட்டி சார்ந்த முதலீடுகளின் வருமானம் ஏற்ற இறக்கத்துடன் இருக்கும். திடீரென அதிக இறக்கத்தைச் சந்திக்கலாம். பெரும்பாலான முதலீட்டாளர்கள், புதியவர்களோ, அனுபவசாலிகளோ யாராக இருந்தாலும், முதலீடு செய்ய மிகவும் பொருத்தமான நிறுவனப் பங்குகள் அல்லது ஈக்விட்டி ஃபண்டுகளைத் தேர்ந்தெடுப்பது சவாலான ஒன்றாக இருக்கிறது.

ஆனால், இ.டி.எஃப்-க்களானது ஒரு குறியீட்டில் இடம்பெறும் அனைத்து நிறுவனப் பங்குகள் அல்லது கடன் பத்திரங்களில் முதலீடு செய்வதன் மூலம் அதிக ஏற்ற இறக்கம் அடைவதைத் தவிர்க்க முடிகிறது. குறிப்பாக, அவை பங்குத் தேர்வைப் பற்றிக் கவலைப்படாமல் பங்குச் சந்தைகளுடன் உங்களைப் பழக்கப்படுத்திக்கொள்ள ஓர் எளிய வழியாகும்.

ஒரு இ.டி.எஃப் ஃபண்டில் முதலீடு செய்வதன் மூலம், பல பங்குகளில் முதலீடு செய்த பலனை அடையலாம். எடுத்துக்காட்டாக, நிஃப்டி 50 இண்டெக்ஸானது நம் நாட்டின் 50 முன்னணி நிறுவனங்களின் பங்குகளை உள்ளடக்கியது, இதில் இடம்பெற்றுள்ள பங்குகள் பல்வேறு துறைகளைச் சார்ந்ததாக உள்ளது. நிஃப்டி 50 இ.டி.எஃப் திட்டமானது நிஃப்டி 50 குறியீட்டில் உள்ள அனைத்துப் பங்குகளிலும் முதலீடு செய்து, அதன்மூலம் கிடைக்கும் நன்மை அனைத்தையும் பெறுகிறது.

இ.டி.எஃப்-க்கள் பங்குச் சந்தை களில் வர்த்தகமாகி வருகின்றன. சந்தையின் வர்த்தக நேரத்தில் எப்போது வேண்டுமானாலும் வாங்கலாம் அல்லது விற்கலாம்.

உங்கள் முதலீட்டுக் கலவையில் ஒரு குறிப்பிட்ட அளவு இ.டி.எஃப் திட்டங்களிலான முதலீடு கட்டாயம் இடம்பெற வேண்டும். இதன்மூலம் நீண்டகாலத்தில் பணவீக்க விகிதத் தைத் தாண்டிய வருமானத்தை நீங்கள் பெற முடியும்.