பங்குகள்... வாங்கலாம்... விற்கலாம்!

டாக்டர் சி.கே.நாராயண், நிர்வாக இயக்குநர், குரோத் அவென்யூஸ் (GROWTH AVENUES), மும்பை. SEBI Registration (Research Analyst) INH000001964

இண்டெக்ஸ்

இந்த வாரம், இந்தியப் பங்குச் சந்தையில் நிலையான போக்கு காணப்பட்டதால் பெரும்பாலான டிரேடர்கள் பங்கு பரிவர்த்தனையில் ஈடுபட்டனர். மேலும், இது முதலீட்டாளர்களும் சந்தைக்குத் திரும்ப உதவிகரமாக அமைந்தது.

இந்த வாரத்தின் அனைத்து வர்த்தக நாள்களிலும் சந்தை உயர்ந்தே காணப்பட்டதைப் பார்த்தோம். இதனால், கேண்டில் சார்ட்டில் தொடர்ந்து மூன்றாவது வாரமாக ஏற்றமான போக்கைக் கொண்டிருக்கிறோம். நிஃப்டி, தனது லெவல்களைத் தொடர்ந்து தக்கவைத்துக் கொண்டது. வார இறுதியில் நிஃப்டி  10480 என்ற புள்ளிகளில் நிலை பெற்றது. பேங்க் நிஃப்டி 25000 புள்ளிகளுக்கு மேலே தக்க வைத்துக்கொண்டது. மேலும், சர்வதேச அளவில், குறிப்பாக அமெரிக்கா  - சீனா இடையேயான வர்த்தக போர் காரணமாக வெளிப்பட்ட சீற்றங்களையெல்லாம் நமது பங்குச் சந்தை இந்த வாரம் கண்டுகொள்ளவில்லை. சர்வதேச நிகழ்வுகளினால் சந்தையில் ஏற்பட்ட தாக்கங்கள் குறையத் தொடங்கியுள்ளதோடு, சந்தை உள்ளூர் நிகழ்வுகளின்மீது குறிப்பாக நிறுவனங்களின் காலாண்டு நிதி நிலை முடிவுகள்மீது கவனத்தைத் திருப்பத் தயாராகிவிட்டதையும் காண முடிகிறது.

வரும் வாரத்திலிருந்து சந்தையில் சம்பாதிப்பதற்கான நல்ல வியாபார தருணங்கள் தொடங்கத் தயாராக உள்ளன. இந்தப் போக்குகள் ஏற்கெனவே ஓரளவு தொடங்கிவிட்டபோதிலும், சமீப நாள்களில் சந்தையில் நிலவிய அதிக ஏற்ற இறக்கப் போக்கைச் சமாளிக்க முடியாமல் டிரேடர்கள் தங்களது வியாபாரத்தைக் குறைவாக வைத்துக்கொண்டதால், சந்தை மீதான சாதகமான கண்ணோட்டம் பெரிய அளவில் இல்லாமல் இருக்கிறது. இது பங்குகளின் விலையில் நல்ல விதமாகவோ அல்லது மோசமாகவோ தாக்கத்தை ஏற்படுத்தலாம். எனவே, முக்கியமான பங்குகளின் விலையைப் பார்த்து நாம் பெரிய அளவில் பதில் நடவடிக்கையில் ஈடுபட வேண்டாம்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்