இந்தியாவுக்கு வருது சிட்ரன்! | First look of Citroen C5 Aircross - Motor Vikatan | மோட்டார் விகடன்

வெளியிடப்பட்ட நேரம்: 06:00 (01/05/2019)

இந்தியாவுக்கு வருது சிட்ரன்!

ஃபர்ஸ்ட் லுக்: சிட்ரன் C5 ஏர்-க்ராஸ்

பெஜோ 309 (Peugeot 309)... இந்தப் பெயரை எங்கேயோ கேள்விப்பட்டது போல இருக்கிறதா? பிரெஞ்சு நாட்டைச் சேர்ந்த PSA குழுமம், இந்தியாவில் ப்ரீமியர் பத்மினி கார்களை விற்பனை செய்துவந்த PAL நிறுவனத்துடன் கூட்டணி அமைத்து, இந்தியாவுக்குள் கொண்டுவந்த முதல் கார் இதுதான். போதிய வரவேற்பு கிடைக்காததால், மிகக் குறைந்த காலமே (1994-1996) இந்தியாவில் இந்த கார் விற்பனை செய்யப்பட்டது. இருப்பினும் ஸ்டைலான டிசைன், பக்காவான சைஸ், சிறப்பான கட்டுமானம், தரமான இன்ஜின், அசத்தலான ஓட்டுதல் எனப் பல ப்ளஸ் பாயின்ட்களை அந்த கார் கொண்டிருந்தது. பிறகு 2011-ம் ஆண்டு இந்தியாவில், தனது செகண்டு இன்னிங்ஸை PSA குழுமம் தொடங்கும் என எதிர்பார்க்கப்பட்டது. ஆனால், திட்டமிட்டபடி எதுவுமே நடக்கவில்லை.

உலகளவில் ஹேட்ச்பேக், செடான், எஸ்யூவி, எம்பிவி எனப் பலதரப்பட்ட வாகனங்களைத் தயாரித்து விற்பனை செய்யும் Peugeot - Citroen, இந்தியாவில் நடக்கும் அதிகமான கார் விற்பனையை மனதில் வைத்து, திரும்ப வரும் முயற்சியில் இருந்தது. அதன் முதல்கட்டமாக பெஜோ(Peugeot)-வைக் களமிறக்காமல், சிட்ரன் (Citroen) பிராண்டைக் கொண்டுவர முடிவெடுத்திருக்கிறது PSA குழுமம். சர்வதேசச் சந்தைகளில் இந்த நிறுவனம் புதிய மாடல்களை அறிமுகப்படுத்துவதற்கு முன்பாக, அவை இந்தியாவில் விற்பனைக்கு வரும் என அறிவித்திருக்கிறார்கள்.

நீங்க எப்படி பீல் பண்றீங்க