Published:Updated:

கடன் வாங்கி வீட்டு மனை வாங்கலாமா..? சொத்து வாங்க சரியான நேரமா இது..?

கேள்வி - பதில்
பிரீமியம் ஸ்டோரி
கேள்வி - பதில்

கேள்வி - பதில் - Q & A

கடன் வாங்கி வீட்டு மனை வாங்கலாமா..? சொத்து வாங்க சரியான நேரமா இது..?

கேள்வி - பதில் - Q & A

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

சுரேஷ் குமார், இ-மெயில் மூலம்

இப்போது வீட்டுக் கடன் வட்டி குறைவாக உள்ளது. அதனால் மனை, வீடு போன்ற சொத்து களை வாங்க சரியான நேரமா?

ஏ.கே.நாராயண், ஆலோசகர், https://aknarayanassociates.com

“வீட்டுக் கடன் வட்டி மிகவும் குறைவாக இருப்பது, வீடுகளின் விலை குறைந்திருப்பது மற்றும் பில்டர்களின் சலுகைகள் போன்ற வற்றால் இப்போது வீடு வாங்க சரியான நேரமாக உள்ளது. கடனில் வீடு வாங்கும்போது, வீட்டுக்கு எடுத்து வரும் சம்பளத்தில் 30 சதவிகிதத்துக்கு மேல் மாதத் தவணை போகாமல் பார்த்துக்கொள்ள வேண்டும்.

இந்த வீடு குடியிருப்பதற்காக இருக்க வேண்டும். வீட்டின் விலையுடன் ஒப்பிடும்போது வாடகைக்கு விடுவது லாபகரமாக இருக்காது. அடுத்து வீட்டின் மதிப்பில் அதிகபட்சம் 70% தொகையைதான் கடனாக வாங்க வேண்டும். தற்போதைய சூழ்நிலையில் கடன் வாங்கி வீட்டு மனை வாங்குவது புத்திசாலித்தனம் அல்ல.”

பாலாஜி பாஸ்கரன், இ-மெயில் மூலம்

ஈக்விட்டி ஃபண்டுகளில் அஸெட் அலொகேஷன் இல்லாமல் 25 ஆண்டு களுக்கு 100% தொகையை முதலீடு செய்யலாமா?

ஶ்ரீகாந்த் மீனாட்சி, இணை நிறுவனர், Primeinvestor.in

“அஸெட் அலொகேஷன் என்பது மொத்த முதலீட்டுத் தொகையில் பங்குச் சந்தை சார்ந்த திட்டங்களில் ஒரு பகுதியும் கடன் சார்ந்த திட்டங்கள் மற்றும் தங்கத்தில் மற்றொரு பகுதியும் முதலீடு செய்யும் விதமாகும். இப்படிச் செய்வதால், பங்குச் சந்தை சரிவில் இருக்கும் சமயங்களில் மற்ற முதலீடுகள் பலத்த சரிவுகளிலிருந்து காக்கும். மேலும், வாய்ப்பு கிடைக்கும்போது கடன் முதலீடுகளிலிருந்து பங்குச் சந்தைக்கு முதலீட்டு மாற்றம் செய்யவும் வழி வகுக்கும். இந்தக் காரணங்களுக் காகவே அஸெட் அலொகேஷன் முறை பரிந்துரைக்கப்படுகிறது.

நீங்கள் 25 ஆண்டுகளுக்கு பொறுமையாக நிதானம் இழக்காமல் முதலீடு செய்ய முடியும் என்ற நம்பிக்கை இருந்தால், 100% ஈக்விட்டி ஃபண்டுகளில் முதலீடு செய்யலாம். முதலீட்டு முடிவு காலத்துக்கு சில வருடங் களுக்கு முன்னதாகக் கடன் ஃபண்டுகளுக்கு முதலீட்டை மாற்றம் செய்துகொள்வது உசிதமாக இருக்கும்.”

செல்வபெருமாள், தூத்துக்குடி

பொதுத்துறை வங்கியான எஸ்.பி.ஐ பங்கில் முதலீடு செய்யத் திட்டமிட்டுள்ளேன். ஃபண்ட மென்டல் மற்றும் டெக்னிக்கல்படி இந்தப் பங்கில் இப்போது முதலீடு செய்யலாமா?

கே.கார்த்திக் ராஜா, செபி பதிவு பெற்ற ரிசர்ச் அனலிஸ்ட், Rupeedesk.in

“தாராளமாக முதலீடு செய்யலாம். குறுகிய காலம் மற்றும் நீண்டகாலத்துக்கு இந்தப் பங்கில் முதலீட்டை மேற்கொள்ளலாம். சுமார் ரூ.345 - 365 விலையில் வாங்கவும். பங்கின் விலை வரும் மாதங்களில் ரூ.420 முதல் ரூ.440–க்கு உயர வாய்ப்புள்ளது.’’

ஏ.கே.நாராயண், ஶ்ரீகாந்த் மீனாட்சி, கே.கார்த்திக்,  த.முத்துகிருஷ்ணன்ராஜா, பாபு கிருஷ்ணமூர்த்தி, தெய்வானை ராஜ்பாண்டியன்
ஏ.கே.நாராயண், ஶ்ரீகாந்த் மீனாட்சி, கே.கார்த்திக், த.முத்துகிருஷ்ணன்ராஜா, பாபு கிருஷ்ணமூர்த்தி, தெய்வானை ராஜ்பாண்டியன்

பாக்கியலட்சுமி, கோட்டயம்

எஸ்.பி.ஐ கான்ட்ரா ஃபண்ட் கடந்த ஓராண்டில் சுமார் 70% வருமானம் கொடுத்திருக்கிறது. இந்த ஃபண்டில் நான் முதலீடு செய்யத் திட்டமிட்டிருக்கிறேன். நான் ரிஸ்க் எடுக்கத் தயார். இந்தப் பணம் எனக்கு 10 ஆண்டுகள் கழித்துக் கிடைத்தால் போதும். எனக்கு வழிகாட்டவும்.

த.முத்துகிருஷ்ணன், சர்டிஃபைட் ஃபைனான்ஷியல் பிளானர்

“கான்ட்ரா ஃபண்டை விட ஃபிளக்ஸிகேப் சிறந்ததாக இருக்கும். இந்த ஃபண்டில் மொத்தமாக முதலீடு செய்வதற்கு பதில் சிஸ்டமேட்டிக் இன்வெஸ்ட் மென்ட் பிளான் (எஸ்.ஐ.பி) முறையில் முதலீடு செய்வது லாபகரமாக இருக்கும்.”

அ.கணேசன், திருப்பூர்

என் வயது 35. வளர்ந்து வரும் தொழில் அதிபர். ஆண்டு வருமானம் சுமார் ரூ.12 லட்சம். இதுவரைக்கும் எந்தக் காப்பீடும், முதலீடும் செய்யவில்லை. நான் அதிகபட்சம் வருமான வரியை மிச்சப்படுத்த வழிகாட்டவும்.

பாபு கிருஷ்ணமூர்த்தி, Chief Sherpa, Finsherpa.com

“உங்களின் ஆண்டு வருமானத்தில் குறைந்தபட்சம் 25% சேமிக்க வேண்டும். முதலீட்டை ஆரம்பிக்கும் முன் நீங்கள் ரூ.2.5 கோடிக்கு 20 ஆண்டுகளுக்கு டேர்ம் இன்ஷூரன்ஸ் பாலிசி எடுத்துக்கொள்ள வேண்டும். இதற்கு ஆண்டு பிரீமியம் சுமார் 40,000 ரூபாய் இருக்கும். இந்த பிரீமியத் தொகைக்கு 80சி பிரிவின்கீழ் வரிச் சலுகை கிடைக்கும்.

உங்களுக்கு ஏற்கெனவே வீடு இருந்தால், இன்னொரு வீடு தேவை இல்லை. வீடு இல்லை எனில், வரிச் சேமிப்புக்காக வீட்டுக் கடன் மூலம் வீடு வாங்க வேண்டாம். வீடு இல்லை எனில், முதலீடு செய்து, அந்தத் தொகையை கொண்டு வீடு வாங்குவதுதான் நல்லது.

ஒட்டுமொத்த குடும்பத் துக்கும் சேர்த்து ரூ.5 லட்சம் கவரேஜுக்கு ஹெல்த் இன்ஷூரன்ஸ் பாலிசி எடுத்துக்கொள்ளவும். இதற்கு கட்டும் ஆண்டு பிரீமியம் ரூ.20,000-க்கு 80டி பிரிவின்கீழ் வரிச் சலுகை கிடைக்கும்.

நேஷனல் பென்ஷன் சிஸ்டத்தில் (என்.பி.எஸ்) மாதம் குறைந்தபட்சம் ரூ.5,000 முதலீடு செய்துவரவும். இது நீண்டகாலத்துக்கு உங்களுக்கு வருமான வரிச் சலுகை கிடைக்கும். இந்த முதலீட்டுக்கு 80சி மற்றும் 80சிசிடி(1)-ன்படி, நிதி ஆண்டில் அதிகபட்சம் ரூ. 2 லட்ச முதலீட்டுக்கு வரிச் சலுகை கிடைக்கும். கூடவே, ஓய்வுக்காலத் தொகுப்பு நிதியும் சேரும்.

இவை தவிர, வரிச் சலுகை அளிக்கும் இ.எல்.எஸ்.எஸ் ஃபண்டில் எஸ்.ஐ.பி முறையில் மாதம் ரூ.8,000 முதலீடு செய்து வரவும். இந்த முதலீட்டுக்கு நிதி ஆண்டில் நிபந்தனைக்கு உட்பட்டு, ரூ.1.5 லட்சம் வரைக்கும் வரிச் சலுகை பெற முடியும்.

நீங்கள் உங்கள் ஆண்டு வருமானத்தில் 25% அதாவது ரூ.3 லட்சம் சேமிக்கும் பட்சத்தில், மேற்கண்ட செலவுகள் மற்றும் முதலீடு களை மேற்கொண்ட பிறகு ரூ.84,000 இருக்கும். இதை லார்ஜ்கேப் ஃபண்டில் (நீண்ட காலத்தில் செல்வம் உருவாக்க) மாதம் ரூ.3,000, ஷார்ட் டேர்ம் இன்கம் ஃபண்டில் (குறுகிய காலம் மற்றும் அவசரச் செலவுகளை மேற்கொள்ள) மாதம் ரூ.4,000 முதலீடு செய்து வரவும்.’’

வி.மாரியம்மாள், சங்கரன்கோவில்

நான் என் 30 வயதில் பப்ளிக் பிராவிடன்ட் ஃபண்ட் திட்டத்தில் முதலீட்டை ஆரம்பித்தேன். இது இப்போது முடிந்துவிட்டது. நான் மீண்டும் புதிய பி.பி.எஃப் கணக்கு ஆரம்பித்து முதலீடு செய்ய முடியுமா?

தெய்வானை ராஜ்பாண்டியன், அரசு அங்கீகாரம் பெற்ற அஞ்சலக முகவர்

“பி.பி.எஃப் திட்டத்தில் 15 வருடம் முடிந்த பிறகு கணக்கை முடித்துக்கொண்டு முதிர்வுத் தொகையைப் பெற்றுக்கொள்ளலாம் அல்லது கணக்கை முடிக்காமல் மேலும் ஐந்து வருடங்களுக்கு நீட்டித்துக் கொள்ளலாம்.

முதிர்வுத் தொகையைப் பெற்றுக்கொள்ள விரும் பினால், மீண்டும் ஒரு புதிய கணக்கைத் தொடங்கலாம். ஒருவருக்கு ஒரு நேரத்தில் ஒரு பி.பி.எஃப் கணக்கு மட்டுமே இருக்க வேண்டும் என்பதை மறக்காதீர்கள்!”

கேள்விகளை அனுப்புபவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. navdesk@vikatan.com