கேள்வி பதில்: என்.ஆர்.இ & என்.ஆர்.ஓ கணக்குகளில் உள்ள பணத்துக்கு வருமான வரி உண்டா?

நான் தனியார் நிறுவனத்தில் ரூ.1 லட்சம் சீட்டு கட்டி வருகிறேன். கடந்த ஏப்ரலில், 40 மாத குரூப்பில் 28-வது சீட்டை ரூ.9,600-க்குத் தள்ளுபடி செய்து எடுத்தேன். 90,400 ரூபாய்க்குப் பதிலாக 89,045 ரூபாய்தான் தந்தார்கள். ரூ 1,355 ரூபாய் டாக்குமென்ட் சார்ஜ் பிடித்தம்’ என்கிறார்கள். மேலும், 30 நாள்களுக்குள் தரவேண்டிய பணத்தை 38 நாள் கழித்துத் தந்தார்கள். அவர்கள் செய்தது சரியா?

-ஏகப்பன், புதுக்கோட்டை

அ.சிற்றரசு, செயலாளர், இன்கார்ப்பரேட்டட் சிட் ஃபண்ட்ஸ் அசோசியேஷன், தமிழ்நாடு.

``பொதுவாக, ஒவ்வொரு நிறுவனத்திலும் குறிப்பிட்ட ஒரு தொகையை ஆவணக் கட்டணமாக வசூலிப்பார்கள். இந்தத் தொகை ரூ.500 முதல் ரூ.1,000 வரை இருக்கும். இவை அனைத்தையும் ஒப்பந்தத்தில் சொல்லியிருப்பார்கள். அப்படிச் சொல்லி இருக்கிறார்களா என்பதை முதலில் உறுதி செய்துகொள்ளுங்கள். அடுத்து, ஏலச் சீட்டில் எடுத்த பணம் 30 நாள்களுக்குள் தர வேண்டும் என்பது நிறுவனத்துக்கு நன்றாகத் தெரியும். ஆனால், ஏன் பணம் தரவில்லை என்பது தெரியவில்லை. ஒருவேளை, உரிய ஆவணங்களைச் சமர்ப்பிக்க வாடிக்கையாளர் காலதாமதம் செய்திருக்கலாம். குறிப்பிட்ட நாள்களுக்குள் உங்களுடைய ஆவணங்களைச் சரியாகச் சமர்ப்பித்த பின்னும், உங்களுக்குச் சேர வேண்டிய பணத்தைத் தரவில்லை எனில், நீங்கள் இருக்கும் மாவட்டத்தில் உள்ள சார் பதிவாளர் அலுவலகத்தில் சம்பந்தப்பட்ட நிறுவனத்தின்மீது புகார் கொடுக்கலாம். உங்களுடைய பணம் ஏற்கெனவே தரப்பட்டுவிட்டதால், பெரிய பிரச்னை எதுவும் இல்லை. மாறாக, அந்த நிறுவனத்தின் மீதான குறைகளைத் தெரியப்படுத்தினால், எதிர்காலத்தில் எந்தத் தவறுகளும் நிகழாமல் தடுக்க வாய்ப்புண்டு.’’

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்