அங்காடித்தெரு! - 12 - திண்டுக்கல் மெயின் ரோடு!

இத்தொடரின் மற்ற பாகங்கள்:

‘திண்டுக்கல் மெயின் ரோடு’ என அழைக்கப்படும் சாலைதான் திண்டுக்கல் நகரின் அங்காடித் தெரு. பேருந்து நிலையம் முதல் மலைக்கோட்டை நுழைவாயில் வரை இரண்டு கிலோ மீட்டர் தூரம் வரை நீண்டு கிடக்கும் இந்தச் சாலையில், நமக்குத் தேவையான அனைத்துப் பொருள்களையும் வாங்கிவிடலாம். இந்தச் சாலையில் சிறுசிறு கிளைகளாகப் பிரிகின்றன ரதவீதிகள். கிட்டத்தட்ட மனிதனின் முதுகெலும்பைப் போல, நகரின் மத்தியில் ஊடாடிக் கிடக்கிறது மெயின் ரோடு.

திண்டுக்கல் நகரின் வியாபாரம், இந்த நகரைச் சுற்றியுள்ள கிராமங்களை நம்பியே இருக்கிறது. கிராமத்தினரின் தேவை, நகர மக்களின் தேவைகள் என அனைத்துப் பொருள்களும் இங்கு கிடைப்பது கூடுதல் சிறப்பு. சுற்றுப்புறக் கிராமங்களிலிருந்து வந்து, பேருந்து நிலையத்தில் இறங்கி, மெயின் ரோடு வழியாக வேடிக்கை பார்த்துக்கொண்டே நடந்து,  வீட்டுக்குத் தேவையான பொருள்களை வாங்கிக் கொண்டு செல்வதை வாடிக்கையாக வைத்திருக்கிறார்கள் மக்கள்.

பேருந்து நிலையத்திலிருந்து வெள்ளை விநாயகர் கோவில் வரை மொபைல் கடைகளும், பாத்திரக் கடைகளும் இருக்கின்றன. வெள்ளை விநாயகர் கோவிலைத் தாண்டினால், சாலையின் இரண்டு பக்கமும் அணிவகுத்து நிற்கின்றன துணிக்கடைகள். இந்தப் பகுதியில் பல சின்னச் சின்ன சந்துகள் இருக்கின்றன. அவற்றிலும் துணி வியாபாரம் நடக்கிறது. இன்னமும் பாயில் அமர்ந்து துணிகளைத் தேர்வு செய்யும் இந்தக் கடைகளுக்கு, நிரந்தரமான வாடிக்கையாளர்கள் இருக்கிறார்கள்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்