Published:Updated:

நீங்கள் கோடீஸ்வரர் ஆக முதலீட்டில் பின்பற்ற வேண்டிய 7 முக்கிய அம்சங்கள்..!

முதலீடு
பிரீமியம் ஸ்டோரி
முதலீடு

முதலீடு

நீங்கள் கோடீஸ்வரர் ஆக முதலீட்டில் பின்பற்ற வேண்டிய 7 முக்கிய அம்சங்கள்..!

முதலீடு

Published:Updated:
முதலீடு
பிரீமியம் ஸ்டோரி
முதலீடு

ஒரு முதலீட்டில் குறிப்பாக, பங்குச் சந்தை சார்ந்த முதலீட்டில் (நிறுவனப் பங்குகள், பங்குச் சந்தை மியூச்சுவல் ஃபண்டு கள்) ஒருவர் ஏழு முக்கியமான அம்சங்களைப் பின்பற்றினால் அவர் கோடீஸ்வரர் ஆவது நிச்சயம்.

ஆர்.வெங்கடேஷ் 
நிறுவனர், 
www.gururamfinancialservices.com
ஆர்.வெங்கடேஷ் நிறுவனர், www.gururamfinancialservices.com

1. பங்கு சார்ந்த முதலீடுகளும் நீண்ட கால முதலீடும்...

பங்கு சார்ந்த முதலீடு என்கிறபோது அது எப்போதும் நீண்ட காலத்துக் கானதாக இருக்க வேண்டும். முதலீட்டுக் காலம் ஐந்தாண்டு களுக்கு குறைவாக இருக்கும் பட்சத்தில், ஒருவர் பங்குச் சந்தை சார்ந்த முதலீடுகள் பக்கமே வரக் கூடாது.

இந்த வகை முதலீடுகள் குறுகிய காலத்தில் இழப்பைத் தந்தாலும் நீண்ட காலத்தில் அதாவது 10, 15, 20 ஆண்டு களில் ஆண்டுக்கு சராசரி 12 - 15% வருமானத்தைக் கடந்த காலத்தில் தந்துள்ளன. இனிவரும் காலத்திலும் தரும் என எதிர்பார்க்கலாம்.

முதலீட்டுக் காலம் ஐந்து ஆண்டுகளைத் தாண்டும் போது பங்கு சார்ந்த திட்டங் களில் பணத்தை முதலீடு செய்வதே சரி.

நீங்கள் கோடீஸ்வரர் ஆக முதலீட்டில் பின்பற்ற வேண்டிய 7 முக்கிய அம்சங்கள்..!

2. தங்க நகை, வீடு முதலீடு அல்ல...

பொதுவாக, நம்மில் பெரும்பாலானோர் தங்க நகைகள் மற்றும் நிலம் வீடுகளை முதலீடாக நினைத்து செயல்படு கிறார்கள். அதில் உண்மை இல்லை. தங்க நகையை எடுத்துக்கொண்டால், அதில் செய்கூலி, சேதாரம் மற்றும் ஜி.எஸ்.டி வரி எல்லாம் சேர்ந்து சுமார் 10, 15% தங்கத் தின் விலையை அதிகரித்து விடுகின்றன. மறுநாளே விற்றால்கூட இந்த இழப்பு இருக்கும்.

அடுத்து, ஒரு வீட்டை வாங்க பதிவுக் கட்டணம், முத்திரைத்தாள் கட்டணம், ஜி.எஸ்.டி வரி, தரகுக் கட்டணம் எல்லாம் சேர்ந்து வீட்டின் விலையில் சுமார் 15-18 சதவிகிதத்தை அதிகரித்து விடுகின்றன. இந்த வீட்டை அடுத்த மாதமே விற்றாலும் இந்த 15% தொகை இழப்பாகும்.

ஒரு முதலீடு எனில், அதற்கான செலவு அதிக பட்சம் சுமார் 2 - 2.5 சதவிகித மாக இருந்து, அந்த முதலீடு சுமார் 12% வருமானம் தந்தால்தான் பணவீக்க விகித்தைவிட சிறிது லாபம் கொடுக்க வாய்ப்பிருக்கிறது.

எனவே, தங்கத்தை அணிந்து அழகு பார்க்கவும், வீட்டைக் குடியிருக்கவும் பயன்படுத்தினால் மட்டுமே லாபம். ரூ.1 கோடி மதிப்புள்ள வீட்டை சென்னை, கோயம் புத்தூர் போன்ற பெரு நகரங்களில் வாடகைக்கு விட்டால்கூட மாதம் சுமார் ரூ.30,000தான் வாடகை கிடைக்கும். இதற்குப் பதில் இந்தத் தொகையை வங்கி ஃபிக்ஸட் டெபாசிட் முதலீடு செய்திருந்தால்கூட சுமார் ரூ.50,000 - ரூ.55,000 வட்டி வருமானம் கிடைக்கும். எனவே, முதல் வீடு தவிர, அடுத்தடுத்து வீடு வாங்குவது கூடாது.

அதே போல, தங்கத்தின் விலை உயர்வைப் பயன் படுத்தி லாபம் ஈட்ட விரும்பினால், டிஜிட்டல் தங்கமான கோல்டு பாண்டுகள், கோல்டு இ.டி.எஃப்-கள், கோல்டு சேவிங்ஸ் ஃபண்டுகள் ஆகிய வற்றில் முதலீடு செய்து வரலாம். இதேபோல, ரியல் எஸ்டேட்டின் விலை உயர்வைப் பயன்படுத்தி லாபம் ஈட்ட விரும்பினால், ரியல் எஸ்டேட் இன்வெஸ்ட் மென்ட் டிரஸ்ட் என்கிற ரெய்ட் (RIET) திட்டத்தில் முதலீடு செய்து வரலாம்.

3. முதலீட்டில் ஆபத்து வேறு, ஏற்ற இறக்கம் வேறு...

பங்குச் சந்தை மற்றும் ஈக்விட்டி ஃபண்ட் முதலீடுகள் ஆபத்தானவை எனச் சொல்ல முடியாது. காரணம், இவை ஒழுங்குமுறை அமைப்பான செபியின்கீழ் வருவது. இவற்றில் பணம் போட்ட முதலீட்டாளர்களை ஏமாற்றிவிட்டு செல்வது பெரும்பாலும் நடக்க வாய்ப்பில்லை. அதே நேரத்தில் அவற்றின் மதிப்பு ஏற்ற இறக்கத்துக்கு (Volatility) உட்படுவதாகும். இந்த ஏற்ற இறக்கம் நீண்ட காலத்தில் ஈடுகட்டப்பட்டு பணவீக்க விகிதத்தைவிட அதிக லாபம் ஈட்டப்படுகிறது.

4. முதலீட்டில் அறிவைவிட பொறுமை அவசியம்...

பங்குச் சந்தை சார்ந்த முதலீடுகளில் அறிவைவிட பொறுமை மிக முக்கியம். காரணம், எவ்வளவுதான் ஒருவருக்கு அறிவு இருந்தாலும் அவரால் பங்குச் சந்தையின் போக்கை சரியாகக் கணிப்பது என்பது கடினமான காரியமாகும். அதே நேரத்தில், நிறுவனப் பங்குகள் மற்றும் ஈக்விட்டி ஃபண்டுகளில் எஸ்.ஐ.பி முறையில் நிதானமாக முதலீடு செய்து, பொறுமை யாகக் காத்திருந்தால் நிச்சயம் லாபம் ஈட்ட முடியும்; நீண்ட காலத்தில் கோடீஸ்வரர் ஆக முடியும்.

5. வருமானம் முக்கியம்...

முதலீட்டின் மூலம் கிடைக்கும் வருமானம் மிக முக்கியமாகும். அப்போதுதான் அது மூலம் கிடைக்கும் வருமானம் ஒருவரின் நிதி இலக்குகளைக் கடன் வாங்கலாமல் நிறைவேற்றவும் வாழ்க்கைத் தரத்தை உயர்த்தவும் முடியும்.

அந்த வகையில் ரிஸ்க் எடுத்து முதலீட்டில் ஒரு பகுதியைப் பங்குச் சந்தை திட்டங்களில் முதலீடு செய்வது அவசியமாகும். ஒருவர் தனது முதலீட்டில் எவ்வளவு ரிஸ்க் எடுக்கலாம் என அறிவது அவசியம். 100-லிருந்து அவரின் வயதைக் கழிக்க கிடைக்கும் எண் என்னவோ, அந்த சதவிகித அளவுக்கு பங்குச் சந்தை சார்ந்த திட்டங்களில் முதலீடு செய்து வரலாம். முதலீட்டில் அதிக ரிஸ்க் எடுக்க விரும்பவில்லை எனில், டைவர்சிஃபைடு மியூச்சுவல் ஃபண்ட் திட்டங்களில் (லார்ஜ்கேப் ஃபண்டுகள், மல்ட்டி கேப் ஃபண்டுகள், ஃபிளெக்ஸி கேஃப்கள்) முதலீடு செய்து வரலாம். முதலீட்டுக் காலம் 15, 20 ஆண்டுகள் இருக்கும்பட்சத்தில், மிட்கேப் மற்றும் ஸ்மால்கேப் ஃபண்டுகளில் எஸ்.ஐ.பி முறையில் முதலீடு செய்துவரலாம்.

நீங்கள் கோடீஸ்வரர் ஆக முதலீட்டில் பின்பற்ற வேண்டிய 7 முக்கிய அம்சங்கள்..!

6. புரிந்து முதலீடு செய்யுங்கள்...

உலகின் முன்னணி முதலீட்டாளர்களில் குறிப்பிடத்தக்க கோடீஸ்வரர்களில் ஒருவர் வாரன் பஃபெட். அவர் எப்போதும் தனக்குப் புரியாத திட்டங்களில் பணத்தை முதலீடு செய்யவே மாட்டார். அண்மைக் காலத்தில்கூட உலகமே கிரிப்டோகரன்சி தந்த லாபத்தைக் கண்டு மயங்கிய நிலையில், அவர் அதை சீண்டவே இல்லை. காரணம், அவருக்குப் புரியவில்லை என்பதுதான். இன்றைக்கு கிரிப்டோகரன்சிகளில் பணம் போட்ட பலர் இழப்பில்தான் இருக்கிறார்கள்.

எனவே, எப்போதும் புரிந்த திட்டங்களில் மட்டுமே முதலீடு செய்ய வேண்டும். அல்லது முதலீட்டுத் திட்டங்கள் மற்றும் முதலீட்டாளரின் நிதி இலக்கு களை நன்கு புரிந்த நிதி ஆலோச கரின் உதவியுடன் முதலீடு செய்வது லாபகரமாக இருக்கும்.

7. இலக்கு கட்டாயம்...

பெரும்பாலான முதலீட் டாளர்கள் சம்பளத்தில் மாதம் தோறும் மிச்சமாகும் தொகை அல்லது திடீரென கிடைக்கும் பணத்தை அப்படியே என்ன செய்யலாம் என யோசிக்கிறார் கள். பல நேரங்களில் ஏதாவது சுற்றுலா அல்லது வீட்டுக்கு மிக அவசியமில்லாத பொருள்களை வாங்குவதன் மூலம் அந்தப் பணம் செலவாகிவிடுகிறது.

இதன் பிறகு, நிதித் தேவை களான பிள்ளைகளின் கல்வி, கல்யாணத்துக்குக் கடன் வாங்கும் நிலைக்குத் தள்ளப்படுகிறார்கள். எனவே, எந்த ஒரு முதலீடாக இருந்தாலும் அதை ஓர் இலக்குடன் இணையுங்கள். இலக்கும் எளிதாக நிறைவேறும்; கடனும் வாங்க வேண்டிய நிலையும் இருக்காது. நீங்களும் விரைவாக கோடீஸ்வரர் ஆகி இருப்பீர்கள். கோடீஸ்வரர் ஆவதற்குக் குறுக்கு வழிகளைப் பின்பற்றுவதைவிட இந்த எளிய வழிகளைப் பின்பற்றினாலே போதும்!