கமாடிட்டி டிரேடிங்! - மெட்டல் & ஆயில்

தி.ரா.அருள்ராஜன், தலைவர், பங்குச் சந்தை, கமாடிட்டி சந்தை பயிற்சி மையம், www.ectra.in

தங்கம் மினி

தங்கம், தொடர்ந்து பல மாதங்களாக ஒரு பக்கவாட்டு நகர்விலேயே இருந்து வந்ததைப் பார்த்தோம்.  ஆனாலும்,  இந்த முறை தடையை உடைத்து ஏற முயற்சி செய்துள்ளது. ஆனால், அந்த ஏற்றத்தை நிலைநிறுத்த முடியவில்லை.

கடந்த இதழில் சொன்னது... “தங்கம் ஓர் இறக்கத்திற்கு மாறிய நிலையில், தற்போதைய உடனடி ஆதரவான 30400-ஐ தக்கவைக்குமா என்று பார்க்கவேண்டும். இந்த ஆதரவு தக்க வைக்கப்பட்டால், காளைகள் மீண்டும் மேலே திருப்புவார்கள். அது 30800-ஐ நோக்கி நகரும்.’’

தங்கம் கடந்த வாரங்களில், கீழே 30400-ஐ ஆதரவாகவும், மேலே 30800-ஐ தடைநிலையாகவும் கொண்டு இயங்கி வந்தது.  சென்ற வாரம் திங்கள் மற்றும் செவ்வாயன்று கீழ் எல்லையான 30400-ல் இருந்து எழ ஆரம்பித்தது.   இந்த ஏற்றம் தங்கத்தை 30675 வரை கொண்டு சென்றது. அடுத்து புதனன்று தங்கம் மிக மிக வலிமையான ஏற்றத்தைக் காட்டி முந்தைய தடைநிலையான 30800-ஐ உடைத்து ஏறியது.  பலநாள்களின் தடைநிலையான 30800-ஐ உடைத்தவுடன், மிக அதிக வேகமெடுத்து ஏறி, 31422 என்ற உச்சத்தைத் தொட்டு, பின் இறங்கி 31226-ல் முடிவடைந்தது. அடுத்து வியாழனன்று இந்த ஏற்றத்தைத் தக்கவைக்க முடியாமல் இறங்க ஆரம்பித்தது. மீண்டும் ஒரு தேக்கநிலை வந்துள்ளது.

இனி என்ன நடக்கலாம்? தங்கம் வலிமையாக ஏறி, பின் அதே வலிமையுடன் இறங்க ஆரம்பித்தாலும், முந்தைய தடையான 30800-ஐ உடைத்து ஏறிய நிலையில், தற்போது அதுவே ஆதரவு நிலையாக உள்ளது. இது உடைக்கப்பட்டால் வலிமையான இறக்கம் நிகழலாம். மேலே 30150 என்பது உடனடித் தடைநிலை ஆகும்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்