Published:Updated:

அஸெட் அலொகேஷன்... எப்போது ரீபேலன்ஸிங் செய்ய வேண்டும்? வருமானத்தை அதிகரிக்க வழிகாட்டல்...

அஸெட் அலொகேஷன்
பிரீமியம் ஸ்டோரி
அஸெட் அலொகேஷன்

MUTUAL FUND

அஸெட் அலொகேஷன்... எப்போது ரீபேலன்ஸிங் செய்ய வேண்டும்? வருமானத்தை அதிகரிக்க வழிகாட்டல்...

MUTUAL FUND

Published:Updated:
அஸெட் அலொகேஷன்
பிரீமியம் ஸ்டோரி
அஸெட் அலொகேஷன்

கா.ராமலிங்கம், இணை நிறுவனர், Holisticinvestment.in

முதலீட்டின் மூலம் கிடைக்கும் இறுதி வருமானத்தின் அளவு அஸெட் அலொகேஷனைப் பொறுத்தே இருக்கிறது. அஸெட் அலொகேஷன் என்பது ஒருவரின் ரிஸ்க் எடுக்கும் திறன், ரிஸ்க் தாங்கும் திறன், வயது, முதலீட்டுக் காலம் ஆகியவற்றைப் பொறுத்து, தங்கம் (கோல்டு சேவிங்ஸ் ஃபண்ட், கோல்டு இ.டி.எஃப், கோல்டு சாவரின் பாண்ட்) ரியல் எஸ்டேட் (வீடு, மனை), பங்குச் சந்தை சார்ந்த முதலீடுகள் (நிறுவனப் பங்குகள், ஈக்விட்டி மியூச்சுவல் ஃபண்டுகள்), கடன் சார்ந்த முதலீடுகள் (ஃபிக்ஸட் டெபாசிட், கடன் ஃபண்டுகள்) ஆகியவற்றில் பிரித்து முதலீடு செய்வதாக உள்ளது.

கா.ராமலிங்கம், 
இணை நிறுவனர், 
Holisticinvestment.
in
கா.ராமலிங்கம், இணை நிறுவனர், Holisticinvestment. in

இவற்றில் நீண்டகாலத்தில் செல்வம் சேர்க்க சிறந்த முதலீடாக ஈக்விட்டி மியூச்சுவல் ஃபண்ட் இருக்கிறது. இதில், மொத்தமாக முதலீடு செய்வது அவ்வளவு லாபகர மாக இருக்காது. அனைவராலும் மேற்கொள்ள முடிகிற முதலீட்டு முறை சிஸ்டமேட்டிக் இன்வெஸ்ட் மென்ட் பிளான் என்கிற எஸ்.ஐ.பி முறையாகும். இந்த எஸ்.ஐ.பி முறை வந்தபோது, முதலீட்டாளர்கள் பொதுவாக மூன்று ஆண்டுகள் அல்லது ஐந்து ஆண்டுகளுக்கு முதலீட்டுக் காலத்தைத் தேர்வு செய்தார்கள். அண்மைக் காலத்தில் பெர்பெச்சுவல் எஸ்.ஐ.பி என்கிற கால வரம்பு இல்லாத எஸ்.ஐ.பி முறையைப் பலரும் தேர்வு செய்து வருகிறார்கள். அதனால், குறிப்பிட்ட இடை வெளியில் எஸ்.ஐ.பி முதலீடுகளை ஆய்வு செய்வது அவசியமாகிறது.

உலகின் முன்னணி முதலீட்டாளர் களில் ஒருவரான வாரன் பஃபெட் கூட, முதலீட்டை எப்படி ஒதுக்கீடு செய்ய வேண்டும் என்பதற்கு முக்கியத்துவம் கொடுப்பவராக இருக்கிறார். கோடீஸ்வர முதலீட்டாளர், சிறு முதலீட்டாளர் என யாராக இருந்தாலும் முதலீட்டின் அடிப்படை விஷயங்கள் மாறுவதில்லை. அதே நேரத்தி்ல், ஒருவரின் ரிஸ்க் எடுக்கும் திறன் மற்றும் ரிஸ்க் தாங்கும் திறன் காலப் போக்கில் மாற்றத்துக்கு உள்ளாகும் போது அவரின் அஸெட் அலொகேஷன் விகிதமும் மாறும். ஓராண்டு முழுக்க பங்குச் சந்தை காளையின் பிடியில் இருந்தாலோ, கரடியின் கட்டுக்குள் இருந்தாலோ, சந்தை ஏற்ற இறக்கத்தில் இருந்தாலோ கட்டாயம் அஸெட் அலொகேஷனில் மாற்றம் மேற்கொள்ள வேண்டும்.

அஸெட் அலொகேஷன்
அஸெட் அலொகேஷன்

பொதுவாக, ஆறு மாதம் அல்லது ஓராண்டுக்கு ஒருமுறை முதலீடுகளை ஆய்வு செய்து முதலீட்டுக் கலவையை மாற்றி (portfolio rebalancing) அமைக்க வேண்டும். இந்த மாற்றம் என்பது ஈக்விட்டி சார்ந்த திட்டங்கள், கடன் சார்ந்த திட்டங்கள், தங்க முதலீடு இடையே மேற்கொள்ள வேண்டும். ஆண்டின் ஆரம்பத்தில் ஒருவரின் அஸெட் அலொகேஷன் என்பது ஈக்விட்டி, டெப்ட் மற்றும் தங்கத்தில் 60:30:10 என இருக்கிறது என வைத்துக் கொள்வோம். ஆறு மாதம் கழித்து அல்லது ஆண்டின் இறுதியில் 55:30:15 என அதிகரித்திருந்தால், ரீபேலன்ஸ் செய்யத் தேவையில்லை. பொதுவாக, அஸெட் அலொகேஷன் விகிதம் சுமார் 5 சதவிகிதம்தான் மாற்றத்துக்கு உள்ளாகி இருக்கிறது என்றால் போர்ட்ஃபோலியோவில் மாற்றம் தேவை இருக்காது.

உதாரணத்துக்கு, 60:30:10 என்கிற அஸெட் அலொகேஷன் ஆண்டு இறுதியில் 75:20:5 என மாறியிருக்கிறது என்று வைத்துக்கொள்வோம். இங்கே ஈக்விட்டி முதலீடு அதிக லாபம் தந்துள்ளது என்பதால், அதில் அதிகரித்திருக்கும் மதிப்புக்குரிய ஈக்விட்டி ஃபண்ட் யூனிட்டுகளை விற்று, உதாரணத்துக்கு ரூ.60,000 என்பது ரூ.75,000-ஆக உயர்ந்துள்ளது என வைத்துக்கொள்வோம். இங்கே ரூ.15,000 மதிப்புள்ள ஈக்விட்டி ஃபண்ட் யூனிட்டுகளை விற்று, அதில் 10,000 ரூபாயை கடன் ஃபண்டிலும் மீதி 5,000 ரூபாயை கோல்டு சேவிங்ஸ் ஃபண்ட் அல்லது கோல்டு இ.டி.எஃப்பிலும் முதலீடு செய்ய வேண்டும். இப்படி ஆறு மாதம் அல்லது ஓராண்டுக்கு ஒருமுறை போர்ட்ஃபோலியோவை ரீபேலன் ஸிங் செய்து வந்தால், அதிக ரிஸ்க் இல்லாமல் அனைத்து முதலீட்டுக் காலத்திலும் பணவீக்க விகிதத்தைவிட ஓரிரு சதவிகிதங்கள் வருமானம் அதிகம் பெற முடியும். நீண்டகாலத்தில் சுமார் 12% வருமானம் பெற வாய்ப்புள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism