60 கார்கள்... 30 பைக்குகள்... ஊட்டியில் திருவிழா!

கண்காட்சி: வின்டேஜ் கார்/பைக் ச.ஜெ.ரவி, படங்கள்: தி.விஜய்

ன்னதான் புதிது புதிதாக அல்ட்ரா மாடர்ன் டிஸைன்களுடன் கார்கள் வெளிவந்து கொண்டிருந்தாலும், பழசுக்கு எப்போதுமே தனி மவுசுதான். இதை நீங்கள் ஊட்டியில் நடக்கும் வின்டேஜ் கார் கண்காட்சியில் பார்க்கலாம்.

‘‘இந்த ஆண்டு 11-வது தடவையாக நடக்கும் ஊட்டி வின்டேஜ் கார்களின் அணிவகுப்புக்கு உங்களை அன்புடன் அழைக்கிறோம்’’ என்ற அழைப்பைப் பார்த்துவிட்டு, ஊட்டிக்கு உடனடியாக மலை ஏறினோம்.

தமிழகம் மட்டுமல்லாது கேரளா, கர்நாடகா உள்ளிட்ட தென்னிந்தியாவின் பல்வேறு பகுதிகளில் இருந்தும் வின்டேஜ் கார் ரசிகர்கள், தங்களின் கார்களுடன் பங்கேற்றிருந்தனர். கடந்த ஆண்டைவிட இந்த ஆண்டு பல அபூர்வமான கார்களுடன் ஊட்டி YMCA மைதானத்தில் வின்டேஜ் கார் கண்காட்சியை ஏற்பாடு செய்திருந்தது, நீலகிரி வின்டேஜ் மற்றும் கிளாஸிக் கார் அசோஷியேஷன் (NiViKKA).
‘இந்த டிஸைன் செமையா இருக்குல்ல... இங்க பாரேன்... வீல் ஃபுல்லா மரத்தாலேயே பண்ணியிருக்காங்க!’ என்று புது மாடல் கார்களைப் பார்ப்பதுபோல் ஆங்காங்கே ஆச்சரியங்களில் விழி உயர்த்தியபடி உலா வந்தனர் வின்டேஜ் பிரியர்கள். வின்டேஜ் ஆர்வலர்களை மட்டுமல்ல; யாராக இருந்தாலும் அவர்களைச் சட்டென தன் பக்கம் திரும்ப வைப்பதுதான் வின்டேஜ் கார்களின் ஸ்பெஷல்.

1920-களில் துவங்கி 1970-கள் வரை பெரும் வரவேற்பைப் பெற்ற அபூர்வமான பல கார்கள், இந்தக் கண்காட்சியில் இடம்பெற்றிருந்தன. அணிவகுப்பில் அனைவரையும் ஆச்சரியத்தில் ஆழ்த்தியது டாட்ஜ் பிரதர்ஸ் கேரவேன்தான். வாகனத்தின் மேற்கூரையின் மேல் தண்ணீர் தொட்டி, உள்ளே கழிவறை என படுக்கை வசதி கொண்ட இந்த கேரவேன், 1930-ம் ஆண்டு அமெரிக்காவில் வடிவமைக்கப்பட்டது. மயிலாடுதுறை தர்மாபுரம் ஆதீனத்துக்குச் சொந்தமான இந்த கேரவேனை, நீலகிரி வின்டேஜ் கார் கிளப் தலைவர் ரஜினிகாந்த் பராமரித்து வருகிறார். இது காண்பவர்களைப் பெரிதும் கவர்ந்தது.

அடுத்து பார்வையாளர்களைத் தன் வசப்படுத்தியது, 1928 மாடலைச் சேர்ந்த ஸ்டுடிபேக்கர் எர்ஸ்கின் கார். இந்த காரின் சக்கரங்கள் மரத்தால் ஆனவை என்பது இதன் சிறப்பு. 1929 மாடல் காரான மோரீஸ் ராயல் மெயில் கார், லண்டன் தபால்துறையில் பயன்படுத்தப்பட்டது. மக்கள் காரின் வரலாறை ஆர்வத்துடன் கேட்டறிந்தனர்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்