ஏமியோ இல்லை... ரோமியோ!

டிராக் டிரைவ் - ஃபோக்ஸ்வாகன் ஏமியோ கப் கார்தமிழ் - படங்கள்: சொ.பாலசுப்ரமணியன்

சாதாரண சாலைகளில் ஓட்டுவதற்காக ஃபோக்ஸ்வாகன் தயாரித்ததுதான் ஏமியோ! இதே ஏமியோவில் ரேஸிங் வெர்ஷனும் இருக்கிறது. அதுதான் ஏமியோ கப். சென்னை ரேஸ் டிராக்கில் ஏமியோ கப் காரை டெஸ்ட் செய்தேன்.

சாதாரண ஏமியோவுக்கும், ரேஸிங் வெர்ஷனுக்கும் முன்பக்க டிசைனில் எந்த மாற்றமும் இல்லை. காரின் பின்பக்கத்திலும்  இதயத்திலும்தான். பின்பக்கம் ஸ்பாய்லரும், 17 இன்ச் டயர்களும்தான் டிசைனில் வெளியில் இருந்து பார்க்கும்போது தெரியும் மாற்றங்கள். இதைக் கவனிக்காமல் உள்ளே போய் உட்கார்ந்து ஆக்ஸிலரேட்டரை மிதித்தால் விவகாரம் புரியும். சூப்பர் கார் ரேஞ்சுக்கு `பீட்’ காதைப் பிளக்கிறது. ஆம்... இதில் இருக்கும் இன்ஜின்  4 சிலிண்டர் 1,798 சிசி டர்போ சார்ஜ்டு பெட்ரோல் இன்ஜின். இதன் பவர்  205 bhp. ஸ்டீயரிங்குக்குக் கீழேயே பேடில் ஷிஃப்டர்கள் வைக்கப்பட்டிருக்கின்றன.

ரேஸ் ட்ராக்கில் இன்ஸ்ட்ரக்டருடன் கோ-டிரைவர் சீட்டில் பயணம்செய்து ட்ரையல் பார்த்துக்கொண்டேன். சென்னை இருங்காட்டுக்கோட்டை ரேஸ் டிராக்கின்  நீளம் 3.74 கி.மீ. புத் சர்க்யூட் டிராக்குக்குப் பிறகு, ரேஸிங்கில் பக்காவான வளைவு-நெளிவுகள் கொண்ட டிராக், இருங்காட்டுக்கோட்டை டிராக்தான். 3.74 கி.மீ-யை தடாலென 1.35 நிமிடத்தில் கடந்து பிட் ஸ்டாப்பில் நிறுத்தினார் நமது இன்ஸ்ட்ரக்டர். விசாரித்தால், ``2016 ஏமியோ கப் சாம்பியன்’’ என்றார் அடக்கத்துடன்.

ஹெல்மெட் போட்டுக் கொண்டு காரில் ஏறினேன். ஐடிலிங்கிலேயே 2,500 ஆர்பிஎம்-க்கு நெருக்கத்தில் துடிதுடித்துக் கொண்டிருந்தது முள். ஆக்ஸிலரேட்டரை ஒரே மிதி. ஒரு ஸ்ட்ரெய்ட் ஸ்ட்ரெச்சில் 130 கி.மீ வேகத்தில் முள் துடித்தது... இதயமும்தான்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்