Published:Updated:

ஃபிக்ஸட் டெபாசிட்... டி.டி.எஸ் பிடிப்பதைத் தவிர்க்க என்ன வழி..? வழிகாட்டும் ஆடிட்டர்...

கேள்வி - பதில்
பிரீமியம் ஸ்டோரி
கேள்வி - பதில்

Q & A - கேள்வி - பதில்

ஃபிக்ஸட் டெபாசிட்... டி.டி.எஸ் பிடிப்பதைத் தவிர்க்க என்ன வழி..? வழிகாட்டும் ஆடிட்டர்...

Q & A - கேள்வி - பதில்

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

மதுர கவி, மதுரை – 2

ஃபிக்ஸட் டெபாசிட் வட்டி வருமானத்தில் டி.டி.எஸ் பிடிப்பதைத் தவிர்க்க ஆன்லைன் மூலம் 15 ஹெச் படிவத்தைப் பூர்த்தி செய்து எப்படி சமர்ப்பிப்பது? என்ன விவரங்களை எல்லாம் கொடுக்க வேண்டும்?

வி.தியாகராஜன், ஆடிட்டர், www.bizlane.in

“படிவம் 15G மற்றும் படிவம் 15H முறையே நிரந்தர வைப்பு நிதி வட்டி வருமானத்தில் வங்கிகள் டி.டி.எஸ் (TDS) பிடிப்பதைத் தவிர்ப்பதற்காக வாடிக்கையாளர்கள் வங்கிக்குக் கொடுக்கும் படிவங்கள் ஆகும். படிவம் 15G என்பது 60 வயதுக்கு உட்பட்டவர்களும், படிவம் 15H என்பது 60 வயதுக்கு மேற்பட்டவர்களும் கொடுக்க வேண்டும். தாங்கள் நிரந்தர வைப்பு நிதி வைத்துள்ள வங்கி ஆன்லைன் மூலமாக இந்தப் படிவங்களைக் கொடுக்க வழிவகை செய்திருந்தால், தங்களின் இன்டர்நெட் பேங்கிங் மூலமாக இந்தப் படிவங்களைப் பூர்த்தி செய்து கொடுக்கலாம். இல்லையெனில், இந்தப் படிவங்களை வருமான வரி வலைதளத்தில் இருந்து தரவிறக்கிக்கொண்டு, அதைப் பூர்த்தி செய்து வங்கிக்குக் கொடுக்கலாம். இந்தப் படிவங்களின் முதல் பகுதியை நீ்ங்கள் பூர்த்தி செய்ய வேண்டும்; இரண்டாம் பகுதியை வங்கிகள் பூர்த்தி செய்து கொள்ளும். நிரந்தர வைப்பு நிதி வட்டி வருமானத்தையும் சேர்த்து, தங்களின் மொத்த வருமானம், அடிப்படை வருமான வரம்புக்குக் கீழே இருந்தால், (அதாவது, ரூ.2,50,000, ரூ.3,00,000, ரூ.5,00,000 முறையே 60 வயதுக்குக் கீழே உள்ளவர்கள், 60-லிருந்து 80 வயதுக்கு உட்பட்டவர்கள், 80 வயதுக்கு மேற்பட்டவர்கள்), வட்டி வருமானம் உட்பட உங்கள் மொத்த வருமானம் பற்றிய சரியான விவரங்களை இந்தப் படிவங்களில் பூர்த்தி செய்து கொடுத்து, தங்களின் நிரந்தர வைப்பு நிதியின் வட்டி வருமானத்தில் வங்கிகள் வரி பிடிப்பதைத் தவிர்க்கலாம்.”

பிரியன் செல்வன், மதுரை - 2

தற்போதைய நிலையில் யெஸ் பேங்க் பங்குகளை குறுகிய காலம் மற்றும் நீண்டகால முதலீடாக வாங்கலாமா?

கே.கார்த்திக் ராஜா, செபி பதிவு பெற்ற ரிசர்ச் அனலிஸ்ட், Rupeedesk.in

“இந்தத் தனியார் வங்கிப் பங்கில் இப்போது முதலீடு செய்வது மிகவும் ரிஸ்க்கானது. இது குறுகிய காலம் மற்றும் நீண்டகால முதலீட்டுக்கு ஏற்றதல்ல. யெஸ் பேங்க், அடிப்படையில் வலுவாக இன்னும் பல காலம் எடுத்துக் கொள்ளும். அதற்கு பதில் பொதுத்துறையைச் சேர்ந்த எஸ்.பி.ஐ, பேங்க் ஆஃப் இந்தியா, பேங்க் ஆஃப் பரோடா ஆகிய வங்கிப் பங்குகளில் முதலீடு செய்ய லாம். இந்தப் பங்குகளில் நீண்டகால முதலீடாக, இறக்கங்களில் இந்த வங்கிப் பங்குகளில் முதலீடு செய்து வரலாம்.”

தியாகராஜன் கோவிந்தராஜன், இ-மெயில் மூலம்

என்னிடம் ரூ.10 லட்சம் உள்ளது. முதலீட்டுக் காலம் 5 முதல் 10 ஆண்டுகள். எனக்கு ஆண்டுக்குக் குறைந்தபட்சம் 12% வருமானம் வரும்படியான முதலீட்டுத் திட்டங்களைச் சொல்லவும்.

சா.ராஜசேகரன், நிதி ஆலோசகர், Wisdomwealthplanners.com

“உங்களின் முதலீட்டுக் காலம் நீண்டதாக இருப்ப தால், நீங்கள் முதலீட்டில் ரிஸ்க் எடுக்கலாம். முதலீட்டு மீதான வருமானம் 12 சத விகிதத்துக்குமேல் இருக்க வேண்டும் எனில், நீங்கள் ஈக்விட்டி மியூச்சுவல் ஃபண்டு களில்தான் முதலீடு செய்ய வேண்டும். நீங்கள் உங்களின் முதலீட்டை லார்ஜ்கேப், மல்ட்டிகேப், ஃபிளெக்ஸி கேப் ஃபண்டுகளில் பிரித்து செய்வதன் மூலம் எதிர் பார்க்கும் வருமானம் கிடைக்க வாய்ப்புள்ளது.”

வி.தியாகராஜன்,  கே.கார்த்திக் ராஜா,  சா.ராஜசேகரன்,  எஸ்.வெங்கட்ராமன்,  என்.சத்யமூர்த்தி,  க.முரளிதரன்
வி.தியாகராஜன், கே.கார்த்திக் ராஜா, சா.ராஜசேகரன், எஸ்.வெங்கட்ராமன், என்.சத்யமூர்த்தி, க.முரளிதரன்

கார்த்திக், பாவூர்சத்திரம்

புதிய பங்கு வெளியீடுகளின் பிரபலத்துக்கு என்ன காரணம்?

எஸ்.வெங்கட்ராமன், நிறுவனர், 6sigmawealth.com

“புதிய பங்கு வெளியீடு (ஐ.பி.ஓ) முதலீட்டாளர்கள் மத்தியில் பிரபலமாகக் காரணம், ஐ.பி.ஓ நிறுவனம் பங்குச் சந்தையில் அனுமதிக்கப்பட்டவுடன் கிடைக்கும் லாபம் (listing gains). பல முதலீட்டாளர்கள் இந்தக் குறுகிய லாபத்தை மட்டுமே கருத்தில் கொண்டு ஐ.பி.ஓ-வுக்கு விண்ணப்பம் செய்கின்றனர். (உ.ம்) பர்கர் கிங்க் நிறுவனத்தின் பங்கு ரூ.60-க்கு வெளியிடப்பட்டது. பங்குச் சந்தையில் அனுமதிக்கப்பட்ட முதல் நாள் ரூ.112-ல் ஆரம்பித்து, முடிவில் ரூ.135-க்கு விற்பனை ஆனது. இதனால் முதலீடு செய்த தொகைக்கு 125% வரவு கிட்டியது.

சில பங்குகளில் இத்தகைய பெரிய ஆதாயம் கிடைப்ப தால், பெரும்பாலான முதலீட்டாளர்கள் ஒவ்வொரு ஐ.பி.ஓ-வையும் விரைவான லாபத்துக்கான ‘லாட்டரிச் சீட்டு’ என்று எண்ணு கின்றனர். ‘விரைவாக பணக்காரர் ஆகிவிட வேண்டும்’ என்ற இத்தகைய அணுகுமுறையை ஐ.பி.ஓ வரவிருக்கும் நிறுவனங்கள், அவற்றின் முதலீட்டாளர்கள், முதலீட்டு வங்கியாளர்கள் மற்றும் தரகர்கள் திறமை யாகப் பயன்படுத்திக் கொள்கிறார்கள்.”

கோமதி கணேஷ், இ - மெயில் மூலம்

ஆண்டு பள்ளிக்கூட கட்டணம் மற்றும் ஆண்டு இன்ஷூரன்ஸ் பிரீமியம் கட்ட சம்பளத் தொகை யிலிருந்து எந்த வகையான மியூச்சுவல் ஃபண்டுகளில் முதலீடு செய்வது சரியாக இருக்கும்?

என்.சத்யமூர்த்தி, சர்ட்டிஃபைடு பைனான்ஷியல் பிளானர், Ruwise.in

“பொதுவாக, குறுகியகால முதலீட்டுக்கு (6 முதல் 9 மாதங்கள்) அல்ட்ரா ஷார்ட் டேர்ம் ஃபண்டுகள் ஏற்றதாக இருக்கும். இந்த வகை திட்டங் களில் திரட்டப்படும் நிதி, பொதுவாக குறுகியகால கடன் பத்திரங்களில் முதலீடு செய்யப்படும். இந்தத் திட்டங் களில் மொத்தமாக அல்லது குறிப்பிட்ட தொகையை முதலீடு செய்து வரலாம்.

பள்ளிக்கூடக் கட்டணம் மற்றும் இன்ஷூரன்ஸ் பாலிசி ஆண்டு பிரீமியம் கட்ட இந்த ஃபண்டுகளிலிருந்து தேவைக்கு ஏற்ப பணத்தைத் திரும்ப எடுத்துக்கொள்ளலாம். இந்த வகை ஃபண்டு களில் குறைந்தபட்சம் ஆறு மாதங்களுக்குக் குறையாமல் முதலீடு செய்வது நல்லது. சுந்தரம் அல்ட்ரா ஷார்ட் டேர்ம் ஃபண்ட், எல் அண்ட் டி அல்ட்ரா ஷார்ட் டேர்ம் ஃபண்ட், ஆதித்ய பிர்லா சன் லைஃப் சேவிங்ஸ் ஃபண்ட் ஆகியவற்றில் இன்ஷூரன்ஸ் பிரீமியம் மற்றும் பள்ளிக்கூடக் கட்டணங்களுக்காக மாதம் தோறும் முதலீடு செய்து வரலாம்.”

காமாட்சி சுந்தரம், பாளையங்கோட்டை, நெல்லை

ஹெல்த் இன்ஷூரன்ஸ் பாலிசி எடுத்திருக்கும்பட்சத்தில் அவசர ஆம்புலன்ஸ் கட்டணங்களுக்கு க்ளெய்ம் கிடைக்குமா?

க.முரளிதரன், முதலீட்டு ஆலோசகர், www.vidurawealth.com

“கிடைக்கும். இந்தத் தொகை பாலிசியின் தன்மையைப் பொறுத்து மாறுபடும்.”

கேள்விகளை அனுப்புபவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. navdesk@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism