Published:Updated:

வலசை போகும் வண்ணத்துப் பூச்சிகள்!

வலசை போகும் வண்ணத்துப் பூச்சிகள்!
பிரீமியம் ஸ்டோரி
வலசை போகும் வண்ணத்துப் பூச்சிகள்!

இயற்கைபேரா.சோ.மோகனா

வலசை போகும் வண்ணத்துப் பூச்சிகள்!

இயற்கைபேரா.சோ.மோகனா

Published:Updated:
வலசை போகும் வண்ணத்துப் பூச்சிகள்!
பிரீமியம் ஸ்டோரி
வலசை போகும் வண்ணத்துப் பூச்சிகள்!

றவைகள் வலசைபோவதை, மீன்கள் வலசை போவதைப்பற்றி பாட புத்தகத்தில் படித்திருக்கிறோம். ஆனால், வண்ணத்துப் பூச்சிகள் வலசை போவதைப்பற்றிப் படித்திருக்கிறோமா? இது என்ன புதுக்கதையா இருக்குதுன்னு பார்க்கிறீர்களா? உண்மைதான்! அமெரிக்க ஐக்கிய நாடுகளில் வாழும் மோனார்க்  வண்ணத்துப்பூச்சிகள் வலசை போவதற்கு புகழ்பெற்றவை. அதுவும் எவ்வளவு தூரம் தெரியுமா? சுமாராக 4,828 கிலோ மீட்டர்கள். நினைத்துப்பார்க்கவே ஆச்சர்யமா இல்லை!

மொனார்க் வண்ணத்துப்பூச்சியின் வாழ்நாளோ 6-8 வாரங்கள்தான், எடை 0.25-0.75 கிராம்தான்.  ஒரு கிராம் எடை கூட இல்லை. இந்தப்  பூச்சி சுமார் 4800 கி.மீ பறந்து பயணிக்கிறது என்றால் வியப்பாக இல்லையா?

முதுகெலும்பில்லாத இந்த வண்ணத்துப்பூச்சிக்கு ஏன் மோனார்க்  என்ற பெயர் வந்தது தெரியுமா? வண்ணத்துப் பூச்சிகளின் மிகவும் அழகானது இந்த மொனார்க்  வண்ணத்துப் பூச்சி. மேலும் மோனார்க்  என்பதற்கு ஆளும் அரசன் என்று பொருள்.

வலசை போகும் வண்ணத்துப் பூச்சிகள்!

ஒட்டுமொத்த விகடனுக்கும் ஒரே ஷார்ட்கட்!

மோனார்க் வண்ணத்துப்பூச்சிகள் வருடந்தோறும், மெக்சிகோ நோக்கி இலையுதிர் காலத்தில், குளிரிலிருந்து தப்பிக்க, அமெரிக்கா மற்றும் கனடாவிலிருந்து தென்மேற்கு மெக்சிகோ நோக்கி வலசை போகின்றன. இது பூச்சி இனங்களில் தனித்துவம் வாய்ந்தது. வேறு எந்தப் பூச்சியும் வலசை போவதில்லை. மேலும் இந்த மெக்சிகோ வலசை மிகவும் அற்புதமானதும், உலகப் புகழ்பெற்றதும் ஆகும்.

இந்த மோனார்க் வண்ணத்துப் பூச்சிகளிடம், இலையுதிர்காலம் இப்ப வரப்போகிறது என்று சொல்லி மெக்சிகோ நாட்டுக்குப் புறப்படுங்கள் என்று சொன்னது யார்? யாரும் இல்லை. ஆனால், ஒவ்வோர் ஆண்டும் அக்டோபர் மாதம்தான் புறப்படும் என்றில்லை. சிலசமயம் சீக்கிரமாகவும் கூட புறப்பட்டுப் போகும். வட அமெரிக்காவின் வெப்பநிலைதான் இதைத் தூண்டுகிறது. பகல்நேரம் குறையத்  தொடங்கி வெப்பநிலையும் குறைந்து, குளிர் சீக்கிரமே வந்துவிட்டால், மோனார்க் வண்ணத்துப்பூச்சி,  அமெரிக்காவில் இருக்கும் வீடு புள்ள குட்டிகளை விட்டுட்டு அப்படியே  பயணம் புறப்பட்டு விடும் மெக்சிகோ நோக்கி...  

வலசை போகும் வண்ணத்துப் பூச்சிகள்!

மோனார்க் வண்ணத்துப்பூச்சி  மெக்சிகோ போயச் சேர முழுமையாக இரன்டு மாதம் ஆகும். மொனார்க் ஒரு நாளில் சுமார் 80-160 கி.மீ தூரம் பறக்கும். ஒரு நாளில் 450 கி.மீ பயணம் செய்த மோனார்க் வண்ணத்துப் பூச்சியையும் கூட பதிவு செய்து வைத்துள்ளனர். அங்கே போன மொனார்க் வண்ணத்துப்பூச்சி ஜம்முன்னு குளிர்கால தூக்கம் (Hibernation) போடும். அமெரிக்காவின் கிழக்குப்பகுதியில் இருப்பவை மேற்குப் பகுதி மெக்சிகோவுக்கும், அமெரிக்காவின் மேற்குப்பகுதியில் உள்ளவை தெற்கு கலிபோர்னியாவுக்கும்,  குளிரிலிருந்து தம்மைப் பாதுகாத்து, உயிரைத் தக்க வைக்க கூட்டம் கூட்டமாக நீள்பயணம் மேற்கொள்ளுகின்றன.

இப்படிப் புறப்பட்டுப்போன பூச்சிகளின் 4 வது, 5 வது  சந்ததிகளே அமெரிக்கா மற்றும் கனடாவுக்குள் இனப்பெருக்கம் செய்ய வசந்த காலத்தில் வந்துவிடுகின்றன.மெக்சிகோவில் இவை போய் தங்கி உள்ள இடத்துக்கு `மோனார்க் வண்ணத்துப்  பூச்சி ரிசர்வ்’ என்றே பெயர். அங்கே மரங்களின் மேலே ஒன்றின் மீது ஒன்று அடையாய் அப்பிக்கொண்டு குளிர்கால நீடு துயில் கொள்ளுகின்றன. இந்த இரண்டு மாத காலமும் எந்த உணவும் கிடையாது. மோனார்க் வண்ணத்துப்பூச்சிகளுக்கு சுவாசிக்க நுரையீரல் கிடையாது. ஆனால் இறக்கைகளின் வழியே தென்படும் நரம்புகள் வழியே சுவாசம் செய்கின்றன.

வலசை போகும் வண்ணத்துப் பூச்சிகள்!

மோனார்க் வண்ணத்துப் பூச்சிகள் ஒருவகை களைச்செடியின் தழையையே  சாப்பிடும், அதிலேயே முட்டையிடும். இந்தக் களைச்செடியில் நஞ்சு உள்ளது. எனவே இதனை உண்டு வாழும் மோனார்க் வண்ணத்துப்பூச்சியும், அதன் கம்பளிப்புழுவும் கூட, விஷத்தன்மை வாய்ந்ததாகவே இருக்கும் , மேலும் இவை அருகில் வந்தாலே, வயிற்றைப் புரட்டும் நாற்றம் வரும். எனவே, மோனார்க் வண்ணத்துப்பூச்சியை, எந்தப் பறவையும் பாலூட்டியும் சாப்பிடாது. அவ்வளவு கெட்ட வாடை வீசும். மேலும் இதைச் சாப்பிட்டால், சாப்பிட்ட விலங்குகள் இறந்துவிடும் எனவே, இந்த ராசா மகள் மோனார்க் வண்ணத்துப்பூச்சிக்கு இயற்கை எதிரி என்று யாரும் கிடையாது.

இயற்கையின் படைப்பில் உள்ள அதிசயம்தான் இந்த வலசை போகும் வண்ணத்துப் பூச்சிகள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism