Published:Updated:

செலவு... சேமிப்பு... முதலீடு... கடன்... காப்பீடு... பணத்தைக் கையாள்வதில் இளைஞர்கள் கில்லாடிகளா..?

சேமிப்பு
பிரீமியம் ஸ்டோரி
News
சேமிப்பு

ஆச்சர்யமூட்டும் சர்வே ரிப்போர்ட் - cover story

இன்றைய நிலையில் 23 முதல் 38 வயது வரை இருப்ப வர்களை ‘மில்லினியல் தலைமுறை இளைஞர்கள்’ என்று அழைக்கிறோம். இந்த வயது உடையவர்களின் நிதிப் பழக்கம், செலவு செய்யும் முறை, அவர்களின் முதலீட்டுக் கண்ணோட்டம் எப்படி இருக்கிறது என்பதைத் தெரிந்து கொள்வதற்காக, விகடன்.காம் வலைதளத்தில் சர்வே ஒன்றை நடத்தினோம். பல நூறு இளைஞர்கள், இந்த சர்வேயில் பங்கெடுத்தார்கள். (இந்த சர்வேயில் கேட்கப்பட்ட சில முக்கியமான கேள்விகள் இன்ஃபோ கிராபிக்ஸாக...)

சேமிப்பு
சேமிப்பு

‘‘இன்றைய இளைஞர்கள் குறைந்தபட்சம் ஒரு பட்டப்படிப்பைப் படித்தவர்களாக இருக்கிறார்கள். அவர்களிடம் நல்ல புத்திசாலித் தனமும் உலக நிலைமைகளை சட்டென்று புரிந்துகொள்கிற அறிவும் நிறையவே இருக்கிறது. நல்ல வேலை, கைநிறைய சம்பளம் என இவர்கள் புத்திசாலித்தனமாகச் சம்பாதித் தாலும், அதைச் சேமித்து வைப்பதிலும், முதலீடு செய்வதிலும் கோட்டை விட்டுவிடுகின்றனர்” என்றுதான் பலரும் நினைக்கிறார்கள். ஆனால், ‘‘நாங்கள் அப்படிப் பட்டவர்கள் அல்ல, எங்களுக்கும் முதலீடு, சேமிப்பு மற்றும் கடன் விஷயங்கள் மீதும் அக்கறை இருக்கிறது’’ என்பது இந்த சர்வே மூலம் தெளிவாகத் தெரிய வந்திருக்கிறது.

எவ்வளவுதான் சம்பாதித்தாலும் நிதி நிர்வாகம் செய்வதில் இன்றைய இளைஞர்கள் கில்லாடிகளாக இருக்கிறார்களா என்பது குறித்து நிதி ஆலோசகர் மற்றும் Primeinvestor.in நிறுவனத்தின் இணை நிறுவனர் வித்யா பாலாவிடம் பேசினோம்.

 வித்யா பாலா
வித்யா பாலா

“காலம் மாற புதிய தலைமுறை இளைஞர்களின் கனவுகளும் மாறுகிறது. இலக்குகளும் முடிவுகளும் கூட மாறுகின்றன. அப்படித்தான் இன்றைய மில்லினியல் தலைமுறை யினர் தங்களின் முதலீட்டுக் கண்ணோட்டத்தை, தங்களின் பெற்றோர்களைப்போல அல்லாமல், மாற்றி யோசிக்க ஆரம்பித்திருக்கிறார்கள். ஆனால், முதலீடு தொடர்பான சரியான முடிவுகளை எடுப்பதில் அவர்களுக்கு இன்னும் குழப்பங்கள் இருக்கத்தான் செய்கிறது.

உதாரணமாக, கோவிட் ஊரடங்கு நடவடிக்கைக்குப் பிறகு பங்குச் சந்தையில் பல இளைஞர்கள் முதலீடு செய்யத் தொடங்கியிருக்கிறார்கள். காரணம், கடந்த ஓராண்டுக் காலத்தில் பங்குச் சந்தை மிக அதிகமான லாபத்தைத் தந்திருக்கிறது. இந்த லாபத்தை உடனுக்குடன் எடுத்து, பங்குச் சந்தையை டிரேடிங் செய்து லாபம் பார்ப்பதற்கான ஒரு இடமாக அவர்கள் பார்க் கிறார்களே ஒழிய, நீண்டகால முதலீட்டுக்கு ஏற்ற இடமாக அவர்கள் அதைப் பார்க்கத் தொடங்கவில்லை என்பது வருத்தம் தரும் உண்மை. பங்குச் சந்தை என்பது நீண்டகால அடிப்படையில்தான் நல்ல வருமானத்தைக் கொடுக்கும்.

புதிய முதலீட்டு முறை...

இன்றைய மில்லினியல் இளைஞர்கள் அவர்களுடைய பெற்றோர்கள் செய்ததுபோல, ஃபிக்ஸட் டெபாசிட், தங்கம், ரியல் எஸ்டேட் போன்ற முதலீட்டுத் திட்டங்களுக்குதான் அதிக முக்கியத்துவம் கொடுக்கிறார்கள். இன்றைய இளைஞர்கள் வழக்கமான சேமிப்பு / முதலீட்டு முறைகளை விட்டுவிட்டு புதிய முறைகளைத் தேர்ந்த்தெடுக்கத் தொடங்கி யிருப்பது வரவேற்கத்தக்க விஷயம். அப்படியென்றால், அவர்கள் முழுமையாக மாறி விட்டார்களா என்று கேட்டால், இல்லை என்பதுதான் என் பதில். இந்த மாற்றமானது மிக மிக மெதுவாகத்தான் நடந்து கொண்டிருக்கிறது.

23 - 28 வயதும் 28 - 38 வயதும்

இந்த சர்வே முடிவைக் கொஞ்சம் கவனித்துப் பார்த்தால், ஒரு வித்தியாசம் பளிச்சென்று தெரிகிறது. 23 வயது முதல் 28 வயது வரை உள்ள இளைஞர் களின் நிதி சார்ந்த பழக்க வழக்கமும், 28 வயது முதல் 38 வயது வரை உள்ள இளைஞர்களின் நிதி சார்ந்த பழக்கவழக்கமும் வெவ்வேறாகத் தான் இருக்கிறது. 28 வயதுக்குக் குறைவாக உள்ளவர்கள் அதிகமாகச் செலவு செய்பவர்களாகவும், சேமிப்பதில் அதிக நாட்டம் இல்லாதவர்களாகவும் இருக்கிறார்கள். அதேபோல, கேட்ஜெட்டுகளுக்கு அவர்கள் செய்யும் செலவுகள் அதிகமாக இருக்கிறது. வங்கிகள் விரிக்கும் கிரெடிட் கார்டு வலையில் சிக்கிக் கொள்பவர்களும் இந்த வயதுக்காரர்களே. அதுவே 28 வயதைக் கடந்தவர்கள், திருமணமானவர்களாகவும், வீட்டுக் கடன் மாதிரியான கமிட் மென்டுகளை வைத்திருப்பவர்களாகவும் இருப்பதால், அவர்களுடைய கடமைகளும், பொறுப்புகளும் அவர்களை அதிகம் சேமிக்கவும் முதலீடு செய்யவும் தூண்டுவதாக இருக்கிறது.

நகைச் சீட்டும் சிட் ஃபண்டுகளும்...

இந்த சர்வே முடிவுகளில் 22.9% பேர் தங்க நகைச் சீட்டிலும், 28.5% பேர் ஏலச்சீட்டிலும் சேமிப்பதாகச் சொல்லியிருக் கிறார்கள். நகைச் சீட்டும், ஏலச்சீட்டும் சரியான முதலீட்டு அணுகுமுறை கிடையாது என்பதை அவர்கள் முதலில் புரிந்து கொள்ள வேண்டும். நீண்ட காலத்தில் இதைவிட நல்ல லாபம் தரும் வாய்ப்புகளைக் கண்டறிந்து, அவற்றில் முதலீடு செய்வதே சரி.

மருத்துவக் காப்பீடு முக்கியம்...

கொரோனா நோய் தொற்றுப் பரவலுக்குப் பின்பு, ஹெல்த் மற்றும் டேர்ம் இன்ஷூரன்ஸ் மீதான விழிப்புணர்வு சம்பாதிக்கும் ஒவ்வொருக்கும் வந்திருக் கிறது. அந்த வகையில், மில்லினல்களும் இன்ஷூ ரன்ஸ் குறித்த விழிப்புணர்வை பெற்றிருக்கிறார்கள். இது நல்ல விஷயம். ஏனெனில், அனைவருக்கும் வீடு எப்படி முக்கியமோ, அதேபோல அனைவருக்கும் இன்ஷூ ரன்ஸ் மிகவும் முக்கியம்.

சேமிப்பு
சேமிப்பு
அவசரகால நிதி
அவசரகால நிதி

அவசரகால நிதி...

அவசரகால நிதி குறித்த விழிப்புணர்வு, 30 வயதுக்கு கீழ் இருப்பவர்களைவிட, 30 வயதை கடந்தவர்களுக்கு சற்று அதிகமாக இருக்கிறது. அதனால் அவர்கள், வருமானத்தில் ஒரு பகுதியை அவசரகால நிதிக்காக ஒதுக்கு கிறார்கள். சர்வே முடிவு களிலும், 38.5% பேர் சேமிப்பதாகவும், 32.8% பேர் ஓரளவுக்கு சேமிப்பதாகவும் குறிப்பிட்டிருப்பது மகிழ்ச்சி அளிக்கிறது. ஆனால், 26.9% சேமிக்கவில்லை என்பதும் வருத்தத்தை ஏற்படுத்துகிறது.

செலவு... சேமிப்பு... முதலீடு... கடன்... காப்பீடு... பணத்தைக் கையாள்வதில் இளைஞர்கள் கில்லாடிகளா..?
செலவு
செலவு
கடன்
கடன்

பட்ஜெட்டா... அப்படின்னா..?

பட்ஜெட் போட்டு செலவு செய்யும் பழக்கம் இல்லை என 53.2% பேர் சொல்லியிருப்பதும் கவனிக்க வேண்டிய விஷயம். மாதாந்தர பட்ஜெட் போட்டு செலவு செய்யும் போதுதான், வரவு செலவு விஷயங் களை முழுமையாக அறிய முடியும். எந்த இடத்தில் அதிகமாக செலவு செய்கிறோம் என்பதைத் தெரிந்து கொண்டு, குறைத்துக் கொள்வதற்கும் இந்தப் பழக்கம்தான் உதவி செய்யும்.

முதலீடு
முதலீடு

தெரிந்துகொள்ளுங்கள்...

இன்றைக்கு எல்லா முதலீட்டுத் திட்டங்கள் பற்றிய தகவல்களும் இணையத்தில் கொட்டிக் கிடக்கிறது. இவற்றில் சரியான தகவல்களைத் தெரிந்து கொள்வதும், அதைச் சரியாகப் புரிந்து கொள்வதும்தான் அவசியம். இதைச் செய்வதில் சிரமங்கள் இருந்தால், சரியான நிதி ஆலோசகர்களை அணுகி, முதலீட்டுத் திட்டங்கள் குறித்த தெளிவைப் பெறுவது நல்லது. நிதி நிர்வாகம் தொடர்பான விஷயங்களில் இன்றைக்கு கவலை இல்லாமல் இருப்பவர்கள், பிற்காலத்தில் மிகவும் வருத்தப்படுகிறவர்களாகவே இருப்பார்கள். எனவே, இந்த விஷயத்தில் இப்போதே சரியான முடிவுகளை எடுப்பது அவசியம்’’ என்றார் வித்யா பாலா. இன்றைய இளைஞர்கள் இந்த விஷயத்தில் கால தாமதம் செய்யாமல் இருப்பதே நல்லது.

இன்ஃபோகிராபிக்ஸ்: எம்.மகேஷ்

பார்வதி, வீடியோ ஜாக்கி.
பார்வதி, வீடியோ ஜாக்கி.

கடன் வேண்டாம்!

பார்வதி, வீடியோ ஜாக்கி.

“வரவு செலவு விஷயங்களை நான் எப்போதுமே குறித்து வைப்பது வழக்கம். சின்னச் சின்ன செலவுகளாக இருந்தாலும் அதை, அவ்வப்போது எழுதி வைத்து, நாம் சரியாகத்தான் செலவுகளை மேற்கொள்கிறோமா என்பதை சரிபார்த்துக் கொள்வேன். கடன் வாங்கக்கூடிய சூழ்நிலையை ஏற்படுத்திக் கொண்டது கிடையாது. அதேபோல, பிறருக்குக் கடன் கொடுப்பதிலும் கொஞ்சம் கவனமாக இருப்பேன். பங்குச் சந்தை மற்றும் மியூச்சுவல் ஃபண்டுகளில் பணத்தை முதலீடு செய்ய இன்னும் ஆரம்பிக்கவில்லை. ஆனால், தங்கமாகவும் சிட் ஃபண்டுகளிலும் பணத்தை சேமித்து வருகிறேன்.”

மகேஷ், நடிகர்
மகேஷ், நடிகர்

இன்ஷூரன்ஸ் ரொம்ப முக்கியம் பாஸ்!

மகேஷ், நடிகர்

“ஒரு மனிதனுக்கு இன்ஷூரன்ஸ் மிகவும் முக்கியமான விஷயம் என்பது என் அனுபவம். அதனால், எனக்கும் என் குடும்பத்தாருக்கும் போதுமான அளவுக்கு ஹெல்த் இன்ஷூரன்ஸ் எடுத்து வைத்திருக்கிறேன்.

என்னுடைய வருமானத்தில், எப்போதுமே 20% தொகையை சேமிப்புக்காக ஒதுக்குவதை வழக்கமாக வைத்திருக்கிறேன். அந்த சேமிப்பையே என் அவசரகாலத் தேவைக்காகப் பயன்படுத்திக் கொள்வேன். சேமிக்கும் பழக்கம் எனக்கு வந்த பிறகு, நண்பர்கள், உறவினர்களிடம் கடன் வாங்குகிற நிலைக்கு ஆளாவதில்லை.”

ப்ரீத்தி சஞ்சீவ், சின்னத்திரை நடிகை.
ப்ரீத்தி சஞ்சீவ், சின்னத்திரை நடிகை.

லோன் கமிட்மென்ட் வேண்டும்!

ப்ரீத்தி சஞ்சீவ், சின்னத்திரை நடிகை.

“சொத்துகளைச் சேர்த்து வைப்பது முக்கியம். அதனால் சொந்தமாக வீடு வாங்கியிருக்கிறேன். வீட்டுக் கடன் இ.எம்.ஐ ஒவ்வொரு மாதமும் செலுத்தி வருகிறேன். லோன் கமிட்மென்டை ஏற்படுத்திக் கொள்ளும்போது, செலவுகளை ஆட்டோ மேட்டிக்காகக் குறைத்துக் கொள்கிறோம். அதே சமயம், வட்டி அதிகமுள்ள கிரெடிட் கார்டு லோன், பர்சனல் லோன் மாதிரியான கடன்களை நான் வாங்குவது கிடையாது.’’