Published:Updated:

கமிஷன் அடிக்கவா கான்கிரீட் சாலை? - குமுறும் கோவை மக்கள்

கமிஷன் அடிக்கவா கான்கிரீட் சாலை? - குமுறும் கோவை மக்கள்
பிரீமியம் ஸ்டோரி
கமிஷன் அடிக்கவா கான்கிரீட் சாலை? - குமுறும் கோவை மக்கள்

கமிஷன் அடிக்கவா கான்கிரீட் சாலை? - குமுறும் கோவை மக்கள்

கமிஷன் அடிக்கவா கான்கிரீட் சாலை? - குமுறும் கோவை மக்கள்

கமிஷன் அடிக்கவா கான்கிரீட் சாலை? - குமுறும் கோவை மக்கள்

Published:Updated:
கமிஷன் அடிக்கவா கான்கிரீட் சாலை? - குமுறும் கோவை மக்கள்
பிரீமியம் ஸ்டோரி
கமிஷன் அடிக்கவா கான்கிரீட் சாலை? - குமுறும் கோவை மக்கள்

கோவை – பொள்ளாச்சி தேசிய நெடுஞ்சாலையில் ஈச்சனாரி தொடங்கி ஆச்சிப்பட்டி வரை, 27 கிலோ மீட்டருக்கு போடப்பட்டுள்ள கான்கிரிட் சாலையை, ‘காவு வாங்கும் சாலை’ என்றே அழைக்கிறார்கள் கோவை, பொள்ளாச்சி மக்கள். இதில் அடிக்கடி விபத்துகள் ஏற்படுவது மட்டுமின்றி அந்த விபத்துக்களின்போது தார் சாலையைவிட காயங்கள் மிக அதிகமாக ஏற்படுவது மக்களிடையே பெரும் பீதியை ஏற்படுத்தியுள்ளது. கல்வி நிறுவனங்களும் தனியார் நிறுவனங்களும் அதிகம் இருக்கும் இந்தச் சாலையை முறைப்படி அமைக்காததால், கடுமையான போக்குவரத்து நெரிசலும் ஏற்படுகிறது.

கோவை - பொள்ளாச்சி நெடுஞ்சாலையில் 27 கி.மீ தொலைவுக்கு, ரூ.414.90 கோடி செலவில் கான்கிரீட் சாலை அமைக்க மத்திய நெடுஞ்சாலைத்துறை அமைச்சகம் முடிவு செய்தது. ஹைதராபாத்தைச் சேர்ந்த தனியார் நிறுவனம் மூலம் போடப்பட்ட இந்தச் சாலைக்காக 2,133 மரங்கள் வெட்டப்பட்டு, சாலைகள் அகலப்படுத்தப்பட்டன. தமிழகத்தின் முதல் நீளமான கான்கிரீட் சாலை என்ற பெருமையையும் கோவை – பொள்ளாச்சி தேசிய நெடுஞ்சாலை பெற்றது.

கமிஷன் அடிக்கவா கான்கிரீட் சாலை? - குமுறும் கோவை மக்கள்

இது குறித்து ம.தி.மு.க-வின் மாநில இளைஞரணி செயலாளர் ஈஸ்வரனிடம் பேசினோம். “தார் சாலையைவிட, கான்கிரீட் சாலையில் பராமரிப்புச் செலவு அதிகம். இந்தச் சாலை அமைக்கப்பட்டுள்ள தாமரைக்குளம், கோவில்பாளையம் உள்ளிட்ட இடங்களில் சாலையை மக்கள் கடந்துசெல்வதற்கான க்ராஸிங் இல்லை. தேவையான இடங்களில் சர்வீஸ் சாலைகளும் இல்லை. இதனால், பல இடங்களில் தடுப்புகளைத் தாண்டிக்குதித்து மக்கள் சென்றுகொண்டிருக்கின்றனர். இந்தத் திட்டத்தில், மொத்தமே மூன்று பாலங்கள்தான் வருகின்றன. என் அண்டு டி பைபாஸ் சந்திப்பு, மலுமிச்சம்பட்டி போன்ற முக்கிய இடங்களில் பாலங்கள் அமைக்கப்படவில்லை. இதனால், மக்கள் கடும் சிரமத்துக்கு ஆளாகிவருகின்றனர்” என்றார் கவலையுடன்.

இந்தத் திட்டம் குறித்துத் தகவல் அறியும் உரிமைச் சட்டத்தில், பல தகவல்களைப் பெற்றுள்ள சமூக ஆர்வலர் டேனியல் ஜேசுதாஸ், “நாம் தார் சாலையிலேயே சென்று பழக்கப்பட்டவர்கள். மழைக் காலத்தில் இந்தச் சாலையில், 40 கி.மீ வேகத்தில்தான் செல்ல வேண்டும். ஆனால், முன்னெச்சரிக்கை  அறிவிப்புகள் சாலையில் எங்கும் வைக்கப்படவில்லை. எந்த இடத்திலும் மழைநீர் வடிகால்கள் அமைக்கப்படவில்லை. இதனால், மழை நேரத்தில் அதிக அளவு மழைநீர் தேங்கி நிற்கிறது. இந்தச் சாலை 35 ஆண்டுகளுக்குத் தாங்கும் என்றும், பெரிய அளவுக்குப் பராமரிப்புத் தேவையில்லை என்றும் சொல்கின்றனர். தார் சாலை என்றால், மூன்று ஆண்டுகளுக்கு ஒருமுறை சீரமைப்பார்கள். அப்படிப் பார்த்தால், கான்கிரீட் சாலையைவிட தார் சாலையே பரவாயில்லை என்றுதான் தோன்றுகிறது. தார் சாலையைவிட கான்கிரீட் சாலையில் விபத்து ஏற்பட்டால் அடி பலமாக விழும். இங்கு தினமும் நடக்கும் விபத்துகளில் மக்கள் மிகக் கடுமையாகக் காயமடைகிறார்கள்.  இது பள்ளி, கல்லூரிகள் அதிகம் இருக்கும் பகுதி. எனவே, விபத்துகளைத் தடுக்கும் விதத்தில் சாலையை அமைக்க வேண்டும்” என்றார்.

கமிஷன் அடிக்கவா கான்கிரீட் சாலை? - குமுறும் கோவை மக்கள்

கான்கிரீட் சாலை, வாகனங்களை ஓட்டுவதற்கு அவ்வளவு இலகுவாக இல்லை என்று வாகன ஓட்டிகள் புகார் தெரிவிக்கின்றனர். மேலும், டயர் தேய்மானமும் அதிகம் என்கிறார்கள். பொள்ளாச்சி சாலை எப்போதுமே பரபரப்பாகக் காணப்படுவதால், அடிக்கடி விபத்துகள் நிகழ்கின்றன. இந்தச் சாலைக்காக நிலம் கொடுத்த  பலருக்கு தற்போது வரை இழப்பீடும் வழங்கப்படவில்லை. ரூ.414 கோடி செலவழித்துப் போடப்பட்ட இந்தச் சாலையில், தேவையான இடங்களில் சர்வீஸ் சாலைகள் உள்ளிட்ட வசதிகளை ஏன் செய்துதரவில்லை என்றும், கமிஷன் அடிக்கவா சாலை போடுகிறார்கள் என்றும் இப்பகுதி மக்கள் குமுறுகிறார்கள்.

கமிஷன் அடிக்கவா கான்கிரீட் சாலை? - குமுறும் கோவை மக்கள்

இதுகுறித்து தேசிய நெடுஞ்சாலைத்துறை அதிகாரிகளிடம் பேசியபோது, “இது அமைச்சகம் கொண்டுவந்தத் திட்டம். பாலங்கள் கூடுதலாக வேண்டும் என்று ஏற்கெனவே கேட்டிருக்கிறோம். பணிகள் இன்னும் நிறைவடையவில்லை. அதற்குள், முக்கியச் சந்திப்புகளில் சர்வீஸ் சாலைகள் அமைத்துவிடுவோம்.  விபத்தைத் தடுக்க மக்களும் ஒத்துழைப்பு வழங்க வேண்டும். இந்தச் சாலையில் 30-40 கி.மீ வேகத்தில்தான் செல்ல வேண்டும். ஆனால், 90 கி.மீ வேகத்தில் பறக்கிறார்கள். அதுதான் விபத்துக்கு முக்கியக் காரணம்” என்றனர்.

ஏற்கெனவே, ரூ.195 கோடி செலவில் காந்திபுரம் மேம்பாலம், ரூ.216 கோடி செலவில் உக்கடம் மேம்பாலம் மற்றும் ஸ்மார்ட் சிட்டி போன்ற திட்டங்களுக்காகக் கோடிக்கணக்கில் பணம் இறைக்கப்பட்டாலும், அவை தங்களுக்குப் பயனளிக்கும் வகையில் இல்லை என்று கோவை மக்கள் ஆதங்கப்படுகின்றனர். அந்த வரிசையில் கான்கிரீட் சாலையும் சேர்ந்துவிடும்போல.

- இரா.குருபிரசாத், படங்கள்: தி.விஜய்