“நாங்கள் இப்போ பச்சைமலைப் பூக்கள்!”

திருச்சி to பச்சை மலைரீடர்ஸ் கிரேட் எஸ்கேப் / டொயோட்டா எட்டியோஸ் க்ராஸ்தமிழ், படங்கள்: தே.தீட்ஷித்

வாட்ஸ்-அப், ஃபேஸ்புக், யு-ட்யூப், ஸ்கைப் - இதுக்கெல்லாம் ரெண்டு நாள் லீவு விடணும்; இயற்கையை ரசிக்கணும்! என்னோட எட்டியோஸ் க்ராஸ்ல சின்னதா ஒரு கிரேட் எஸ்கேப் பண்ணணும்! தெறிக்க விடலாமா?’’ என்று சோஷியல் மீடியாக்கள் எல்லாவற்றிலும் மெசேஜ் தெறிக்க விட்டிருந்தார் சரண்யா. திருச்சியில் வாடகை கார் நிறுவனம் ஒன்றை, தனது தந்தையுடன் இணைந்து நடத்தி வரும் சரண்யாவிடம் பல கார்கள் இருந்தாலும், இந்த கிரேட் எஸ்கேப்புக்கு டொயோட்டா எட்டியோஸ் க்ராஸ் காரை சாய்ஸ் ஆக்கியிருந்தார். “ஏன்னா, எட்டியோஸ் க்ராஸ் கார்ல நீங்க இன்னும் கிரேட் எஸ்கேப் பண்ணலை... சரியா?” என்று க்ராஸின் ரிமோட் சாவியை நம்மிடம் திணித்தார்.

க்ராஸ் போலோ, i20 ஆக்டிவ் போன்றவற்றுக்குப் போட்டியாக வந்ததால், எட்டியோஸ் க்ராஸின் டிஸைனில் அதிக கவனம் செலுத்தி இருக்கிறது டொயோட்டா. ‘‘ஆனா, இந்த பிளாஸ்டிக் கிளாடிங் இன்னும் கொஞ்சம் ஸ்ட்ராங்கா இருந்திருக்கலாம் சார்!’’ என்று அறிமுகப்படுத்திக்கொண்டார் சரண்யாவின் தந்தை சுப்ரமணியன்.

Do you like the story?

Please Appreciate the Author by clapping!

Editor’s Pick