கடிதங்கள்: அட்டைப்படத்துக்கு அப்ளாஸ்

கதாநாயகர்களை மட்டும் கொண்டாடிக்கொண்டு நாயகபிம்பத்தில் ரசிகர்கள் சண்டையிட்டுக்கொண்டிருக்க, அவர்களுக்கு இணையாக, அவர்களைவிடத் தீவிரக் கருத்தைத் தங்கள் படத்தில் பேசிக்கொண்டிருக்கும் நாயகிகளை ஒன்றுசேர்த்த ஆனந்தவிகடன் அட்டைப்படத்துக்கு நன்றிகள்!

- அனுராதா, பெங்களூரு.

தலையங்கத்தின் உட்கருத்தும் தலைப்பும் சாட்டையடியாக இருந்தது!

- விக்கிரமன், சோழிங்கநல்லூர்.

`சிங்கப்பெண்’ மாரியம்மாள் குறித்த விரிவான அறிமுகத்துக்கு நன்றியும் பாராட்டுகளும். இறுதிச்சுற்றில் அவர் வெல்ல வாசகர்களின் வாழ்த்துகளும் பிரார்த்தனைகளும் நிறைய உண்டு!

-ஜெயசந்திரன், வடவள்ளி.

இந்தியப் பொருளாதாரம் பற்றிய கட்டுரை நிறைய அடிப்படை ஐயங்களைத் தெளிவுபடுத்தியது.​​ மத்திய அரசு நிச்சயம் இந்த நிலையை மாற்ற முயற்சி செய்யும் என்று நம்புவோம்.

​- வேலழகன், பொள்ளாச்சி.

`சமுத்திரக்கனியா... அட்வைஸா கொல்வாரே’ என்று பலர் சொன்னாலும்​, அவர் கேள்வியிலிருக்கும் நியாயம் சிந்திக்க வைக்கிறது. தன் இத்தனை வருட அனுபவத்திலிருந்து அவர் இளைஞர்களுக்கு எதுவும் போதித்தால் அதில் தவறொன்றும் இல்லையே!

- கதிரேசன், மயிலாடுதுறை