பிசினஸ்... உங்கள் பிரச்னை, எங்கள் தீர்வு - 5 - புரஃபஷனல்களிடம் கம்பெனி நிர்வாகத்தைத் தரலாமா?

இத்தொடரின் மற்ற பாகங்கள்:
ராமாஸ் கிருஷ்ணன், நிறுவனர் மற்றும் நிர்வாக இயக்குநர், ஆஷ்பயர் இன்ஃபினிட் அண்டு டேப் இண்டியா (Aspire Infinite and TAB India)

‘சவுண்டிங் போர்டு’ மீட்டிங் வழக்கமாக ஞாயிற்றுக்கிழமை காலைதான் நடக்கும். அன்றும் அப்படித்தான் நடந்தது. அந்த த்ரி ஸ்டார் ஹோட்டலில் கொஞ்சம் பன் அல்வா, சுடச்சுட பஜ்ஜி, பில்டர் காபி குடித்து முடித்தபின், போர்டு ரூமில் இருக்கிறமாதிரி ஒரு பெரிய டேபிளைச் சுற்றி எல்லோரும் அமர்ந்தார்கள். எல்லோரையும் பார்த்துப் புன்னகைத்தார் திருலோக்.

தேவராஜன் முதலில் பேச ஆரம்பித்தார். ஆண்டுக்கு ரூ.5 கோடி டேர்ன் ஓவர் என்கிற அளவில் அவரது அப்பா நடத்திவந்த பின்னலாடைத் தொழிலை இன்றைக்கு ஏறக்குறைய ரூ.20 கோடிக்கு உயர்த்திய திறமை தேவராஜனுடையது. அப்பா கற்றுத் தந்த பிசினஸ் நுணுக்கங்களைத் தொழிலில் சரியாகச் செயல்படுத்தியதன் விளைவு, பிசினஸ் நல்ல முன்னேற்றம் கண்டிருந்தது. ஆனாலும், சமீப காலமாக தேவராஜின் மனதை ஒரு கேள்வி அரித்துக்கொண்டிருந்தது.

‘‘சென்னையில் நான் படித்தபோது சில தொழில் அமைப்புகளில் நடத்தும் கூட்டங்களில் கலந்துகொண்டதன்மூலம் பல பெரிய நிறுவனங் களை நடத்துபவர்களின் நட்பு கிடைத்தது. அவர்கள் எல்லாம் நிறுவனம் தொடர்பான முக்கிய முடிவுகளை மட்டுமே எடுக்கிறார்கள். தினப்படியான வேலைகளை புரஃபஷனல்களே செய்துவிடுகிறார்கள். எனவே, அந்தத் தலைவலி யிலிருந்து தப்பித்து, வேறு விஷயங்களில் மனதைச் செலுத்த அவர்களால் முடிகிறது. நானும் எனது நிறுவனத்தை புரஃபஷனல்களிடம் ஒப்படைக்க லாமா?’’ என்று கேட்டார் தேவராஜன்.

Do you like the story?

Please Appreciate the Author by clapping!

Editor’s Pick