கடிதங்கள்: நச்சென்ற நங்கூரம்!

90’ஸ் கிட்ஸ் ஆன எனக்கு, நெடுஞ்செழியன் என்பவரைப் பற்றிச் சிலரிடம் உரையாடும்போது கொஞ்சம் தெரிந்ததோடு சரி. ‘நாவலர் ஆன நாராணசாமி’ கட்டுரையைப் படித்த பிறகு விரிவாக அறிந்துகொண்டேன். மேலும் அவரைப் பற்றித் தெரிந்து கொள்ளும் ஆவலும் அதிகரித்தது. மிகவும் நன்றி!

- ஆனந்தி சம்யுக்தா, சேலம்.

​இறையுதிர் காடு தொடரில் இந்திரா சௌந்தர்ராஜன் பிரமிக்க வைக்கிறார். ​தமிழும் மெய்ஞ் ஞானமும் விஞ்ஞானமும் கலந்து அடிப்பதில் மெய் மட்டுமா சிலிர்க்கிறது; உயிர்மெய் இரண்டையுமே உலுக்கி எடுக்கிறது!

​- பாலு விஜய், vikatan.com ​

‘காவிரி: கைநழுவிப் போகுமா நீதி?’ தலையங்கம் நாம் அனைவரும் காவிரி உரிமைக்கு ஒன்றுகூடுவதற்கான முதல் குரலாக விகடன் குரல் ஒலித்தி ருக்கிறது. ஒன்றிணைவது நம் கடமையே.

- பெ.பாலசுப்ரமணி, திண்டுக்கல்​

`அவங்களுக்கென்ன, சினிமாவில டைரக்டர்’ என்று​ போகிற போக்கில் சொல்கிறோம். `டைட்டில் கார்டு’ பகுதியில் இயக்குநர் ஸ்ரீகணேஷின் வாழ்க்கையைப் பற்றிப் படித்த போது `எதுவும் சுலபமில்லை; எல்லாவற்றுக்குப் பின்னும் பெரும் உழைப்பு இருக்கிறது’ என்று தோன்றியது.

- வி.திலகம், நெல்லை.

புராஸ்தெட்டிக் மேக்கப் கலைஞர் பல்லவி ஷ்ராஃப் பேட்டியைப் படித்தபோது ‘இதான் ஆனந்தவிகடன்’ என்று தோன்றியது. மற்ற எந்தப் பத்திரிகையிலும் இவரைப் போன்றவர்கள் பற்றித் தெரிந்து கொள்ள முடியாது!

- ஆர்.ஆர்.உமா, திசையன்விளை.

வாவ்! என் ஃபேவரைட் நடிகர் சரத்பாபு பேட்டிக்கு நன்றி விகடனாரே. அவர் ஜெயலலிதா வுடன் நடித்திருக்கிறார் என்பதையே இப்போதுதான் அறிந்துகொண்டேன்!

- சி.குமாரசாமி, சென்னை.

28 வருடங்களாக ஓடிக் கொண்டிருக்கும் விக்ரம், இன்று அவர் மகனுக்கும் டஃப் ஃபைட் கொடுப்பார் என எதிர் பார்க்கலாம்!

- எஸ்.முரளி, ஸ்ரீரங்கம்.

இந்த வார கார்ட்டூனும் அதற்கான தலைப்பும் நச்சென்ற நங்கூரம்!

- சிம்மவாஹினி, வியாசர் காலனி.