Published:Updated:

முதலீட்டுக்கு நாமினியை நியமிக்காததால் வந்த நஷ்டம்..! தவறை உடனே சரிசெய்யுங்கள்...

vikatan
பிரீமியம் ஸ்டோரி
vikatan

N O M I N E E

முதலீட்டுக்கு நாமினியை நியமிக்காததால் வந்த நஷ்டம்..! தவறை உடனே சரிசெய்யுங்கள்...

N O M I N E E

Published:Updated:
vikatan
பிரீமியம் ஸ்டோரி
vikatan

அனுராதா சீனிவாசன், சீனு இன்வெஸ்ட்மென்ட்ஸ்

வங்கி டெபாசிட், மியூச்சுவல் ஃபண்ட் முதலீடுகள், பங்குச் சந்தை முதலீடுகள், அஞ்சலக முதலீடுகள் போன்றவற்றில் நாமினியை நியமிப்பது அவசியம்.

நாம் முதலீடு செய்யும்போது வாரிசுதாரர் நியமனத்தைக் கவனமாகச் செய்ய வேண்டும். மியூச்சுவல் ஃபண்ட் முதலீடு என்கிற போது நாமினியாக அதிகபட்சம் மூன்று நபர்களை நியமனம் செய்யலாம்.

முதலீட்டுக்கு நாமினியை நியமிக்காததால் வந்த நஷ்டம்..! தவறை உடனே சரிசெய்யுங்கள்...

பொதுவாக, நாமினி நியமனத்தின் போது நாம் நியமனம் செய்யும் நபர்களின் பெயரை, அவர்களின் ஆதார், பான் கார்டுகளின் உள்ளபடி சரியாகத் தர வேண்டும். பிழையுடன் பெயரைப் பதிவு செய்துவிட்டாலோ, அஜாக்கிரதையாக நாமினியைக் குறிப்பிடாமல் இருந்துவிட்டாலோ, பின்னாள்களில் முதலீட்டு, காப்பீட்டுத் தொகைகளைப் பெறுவதில் பெரும் சிக்கல் உருவாகும் வாய்ப்பு அதிகம்.

கவனக்குறைவால் செய்யப்படும் இந்தத் தவறுகள், தேவையற்ற நஷ்டத்தையும், அலைச்சல் மற்றும் நேர விரயத்தையும் ஏற்படுத்திவிடும் என்பதைப் புரிந்துகொண்டு செயல்பட வேண்டும்.

சமீபத்தில் எனக்குத் தெரிந்த நபர் ஒருவர், வங்கியின் மூலம் மியூச்சுவல் ஃபண்ட் திட்டத்தில் முதலீடு செய்திருக்கிறார். அதில் வாரிசு நியமனம் செய்யாமல் இருந்து விட்டார். வங்கி அதிகாரிகளும் அதைச் சரியாகக் கவனிக்காமல் இருந்துவிட்டார்கள்.

இந்த நிலையில், அந்த முதலீட்டாளர் எதிர்பாராமல் இறந்து விட்டார். அவருடைய வாரிசு தாரர்கள் வங்கியை நாடியபோது, அவர்கள் தாங்கள் வாரிசுச் சான்றிதழ் மற்றும் கோர்ட் மூலமாக வாரிசு இறக்குரிமை (Sucession Certificate) பெற்று வந்தால்தான், முதலீட்டை வாரிசுதாரர்களுக்கு மாற்றித் தர முடியும் எனக் கூறிவிட்டார்கள்.

முதலீடு ரூ.2 லட்சத்துக்கு மேல் இருந்தால், நீதிமன்றம் மூலமாகச் சான்றிதழ் பெற்றால்தான் வாரிசு களுக்குப் பணம் கிடைக்கும் என்ற நிலை. இந்த நீதிமன்ற சான்றிதழைப் பெற முதலீட்டின் மதிப்பில் 3% தொகை முத்திரைக் கட்டணமாக நீதிமன்றத்துக்குக் கட்ட வேண்டி வரும்.

மேலும், நீதிமன்ற நிர்வாகக் கட்டணமாகச் சுமார் ரூ.5,000 கட்ட வேண்டும். இது போக, வழக்கறிஞர் கட்டணம் தனியாக இருக்கிறது. கூடவே, நேரம் விரயம் ஏற்படுவதுடன் அலைச்சலும் இருக்கிறது.

அனுராதா 
சீனிவாசன்
சீனு 
இன்வெஸ்ட்மென்ட்ஸ்
அனுராதா சீனிவாசன் சீனு இன்வெஸ்ட்மென்ட்ஸ்

உதாரணமாக, முதலீட்டுத் தொகை ரூ.10 லட்சம் எனில், 3% முத்திரைக் கட்டணமாக, அதாவது ரூ.30,000 கட்ட வேண்டும். நீதிமன்ற நிர்வாகக் கட்டணம் ரூ.5,000, வழக்கறிஞர் கட்டணம் சுமார் ரூ.5,000 என்று வைத்துக் கொண்டால்கூட மொத்தம் ரூ.40,000 செலவு இருக்கிறது.

ஆரம்பத்தில் சற்று அஜாக்கிரதையாக இருந்த காரணத்தால் கஷ்டப்பட்டு முதலீடு செய்த தொகையில் ஒருபகுதியை இழக்க வேண்டியதாகி விட்டது. எனவே, முதலீட்டாளர்கள் எந்த வகையான முதலீடாக இருந்தாலும் அவசியம் மறக்காமல் நாமினியைத் தெளிவாகக் குறிப்பிடுவது மிக முக்கியம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism