Published:Updated:

வாட்டும் வெயில்... பால் உற்பத்தியை அதிகரிக்கும் வழிகள்!

வாட்டும் வெயில்... பால் உற்பத்தியை அதிகரிக்கும் வழிகள்!
பிரீமியம் ஸ்டோரி
News
வாட்டும் வெயில்... பால் உற்பத்தியை அதிகரிக்கும் வழிகள்!

ஆலோசனை

வாட்டும் வெயில்... பால் உற்பத்தியை அதிகரிக்கும் வழிகள்!

ஆலோசனை

Published:Updated:
வாட்டும் வெயில்... பால் உற்பத்தியை அதிகரிக்கும் வழிகள்!
பிரீமியம் ஸ்டோரி
News
வாட்டும் வெயில்... பால் உற்பத்தியை அதிகரிக்கும் வழிகள்!

கால்நடை வளர்ப்பு, விவசாயத்தின் முக்கிய அங்கமாக இருந்து வருகிறது. விவசாயத்தில் வருமானம் குறையும்போது, அதை ஈடுகட்டுவது கால்நடை வளர்ப்புதான். கால்நடை வளர்ப்பில் ஈடுபடும் பெரும்பாலான விவசாயிகள் தேர்ந்தெடுப்பது, கறவை மாடுகளைத்தான்.

வாட்டும் வெயில்... பால் உற்பத்தியை அதிகரிக்கும் வழிகள்!

கோடைக்காலத்தில் வெயிலின் தாக்கம் அதிகம் இருப்பதால், கறவை மாடுகளில் பாலின் அளவு குறைவதோடு, பாலில் கொழுப்பின் அளவும் குறையக்கூடும். இதுபோன்ற பிரச்னைகளைத் தவிர்ப்பது குறித்து... மாதவரம், கால்நடை மருத்துவ அறிவியல் பல்கலைக்கழகப் புறநகர் மருத்துவமனையின் தலைவர் மற்றும் பேராசிரியர் முனைவர் க.கிருஷ்ணகுமார் சொன்ன விஷயங்கள் இங்கே…

ஒட்டுமொத்த விகடனுக்கும் ஒரே ஷார்ட்கட்!

வாட்டும் வெயில்... பால் உற்பத்தியை அதிகரிக்கும் வழிகள்!

“கால்நடைப் பராமரிப்பில் கோடைக்காலம் மற்றும் மழைக்காலம் என இரண்டு பருவங்களிலுமே கவனமாக இருக்க வேண்டும். கால்நடைகளுக்குக் கீற்றுக்கொட்டகைதான் ஏற்றது. தவிர்க்க முடியாமல் ஆஸ்பெஸ்டாஸ் கொண்டு கூரை அமைத்தால்… அதன்மீது தென்னை ஓலை கொண்டு வேய வேண்டும். முடிந்தால் கூரைமீது தண்ணீர் தெளிவித்துவிடலாம்.   கொட்டகையின் மேற்கூரை 10-12 அடி உயரத்தில் இருக்க வேண்டும். கொட்டகையைச் சுற்றி மரங்கள் வளர்த்தால் நல்ல பலன் தரும்.கோடைக் காலத்தில், தினமும் மூன்று வேளைகள் மாட்டைக் குளிப்பாட்டுவது நல்லது. குறைந்தபட்சம் 2 முறையாவது குளிப்பாட்டினால், வெயிலின் தாக்கத்திலிருந்து மாடுகளைக் காப்பாற்ற முடியும். கொட்டகைக்குள்ளேயே நீர்த்தெளிப்பான்களைப் (ஸ்பிரிங்ளர்) பொருத்தி, நேரடியாக மாடுகளின் மீது தண்ணீர் விழுமாறு அமைத்துக் கொள்ளலாம். இதனால், குளிப்பாட்டுவது சுலபமாகும்.

வாட்டும் வெயில்... பால் உற்பத்தியை அதிகரிக்கும் வழிகள்!

எருமை மாடுகளைத் தினமும் 5 முறை குளிப்பாட்ட வேண்டியது அவசியம். எருமைகளுக்கு வியர்வைச் சுரப்பிகள் கிடையாது. அதனால், வெப்பத்தை வெளியேற்றத் தண்ணீரில் அடிக்கடி நனைய வேண்டும். இல்லாவிடில், எருமைகளின் உடல் இளைத்து, பாலின் அளவு குறைந்துவிடும். தண்ணீர் வசதி இல்லாதவர்கள் ஈரச்சாக்கை நனைத்து எருமைகள்மீது போட்டுவிடலாம். பசுவுக்கும் இதுபோலச் சாக்கைப் பயன்படுத்தலாம்.

நமது நாட்டு மாடுகளுக்குக் கோடைக்காலத்தில் அதிகப் பராமரிப்பு தேவையிருக்காது. ஆனால், கலப்பின மாடுகளுக்குக் கண்டிப்பாகப் பராமரிப்பு தேவை. கலப்பின மாடுகள் வெயிலால் ஒருவித அழுத்தத்துக்கு (ஸ்ட்ரெஸ்) ஆளாகின்றன. அதனால், மேய்ச்சல் முறையில் மாடுகளைப் பராமரிக்கும் விவசாயிகள்… காலை 7 மணிக்கே மேய்ச்சலுக்கு அனுப்பி, 11 மணிக்குத் திரும்பி வருமாறு பார்த்துக் கொள்ள வேண்டும். அதேபோல, மாலை 3 மணிக்கு மேய்ச்சலுக்கு அனுப்பி மாலை 6 மணிக்குத் திரும்புமாறும் பார்த்துக்கொள்ள வேண்டும். அதாவது அதிக வெயில் நேரத்தில் மேய்ச்சலுக்கு அனுப்பாமல் ஓய்வு எடுக்க விட வேண்டும். இதனால், மாடுகளுக்குச் சோர்வு ஏற்படாது.

வாட்டும் வெயில்... பால் உற்பத்தியை அதிகரிக்கும் வழிகள்!

கோடைக்காலத்தில் கறவை மாடுகளுக்குத் தினமும் 20 கிலோ அளவு பசுந்தீவனம் கொடுக்க வேண்டியது அவசியம். பசுந்தீவனம் அதிகமாகக் கிடைக்கும் வாய்ப்பிருப்பவர்கள் இன்னும்கூட அதிகரித்துக் கொள்ளலாம்.

கோ-4, கோ-5 போன்ற புல் வகைகளைப் பசுந்தீவனமாகப் பயன்படுத்தலாம். பாலில் கொழுப்பின் சதவிகிதம் குறைந்து, பாலின் அடர்த்தி குறைவாக இருந்தால் பின்வருபவற்றைப் பின்பற்ற வேண்டும். அதாவது 20 கிலோ பசுந்தீவனத்துடன் 5 கிலோ வைக்கோலைச் சேர்த்துக் கொடுக்க வேண்டும். வைக்கோலில் தாது சத்துகள் உள்ளன. அதோடு செரிமானத்துக்கும் வைக்கோல் உதவுகிறது. அதேசமயம் மக்காச்சோளம் அல்லது சோளப் பயிர்களைப் பால் பிடிக்கும் நேரத்தில் அறுவடை செய்து கறவை மாடுகளுக்குத் தீவனமாகக் கொடுத்தால், பாலின் அளவு கணிசமாக அதிகரிக்கும். இதை ஆய்வு செய்தும் உறுதிப்படுத்தி இருக்கிறோம். அதேபோல 5 லிட்டர் பால் கறக்கும் மாட்டுக்கு 2 கிலோ என்ற அளவிலும், அதற்கு மேல் கறக்கும் ஒவ்வொரு லிட்டர் பாலுக்கும் அரைக்கிலோ என்ற அளவிலும் தினசரி அடர்தீவனம் கொடுக்க வேண்டும்.

வாட்டும் வெயில்... பால் உற்பத்தியை அதிகரிக்கும் வழிகள்!

அடர்தீவனம், பாலில் கொழுப்புச்சத்து அதிகரிக்கும் என்பதால் இதைத் தவறாமல் கொடுக்க வேண்டும். அந்தந்தப் பகுதியில் குறைவான விலையில் கிடைக்கும் கம்பு, மக்காச்சோளம், பயறு மாவு, தவிடு போன்ற பொருள்களைப் பயன்படுத்தி, அருகிலுள்ள கால்நடை மருத்துவரின் ஆலோசனையோடு அடர்தீவனத்தைத் தயாரித்துக் கொள்ளலாம்.

கோடைக்காலங்களில் வெயில் அதிகமாக இருப்பதால், மாடுகள் தண்ணீர் எடுக்கும் அளவும் அதிகமாக இருக்கும். அதேபோன்று தண்ணீர் தொட்டியை வாரம் ஒருமுறை சுத்தம் செய்து வந்தால், தண்ணீரில் பாசியின் வாசம் இருக்காது. பாசி வாசம் இல்லாமல் இருந்தால் இயல்பாகவே மாடுகள் அதிகத் தண்ணீரைக் குடிக்கும்” என்ற கிருஷ்ணகுமார் நிறைவாக, “வெயில் காலங்களில் தீவனப் பற்றாக்குறை, அயற்சி ஆகிய இரண்டும்தான், பாலின் அளவைக் குறைக்கின்றன. இவற்றைச் சரி செய்தாலே பாலில் கொழுப்புச்சத்து, புரதச்சத்து உள்ளிட்ட சத்துகள் அதிகரிக்கும். பாலுக்கும் நல்ல விலை கிடைக்கும்” என்றார்.

    தொடர்புக்கு,
    முனைவர் க.கிருஷ்ணகுமார்,
    செல்போன்: 94432 20975

-த.ஜெயகுமார், படங்கள்: பெ.ராக்கேஷ்

குளிர்ச்சி கொடுக்கும் உளுந்தம் பொட்டு

வாட்டும் வெயில்... பால் உற்பத்தியை அதிகரிக்கும் வழிகள்!

காஞ்சிபுரம் மாவட்டம், வண்டலூர் அடுத்தக் கண்டிகை பகுதியில் நாட்டு மாடுகளைப் பராமரித்து வரும் மார்த்தாண்டன், “கோடைக்காலங்கள்ல மாடுகளுக்குக் குளிர்ச்சி தரும் உளுந்துப் பொட்டின் அளவை அதிகரிச்சுக்கணும். அதேமாதிரி தாது உப்புக் கலவையை வழக்கமான அளவைவிட 10 கிராம் அதிகரிச்சுக்கணும். பசுந்தீவனம் மூலம் மாடுகளுக்கு நீர்ச்சத்து அதிகமாகக் கிடைக்கும். தீவனப் பற்றாக்குறை இருப்பவர்கள்… காய்ந்த சோளத்தட்டை, ராகித்தாள், வைக்கோல்னு கொடுக்கலாம். ஆனால், பால் கறவையில இருக்குற மாடுகளுக்கு இதையெல்லாம் குறைவாத்தான் கொடுக்கணும். மாடுகளை மண்தரையில் கட்டுறது நல்லது. மேய்ச்சல் நிலங்கள்ல வெயிலுக்கு ஒதுங்குறதுக்கு நிழல்பாங்கான இடங்கள் இருக்கணும்” என்கிறார்.

தீவனம்

தினசரி சரிவிகிதத் தீவனம்

பசுந்தீவனம் - 20 கிலோ
அடர்தீவனம் - 5 லிட்டர் பால் கறக்கும் மாடுகளுக்கு 2 கிலோ, 5 லிட்டருக்கு மேல் கறக்கும் ஒவ்வொரு லிட்டருக்கும் அரைக்கிலோ என்று அதிகரித்துக்கொள்ள வேண்டும்.
வைக்கோல் - 5 கிலோ

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism