மாதத் தவணையா? மொத்தத் தொகையா?

இத்தொடரின் மற்ற பாகங்கள்:
தொடர் - கார் வாங்குவது எப்படி?தமிழ், படங்கள்: விநாயக்ராம், எஸ்.ரவிக்குமார்

சேல்ஸ்மேன்களின் டகால்ட்டி வேலைகளையெல்லாம் புரிந்து, இப்போது எந்தக் கார் வாங்குவது என்கிற முடிவுக்கு வந்திருப்பீர்கள். அதனால், எப்போதும் ஷோரூம்களில் பேரம் பேசத் தயங்கவே வேண்டியதில்லை. ‘ஷோரூம்ல போய் எப்படி பேரம் பேசுவது’ என்று சிலர் டிஸ்கவுன்ட் கேட்கத் தயங்கி, சேல்ஸ்மேன் சொல்வதற்கெல்லாம் தலையை ஆட்டி விடுவார்கள். இப்படிச் செய்தால் நஷ்டம் நமக்குத்தான்.

டிஸ்கவுன்ட் கேட்கலாமா?

லட்சங்களாகச் செலவழித்து கார் வாங்கப் போவது நீங்கள். எனவே, நீங்கள் கேட்ட டிஸ்கவுன்ட் கிடைக்கவில்லையென்றால், வேறு ஷோரூம்களில் கிடைக்கும் டிஸ்கவுன்ட்டைப் பற்றிச் சொல்லுங்கள். ‘கொஞ்ச நாளாகும் சார்’ என்றால், ‘பரவாயில்லை; காத்திருக்கிறேன்’ என்று அலெர்ட் ஆறுமுகம் போல் டீல் செய்யுங்கள். நிச்சயம் உங்கள் வழிக்கு வருவார்கள். டிஸ்கவுன்ட் குறைவாக இருக்கிறது என்று நீங்கள் கருதினால், ஆக்சஸரீஸ் கேட்கத் தயங்க வேண்டாம். 5 லட்ச ரூபாய் காருக்கு 5,000 ரூபாய் பெறுமான ஆக்சஸரீஸ் கொடுப்பதால், கம்பெனிக்குப் பெரிய நட்டம் வந்துவிடாது.

Do you like the story?

Please Appreciate the Author by clapping!

Editor’s Pick