Published:Updated:

அஸெட் அலொகேஷன்... யாருக்கெல்லாம் ஏற்றதாக இருக்கும்?

அஸெட் அலொகேஷன்
பிரீமியம் ஸ்டோரி
News
அஸெட் அலொகேஷன்

FAQ - அடிக்கடி கேட்கப்படும் கேள்விகள்

அஸெட் அலொகேஷன் என்பதைத் தமிழில் ‘சொத்து ஒதுக்கீடு’ எனக் குறிப்பிட லாம். தங்கம், ரியல் எஸ்டேட், கடன் சந்தை சார்ந்த திட்டங்கள், பங்குச் சந்தை சார்ந்த திட்டங்கள் என்று முதலீடுகளைப் பிரித்து மேற் கொள்வதை ‘அஸெட் அலொகேஷன்’ என்பார்கள். இது குறித்து அடிக்கடி கேட்கப்படும் கேள்விகள் சிலவற்றைப் பார்ப்போம்.

ஹசன் அலி
ஆலோசகர், 
Siptiger.com
ஹசன் அலி ஆலோசகர், Siptiger.com

அஸெட் அலோகேஷன் செய்வதன் நோக்கம் என்ன?

“அஸெட் அலொகேஷனின் முக்கிய நோக்கம், முதலீட்டில் அதிக லாபம் ஈட்டுவது எனப் பலரும் நினைத்துக்கொண்டிருக்கிறார்கள். அது தவறு. இதன் உண்மையான நோக்கம், ஒருவரின் முதலீட்டுக் கலவையில் உள்ள ரிஸ்க்கைக் குறைப்பதாகும். ஒரு முதலீட்டாளர், ரியல் எஸ்டேட், தங்கம், ஃபிக்ஸட் டெபாசிட், பங்குச் சந்தை, மியூச்சுவல் ஃபண்ட் போன்றவற்றில் பிரித்து முதலீடு செய்யும்போது, அவர் எடுக்கும் ரிஸ்க் அளவு குறைகிறது. கூடவே, எப்போதும் ஒரு குறிப்பிட்ட அளவு வருமானத்தை அவரின் முதலீட்டுக் கலவை கொடுப்பதாக இருக்கும்.

இந்த முதலீடுகள் அனைத்தும் ஒரே நேரத்தில் லாபம் தராது. அதே போல், ஒரே நேரத்தில் மதிப்பு இறக்கம் காணவும் செய்யாது. எளிதாகச் சொல்வது என்றால், அஸெட் அலொகேஷன் என்பது ஒருவர் மூலதனத்தை இழப்பதைத் தடுக்கிறது.”

அஸெட் அலொகேஷன் முக்கிய நன்மை என்ன?

“ரிஸ்க்கைக் குறைத்து நீண்ட காலத்தில் பணவீக்கத்தைத் தாண்டிய லாபம் ஈட்ட அஸெட் அலொகேஷன் உதவுகிறது. மேலும், நிதித் திட்டமிடல் வேலையை அஸெட் அலொகேஷன் தானே செய்துவிடுகிறது.”

அஸெட் அலொகேஷனுக்கும் வயதுக்கும் என்ன தொடர்பு?

“பங்குச் சந்தை, ஈக்விட்டி மியூச்சுவல் ஃபண்டுகளில் அதிக ரிஸ்க் இருக்கிறது. இந்த முதலீடுகளில் நீண்டகாலத்தில் ரிஸ்க் பரவலாக்கப்படுகிறது என்றாலும் ஒருவர் அவரின் வயதுக்கேற்ப ரிஸ்க் எடுப்பது நல்லது. அந்த வகையில், வயதாக வயதாக ஈக்விட்டி சார்ந்த முதலீடுகளைக் குறைத்து கடன் சார்ந்த முதலீடுகளில் முதலீட்டை அதிகரிப்பது நல்லது.”

அஸெட் அலொகேஷனுக்கும் டைவர்சிஃபி கேஷனுக்கும் என்ன வித்தியாசம்?

“இவை இரண்டும் கிட்டத்தட்ட ஒரே அர்த்தம் கொடுப்பதுபோல் இருக்கும். ஆனால், வித்தியாசம் இருக்கிறது. அஸெட் அலொகேஷனின் ஒரு பகுதி தான் டைவர்சிஃபிகேஷன் (பலவகைப் படுத்துதல்). ஒருவர் எந்த முதலீட்டில் எவ்வளவு தொகையைச் சரியாகப் பிரித்து முதலீடு செய்ய வேண்டும் என்பது அஸெட் அலொகேஷன் ஆகும். ஒருவரின் அஸெட் அலொகேஷன்படி, அவர் ஈக்விட்டி ஃபண்டில் 50% முதலீடு செய்ய வேண்டும். இந்த ஈக்விட்டி ஃபண்ட் முதலீட்டை லார்ஜ்கேப் ஃபண்டில் 25%, மிட்கேப் ஃபண்டில் 15%, ஸ்மால்கேப் பண்டில் 10% எனப் பிரித்து முதலீடு செய்வது டைவர்சிஃபிகேஷன் எனப்படும்.’’

தங்கத்தில் எவ்வளவு முதலீடு செய்ய வேண்டும்?

“பொதுவாக, ஒருவரின் மொத்த முதலீட்டில் தங்க நாணயம், கோல்டு இ.டி.எஃப், கோல்டு பாண்ட் போன்ற வற்றில் சுமார் 10% முதல் 15% வரை முதலீடு செய்யலாம். தங்கத்துக்கான தேவை அதிகமாக இருக்கும்பட்சத்தில் கோல்டு சேவிங்ஸ் ஃபண்ட், கோல்டு இ.டி.எஃப், கோல்டு பாண்டு ஆகியவற்றில் முதலீட்டை அதிகரித்துக்கொள்ளலாம்.”

அஸெட் அலொகேஷன்
அஸெட் அலொகேஷன்

ரியல் எஸ்டேட் என்பது சொத்துப் பிரிவுகளில் முக்கியமான இடத்தைப் பிடித்திருந்தும் மியூச்சுவல் ஃபண்ட் அஸெட் அலொகேஷனில் அதற்கு இடம் இல்லை. ஏன்?

“தற்போதைய நிலையில் இந்தியாவில் சிறு முதலீட்டாளர் களுக்கு ஏற்ற ரியல் எஸ்டேட் சார்ந்த மியூச்சுவல் ஃபண்டுகள் இல்லை. எனவே, அந்தப் பிரிவு அஸெட் அலொகேஷனில் சேர்க்கப்படாமல் இருக்கிறது. அதே நேரத்தில், தனிநபர் நிதித் திட்டத்தில் ரியல் எஸ்டேட் என்பது குடியிருக்க வீடு என்பதாக மட்டுமே இருக்கிறது. இரண்டாவது வீட்டை முதலீட்டு நோக்கில் வாங்க நிதி ஆலோசகர்கள் பரிந்துரை செய்வ தில்லை. அஸெட் அலொகேஷன் ஃபண்டில் ரியல் எஸ்டேட்டை சேர்க்காததற்கு அதுவும் ஒரு காரணமாகும்.”

முதலீட்டைப் பிரித்து மேற்கொள் வதால், ரிஸ்க் எடுத்து பங்குச் சந்தை போன்றவற்றில் முதலீடு செய்து அதிக வருமானம் பெறுவது தடைபடாதா?

“முதலீட்டைப் பொறுத்தவரை, மூலதன பாதுகாப்புதான் முதல் முக்கிய அம்சமாக இருக்கிறது. அதற்கு அடுத்த இடத்தில்தான் வருமானம் இருக்கிறது. ஒருவரின் ரிஸ்க் எடுக்கும் திறனுக்கேற்ப அஸெட் அலொகேஷன் செய்யும் போது, அதில் குறிப்பிட்ட பகுதி முதலீடு பங்குச் சந்தை சார்ந்ததாக இருக்கும்போது, நீண்டகாலத்தில் சராசரியாக நல்ல வருமானம் கிடைக்க வாய்ப்புள்ளது.”

அஸெட் அலொகேஷன் என்பது ஒரே வயதுடைய இருவருக்கு ஒன்றுபோல் இருக்குமா?

“அப்படி இருக்காது. அஸெட் அலொகேஷன் என்ற முதலீட்டு ஒதுக்கீட்டு முறை, ஒவ்வொரு முதலீட்டாளருக்கும் மாறு பட்டிருக்கும். ஒருவரின் நிதி இலக்குகள், ரிஸ்க் எடுக்கும் திறன், வாய்ப்பு வசதி, முதலீட்டு இலக்குக்கான கால வரம்பு ஆகியவற்றைப் பொறுத்து மாறுபடும்.”

அஸெட் அலொகேஷன் குறுகிய காலத்துக்கானதா அல்லது நீண்ட காலத்துக்கானதா?

“பொதுவாக, சொத்துகளைப் பிரித்து முதலீடு செய்வது நீண்ட காலத்தில் முதலீட்டு மீதான ரிஸ்க்கைக் குறைத்து பணவீக்க விகிதத்தைத் தாண்டி நல்ல வருமானம் பெறத்தான். குறுகிய காலத்தில் பணம் தேவை எனில், எஃப்.டி, கடன் சார்ந்த ஃபண்டு களில் முதலீடு செய்து வரலாம்.’’

மல்ட்டி அஸெட் ஃபண்ட், அஸெட் அலொகேஷன் ஃபண்ட், டைனமிக் அஸெட் அலொகேஷன் ஃபண்ட் மூன்றும் ஒன்றா?

“மல்ட்டி அஸெட் ஃபண்டில் திரட்டப்படும் நிதி, பங்குச் சந்தை, கடன் சந்தை, தங்கம் ஆகியவற்றில் முதலீடு செய்யப் படும். அஸெட் அலொகேஷன் ஃபண்டில் பங்குச் சந்தை மற்றும் கடன் சந்தை சார்ந்த திட்டங் களில் முதலீடு செய்யப்படும். டைனமிக் அஸெட் அலொ கேஷன் ஃபண்டில் திரட்டப்படும் நிதி, நிறுவனப் பங்குகள் மற்றும் கடன் திட்டங்களில் முதலீடு பிரித்து முதலீடு செய்யப் பட்டாலும், பங்குச் சந்தையின் செயல்பாட்டைப் பொறுத்து பங்குச் சந்தை மற்றும் கடன் சந்தை முதலீடு மாறிக்கொண்டே இருக்கும்.”

புதிதாக முதலீட்டை மேற்கொள் பவருக்கு அஸெட் அலொகேஷன் ஃபண்ட் பொருத்தமானதாக இருக்குமா?

“இதில் ஓரளவுக்கு ரிஸ்க் குறைவு என்பதால், புதியவர்களுக்கு ஏற்றதாக இருக்கும். அதே நேரத்தில், நல்ல வருமான வரலாறு கொண்ட ஃபண்டுகளை அலசி ஆராய்ந்து முதலீட்டுக்குத் தேர்வு செய்வது அவசியம். அனைத்து அஸெட் அலொகேஷன் ஃபண்டுகளும் நல்ல வருமானத்தைக் கொடுப்பதில்லை.”

அஸெட் அலொகேஷன் ரீபேலன்ஸிங் என்றால் என்ன?

“உங்களின் முதலீட்டுக் கலவையை (போர்ட்ஃபோலியோ), வருமான உயர்வு மற்றும் பங்குச் சந்தை, கடன் சந்தைகளின் நிலவரங்களின் மாற்றங்களுக்கேற்ப அவ்வப்போது மாற்றியமைப்பது அவசிய மானது. உங்களின் நிதி இலக்குகள், ரிஸ்க் எடுக்கும் திறன் போன்றவை உங்களுக்கு வயது அதிகரிக்கும்போது அனுபவத்தின் அடிப்படையில் மாறக் கூடும். எனவே, உங்களின் தேவைகளுக்கேற்ப உங்கள் போர்ட்ஃபோலியோவில் தேவையான மாற்றங்களைச் செய்ய வேண்டும்.

இப்படி முதலீட்டுக் கலவையை மாற்றி அமைக்கும்போது, உங்களின் ரிஸ்க் எடுக்கும் திறனுக்கேற்ற பங்குச் சந்தை மற்றும் கடன் சந்தை முதலீடு என்பது தலா 50% இருக்க வேண்டும் என வைத்துக்கொள்வோம். அந்த ஆண்டில் பங்குச் சந்தை அபரிமிதமான வருமானத்தைத் தந்திருக்கிறது. உங்களின் முதலீட்டுக் கலவையின் மதிப்பில் பங்குச் சந்தை முதலீட்டின் மதிப்பு 70% ஆகவும் கடன் சந்தை சார்ந்த முதலீட்டின் மதிப்பு 30% ஆகவும் இருக்கிறது. இந்த நிலையில், பங்குச் சந்தை சார்ந்த முதலீடுகளில் 30 சதவிகிதத்தை விற்பனை செய்து அதைக் கடன் சார்ந்த திட்டங்களில் முதலீடு செய்வதன்மூலம் உங்களின் முதலீட்டுக் கலவையில் பங்குச் சந்தை மற்றும் கடன் சந்தை முதலீடு என்பது தலா 50 சதவிகிதமாக மாறிவிடும். இதைத்தான் அஸெட் அலொகேஷன் ரீபேலன்ஸிங் என்பார்கள்.”

பிட்ஸ்

த்தரப் பிரதேச முதல்வர் ஆதித்யநாத், எதிர்வரும் ஆண்டுக்கான பட்ஜெட்டை ரூ.5.5 லட்சம் கோடி மதிப்பில் தாக்கல் செய்ய விருப்பதாகச் சொல்லப்படு கிறது. இது கடந்த ஆண்டைவிட 7% அதிகம் ஆகும்!