Published:Updated:

குழந்தையின்மையா?: காரணமில்லாததே காரணம்!

குழந்தையின்மையா?
பிரீமியம் ஸ்டோரி
குழந்தையின்மையா?

டாக்டர் வசுந்தரா ஜெகநாதன்

குழந்தையின்மையா?: காரணமில்லாததே காரணம்!

டாக்டர் வசுந்தரா ஜெகநாதன்

Published:Updated:
குழந்தையின்மையா?
பிரீமியம் ஸ்டோரி
குழந்தையின்மையா?

குழந்தையில்லாத தம்பதிகளுக்கு இருவரிடமும் எந்தப் பிரச்னையும் இருக்காது. குழந்தையின்மைக்காகச் செய்யப்படும் எல்லாப் பரிசோதனைகளிலும் ‘நார்மல்’ என்றே ரிசல்ட் வரும். ஆனாலும், குழந்தைப்பேறு கிட்டாது. இதை மருத்துவத் துறையில் ‘காரணம் கண்டறிய இயலாத குழந்தையின்மைநிலை’ (Unexplained Subfertility) என்கிறார்கள். இந்தப் பிரச்னையை எப்படி உறுதிப்படுத்துவது... இதற்குத் தீர்வுகள் உண்டா... விளக்கமாகப் பேசுகிறார், குழந்தையின்மை சிகிச்சை மருத்துவர் வசுந்தரா ஜெகநாதன்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

குழந்தையின்மையை உறுதிசெய்வதற்கான கால அவகாசம்

பொதுவாக ஒரு பெண்ணுக்கு 21 - 30 வயதுக்கு உட்பட்ட காலம் கர்ப்பம் தரிக்கச் சரியான காலம். அதற்காக ஒரு பெண்ணால் 30 வயதுக்குப் பின்னர் குழந்தை பெற்றுக்கொள்ள முடியாது என்பதில்லை. ஆனால், 30 வயதுக்கு மேல் குழந்தைப்பேற்றுக்கான வாய்ப்புகள் குறையத் தொடங்கிவிடும். ஒரு பெண்ணுக்கு 21 வயதில் திருமணம் முடிந்து, தொடர் தாம்பத்யத்தில் ஈடுபட்டும் குழந்தைப்பேறு இல்லையெனில், ஓராண்டு வரை பொறுத்திருக்கலாம். அதன் பின்னரும் கருத்தரிக்கவில்லை எனில், கருத்தரிப்பு மருத்துவரை அணுகி பரிசோதனைகள் மற்றும் சிகிச்சை முறைகளை மேற்கொள்ள ஆரம்பிக்கலாம். அதுவே, 30 வயதில் திருமணம் முடிகிறது எனில், ஆறு மாதங்கள்வரை கருத்தரிக்கக் காத்திருந்துவிட்டு, கருத்தரிப்பு மருத்துவரை அணுக வேண்டும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

குழந்தையின்மைப் பிரச்னையை உறுதிசெய்யும் பரிசோதனைகள்

பெண்களுக்கு முதலில் ரத்தச்சோகை, ஹார்மோன், தைராய்டு உள்ளிட்ட பரிசோதனைகள் செய்யப்படும். அவற்றில் பிரச்னைகள் இருப்பின் மருந்து, மாத்திரைகள் மூலமும் உணவின் மூலமும் சரிசெய்துவிட முடியும். அடுத்தபடியாக மாதவிடாய் சரியான இடைவெளியில் வருகிறதா என்பதும், கருக்குழாயில் அடைப்பு, தொற்று ஏதேனும் இருக்கிறதா என்பதும் பரிசோதிக்கப்படும். கருமுட்டை உற்பத்தி மற்றும் கருமுட்டை வளர்ச்சிக்கான சோதனைகளும் செய்யப்படும்.

குழந்தையின்மையா?: காரணமில்லாததே காரணம்!

ஆண்களுக்கு விந்தணுக்கள் பரிசோதனை (Semen Analysis) செய்து, விந்தணுக்களின் எண்ணிக்கை, நகரும் தன்மை மற்றும் அமைப்பு ஆகியவற்றில் ஏதேனும் பிரச்னை இருக்கிறதா என்று கண்டறியப்படும். தம்பதிக்கு மேற்சொன்ன எல்லாப் பரிசோதனைகளிலும் ரிசல்ட் ‘நார்மல்’ ஆக இருந்தும், அவர்களுக்குக் கருத்தரிக்கவில்லை என்றால், அது ‘காரணங்கள் கண்டறிய இயலாத குழந்தையின்மைநிலை’ என்று வகைப்படுத்தப்படும். நூற்றில் 10 - 15 சதவிகிதத் தம்பதிகளுக்கு இந்தப் பிரச்னை ஏற்பட வாய்ப்பு உண்டு.

சிகிச்சை முறைகள்

ஐயூஐ

ருத்தரித்தலில் சிக்கலுள்ள தம்பதிகளுக்கு முதலில் பரிந்துரைக்கப்படுவது, ஐயூஐ (IUI - Intrauterine Insemination) சிகிச்சை. இதில் ஆணின் விந்தணு நேரடியாகப் பெண்ணின் கர்ப்பப்பையில், கருமுட்டை வெளிப்படும் நேரத்தில் செலுத்தப்படும். இதற்காக, ஆணின் விந்தணுக்கள் கருத்தரிப்பு மையங்களில் உள்ள பிரத்யேக பாட்டில்களில் சேகரிக்கப்படும். பிறகு, ஆண்ட்ராலாஜிப் பரிசோதனைகள் செய்யப்பட்டு, சிறந்த உயிரணுக்கள் தேர்ந்தெடுக்கப்பட்டு, அவை பெண்ணின் கர்ப்பப்பையில் செலுத்தப்படும். சில தம்பதிகளுக்கு இது முதல் முயற்சியிலேயே வெற்றியடைந்துவிடலாம். சில தம்பதிகளுக்குக் கூடுதல் முயற்சிகள் தேவைப்படலாம். எனினும், நான்கு முறை ஐயூஐ செய்த பின்னரும் பயனளிக்கவில்லை என்றால், அந்தத் தம்பதிகளுக்கு ஐவிஎஃப் (IVF) என்ற டெஸ்ட் ட்யூப் பேபி முறை பரிந்துரைக்கப்படும்.

குழந்தையின்மையா?: காரணமில்லாததே காரணம்!

ஐவிஎஃப்

ணின் உயிரணுவையும் பெண்ணின் கருமுட்டையையும் அவரவரிடமிருந்து பெற்று, ஆய்வகத்தில் சோதனைக் குழாய்க்குள் அவற்றை ஒன்றாக்கிக் கரு உண்டாக்கி, பிறகு, ஐந்தாவது நாளில் அந்தக் கருவை கர்ப்பப்பைக்குள் செலுத்துவது ஐவிஎஃப் (In-Vitro Fertilisation) சிகிச்சை. இந்த முறையில் 50% பெண்களுக்குக் குழந்தைப்பேறு முயற்சி வெற்றியடையும்.

ஆண்களுக்கான அதிநவீன சிகிச்சை முறைகள்

  • ஆண்களுக்கு விந்தணுக்களின் எண்ணிக்கை குறைவாக இருந்தால் ஐசிஎஸ்ஐ (ICSI - Intracytoplasmic sperm injection) சிகிச்சை அளிக்கப்படும். இதில் ஆணின் தேர்ந்தெடுக்கப்பட்ட விந்தணு ஒன்று பெண்ணின் கருமுட்டையில் துளையிட்டுச் செலுத்தப்பட்டு கரு உருவாக்கப்படும்.

  • ஆண்களின் செமனில் (Semen) விந்தணுக்கள் காணப்படாத அஸுஸ்பெர்மியா (Azoospermia) நிலையில், அவர்களுக்கு சர்ஜரி முறையில் உயிரணு தேடியெடுக்கப்பட்டு, சிகிச்சைக்குப் பயன்படுத்தப்படும். இது `டெஸா' (TESA -Testicular Sperm Aspiration) சிகிச்சை என்று அழைக்கப்படும்

குழந்தையின்மையா?: காரணமில்லாததே காரணம்!

மேற்சொன்ன சிகிச்சை முறைகளைப் பலமுறை முயன்றும் தோல்வியுற்ற தம்பதிகளுக்கு, ஐவிஎஃப் சிகிச்சைக்காக உருவாக்கப்பட்ட கருவின் மரபணுவைச் சோதிக்கும் பிஜிஎஸ் (PGS - Preimplantation Genetic Screening) பரிசோதனை மற்றும் கர்ப்பப்பை கருவை ஏற்றுக்கொள்ளும் திறனைக் கண்டறியும் ஈஆர்ஏ (ERA - Endometrial Receptivity Assay) பரிசோதனையை மேற்கொண்டு, முடிவுகளின் அடிப்படையில் சிகிச்சை மேற்கொள்ளப்படும்.

குழந்தையின்மை பிரச்னையைத் தவிர்க்க...

குழந்தையின்மையா?: காரணமில்லாததே காரணம்!
  • சிறு வயதிலிருந்தே ஆரோக்கியமான உணவுப் பழக்கத்தை மேற்கொள்ள வேண்டும்.

  • வயதுக்கேற்ற உடல் எடையைப் பராமரிக்க வேண்டும்.

  • மாதவிடாய்கால ரத்தப்போக்கில் கவனம் வேண்டும்.

  • பிளாஸ்டிக் மற்றும் கெமிக்கல் பொருள்களின் பயன்பாட்டைத் தவிர்த்துவிட்டு, இயற்கை சார்ந்த பொருள்களை உபயோகிக்க வேண்டும்.

  • புகை, மதுப் பழக்கம் கூடாது.

  • உடற்பயிற்சி அவசியம்.

புற்றுநோய் பிள்ளைப்பேற்றை பாதிக்காமலிருக்க...

புற்றுநோயால் பாதிக்கப்பட்ட ஆண் களுக்கும் பெண்களுக்கும் அளிக்கப்படும் கீமோதெரபி மற்றும் கதிர்வீச்சு சிகிச்சைகளின் விளைவால் அவர்களின் கர்ப்பப்பை மற்றும் விந்துப்பை நிரந்தரமாகப் பாதிக்கப்படும். எனவே, இவர்களுக்கு `Fertility Preservation’ மேற்கொள்ளலாம். அதாவது, சம்பந்தப்பட்ட ஆண்களின் விந்துகளும் சம்பந்தப்பட்ட பெண்களின் கருமுட்டைகளும் சிகிச்சைக்கு முன்னரே சேமிக்கப்பட்டு, சிகிச்சை முடிந்த பின்னர் ஐவிஎஃப் முறையில் கருவுறச் செய்யலாம். அல்லது தம்பதிகள் எனில், அவர்களின் கருமுட்டை, விந்தணுவை இணைத்து கருவாகவே சேமித்து பாதுகாத்து வைத்துக்கொள்ளலாம். புற்றுநோய்க்கான சிகிச்சை முடிந்த பின்னர் இந்தக் கருவைப் பெண்ணின் கர்ப்பப்பையில் செலுத்தி மகப்பேறு பெறச் செய்யலாம்.

குழந்தையின்மையா?: காரணமில்லாததே காரணம்!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism